បុគ្គល ៤ ពួក ដែលអ្នកមិនគួរយកជាគំរូតាម!

នៅលើលោកនេះ មនុស្សមានច្រើនពួក ច្រើនប្រភេទណាស់ តែទោះយ៉ាងណា អ្នកត្រូវយល់ និង មិនត្រូវយកគំរូតាម បុគ្គល ទាំង ៤ ពួក ខាងក្រោមនេះ ដែល ព្រោះពួកគេ គឺជាប្រភេទមនុស្សដែលធ្វើខ្លួន មិនអោយជាប្រយោជន៍ដល់ អ្នកដទៃ ក៏ដូចជាសង្គមជាតិទាំងមូល ផងដែរ ។ បុគ្គលពួកនេះរស់នៅឲ្យតែបានៗ មិនចេះកែខៃជីវិតរស់នៅឲ្យ មានតម្លៃ និង សមស្រមជាមួយអ្នកដទៃ និងធ្វើឲ្យខ្លួនឯងបរាជ័យក្នុងជីវិត ជារឿយៗថែមទៀតផង ។ តើបុគ្គលទាំង ៤ ពួក នេះមាននរណាខ្លះ? សូមអានចំណុចទាំង ៤ ខាងក្រោម៖

១. ពួកបុគ្គលបញ្ញើរក្អែក ៖ មនុស្សដែលរស់នៅ ដោយផ្ញើជោគវាសនាលើគេ បើគេឲ្យរស់ក៏រស់ បើគេឲ្យស្លាប់ក៏ស្លាប់។

២. ពួកបុគ្គលដែលបៀតបៀនជីវិតគេ ៖ មនុស្សប្រភេទនេះ ប្រឹងប្រែងធ្វើបាបគេ បង្កើតភ័យឲ្យគេ តែមិនបានការពារខ្លួនឯង។

៣. ពួកបុគ្គលដែលការពារខ្លួនឯងបានល្អ តែប្រមាថជីវិតគេ ៖ មនុស្សនេះចេះប្រយ័ត្នប្រយែង ចេះការពារខ្លួន តែធ្វើអំពើដែលជាការប្រមាថជីវិតគេ។ មនុស្សបែបនេះ ពិបាករកសេចក្ដីសុខឃើញណាស់ ព្រោះការប្រមាថគេ រមែងមិនមែនជាសុខរបស់បុថុជ្ជនឡើយ។

៤. ពួកបុគ្គលមិនបំពានគេ ៖ មនុស្សនេះមិនចេះបំពានគេ មិនចង់នាំទុក្ខមកឲ្យគេ ហើយសុខចិត្តស្លាប់ខ្លួនឯង ប៉ុន្តែមិនព្រមព្យាយាមរកដំណោះស្រាយណាមួយឲ្យប្រសើរឡើយ។ មនុស្សយើងត្រូវចេះរកដំណោះស្រាយឲ្យអស់ពីលទ្ធភាព ទើបជាមនុស្សឆ្លាត។ ដរាបណាមានជីវិត ត្រូវតែមានការតស៊ូជានិច្ច៕