មើលកំប៉េះគូទអាចដឹងចរិតស្ត្រី ព្រមទាំងវិធីបន្តឹងស្បែកគូទ

I. មើលកំប៉េះគូទអាចដឹងចរិតស្ត្រី

ក្រៅអំពីក្រចកដៃ ថ្ងាស និងសក់ សូម្បីតែកំប៉េះគូទរបស់អ្នកក៏អាចបញ្ជាក់អំពី ចរិត ឬកពារ របស់អ្នកបានដែរ ហើយច្បាស់លាស់ទៀតផង! ដើម្បីឲ្យកាន់តែច្បាស់ សូមអានអត្ថបទ ខាងក្រោមទាំងអស់គ្នា ៖

១.កំប៉េះគូទមូលក្លំ
ជាប្រភេទស្ត្រីដែលមានមន្តស្នេហ៍ ពោរពេញដោយថាមពលផ្លូវភេទ ចូលចិត្តចូលរួមក្នុងសង្គម បើកចំហអារម្មណ៍ និយាយត្រង់ទៅត្រង់មក និងសម្របខ្លួនក្នុងសង្គមបានយ៉ាងល្អ។ ក្រៅពីនេះ ជាមនុស្សដែលមានអារម្មណ៍នឹងន និងជឿជាក់លើខ្លួនឯង ប៉ុន្តែក៏មានអារម្មណ៍ឆាប់ធុញទ្រាន់ផងដែរ។

២.កំប៉េះគូទតូច តែហាប់ណែន
ជាប្រភេទស្ត្រីដែលមិនសូវនិយាយប៉ប៉ាច់ប៉បោចឥតបានការ ព្រោះជាមនុស្សដែលច្បាស់លាស់លើកិច្ចការ ហ្មត់ចត់ រហូតដល់មនុស្សជាច្រើនស្ញប់ស្ញែង។ ចូលចិត្តអ្វីដែលប្រកបដោយភាពសប្បាយរីករាយ ធ្វើឱ្យមនុស្សនៅជុំវិញពេញចិត្ត។ ប៉ុន្តែ គុណវិបត្តិ គឺជាមនុស្សអាត្មានិយម តែមិនបណ្តោយចិត្តកាយឱ្យភ្លើតភ្លើននោះឡើយ ព្រោះតែងតែប្រើខួរក្បាល គំនិត ជាជាងប្រើអារម្មណ៍។

៣.កំប៉េះគូទសំប៉ែត
ជាប្រភេទស្ត្រីដែលស្រឡាញ់ថ្នមខ្លួនបំផុត គឺគិតពីខ្លួនឯង ដោយហេតុថា មិនមានទំនុកចិត្តលើខ្លួនឯង។ ចំណុចល្អគឺ ស្ត្រីប្រភេទនេះ អាចគ្រប់គ្រងអារម្មណ៍ខ្លួនឯងបានល្អ និងចូលចិត្តភាពស្ងៀមស្ងាត់ គិតអ្វីៗតែម្នាក់ឯង មានភាពស្មោះត្រង់ នៅពេលស្រឡាញ់នរណាម្នាក់ នឹងស្មោះជារៀងរហូត។

៤.កំប៉េះគូទយារធ្លាក់
ជាប្រភេទស្ត្រីដែលមានភាពខ្ជិលច្រអូសបន្តិច មិនចូលចិត្តបញ្ចោញសកម្មភាព ច្រើនតែលាក់ខ្លួន មិនសូវចូលចិត្តសម្តែង ឬបង្ហាញចេញនោះឡើយ។ ជាពិសេស ខ្វល់ខ្វាយច្រើន ប៉ុន្តែស្រឡាញ់ភាពស្ងប់សុខ និងមិនចូលចិត្តរំខាននរណាឡើយ។

៥.កំប៉េះគូទងខ្ទើត
ស្រ្តីដែលមានកំប៉េះគូទប្រភេទនេះ ត្រូវចាត់ទុកថា ជាស្រ្តីដែលមានជោគសិរីមង្គល ព្រោះតំណាងឱ្យភាពជាអ្នកដឹកនាំ សម្រេចជោគជ័យក្នុងជីវិត និងមានភាពគង់វង្ស តែជួនកាលមានអារម្មណ៍ប្រែប្រួល ឡើងចុះមិនទៀងទាត់ ចូលចិត្តឱ្យគេលួងលោម។ អ្វីដែលពិសេស គឺប្រសិនបើបុរសណាបាននារីប្រភេទនេះមកធ្វើជាគូគ្រង នោះនឹងជួបភាពជោគជ័យក្នុងជីវិត និងមានទ្រព្យសម្បត្តិហូរហៀរ ៕

II. វិធីបន្ដឹងស្បែកគូទ

ហើយខាងក្រោមនេះ គឺជារបៀបបន្ដឹងស្បែកគូទ វិធីបន្ដឹងស្បែកគូទ ព្រមទាំងមូលហេតុដែលត្រូវបន្ដឹងស្បែកគូទ ដែលមិត្តៗនារីត្រូវយល់ដឹង!!!

របៀបបន្ដឹងស្បែកគូទ
ការបន្ដឹងស្បែកកំប៉េះគូទមានន័យថាការកែច្នៃសាច់កំប៉េះគូទឱ្យមានរាងស្អាត និងមូលក្លុំឡើងវិញបន្ទាប់ពីធ្លាក់យារ។ ការ បន្ដឹងត្រូវធ្វើឡើងជាមួយគ្រូពេទ្យដែលមានជំនាញច្បាស់លាស់ក្នុងការវះកាត់សាច់យារចេញ និងបន្ថែមសាច់គូទសាជាថ្មី។

វិធីបន្ដឹងស្បែកគូទ
មានវិធីសាស្ដ្រជាច្រើនដែលអ្នកជំនាញយកមកប្រើប្រាស់ក្នុងការបន្ដឹងស្បែកកំប៉េះគូទឱ្យមានសភាពស្រស់ស្អាតឡើងវិញ ទៅតាមប្រភេទនៃការយារធ្លាក់របស់អ្នកជម្ងឺ។ បើសិនជាអ្នកជម្ងឺមានខ្លាញ់ច្រើនក្នុងសាច់ ត្រូវព្យាបាលដោយការបូមខ្លាញ់ទាំងនោះ ចេញ ដើម្បីកាត់បន្ថយការយឺតធ្លាក់យាររបស់់ស្បែកដោយសារទម្ងន់របស់ខ្លាញ់។ ប៉ុន្ដែចំពោះអ្នកជម្ងឺពុំសម្បូរសាច់គូទ ជាទូទៅ គ្រូពេទ្យតែងតែធ្វើការវះកាត់ចំណុចកណ្ដាលនៃសាច់កំប៉េះគូទ ឬក៏ចំហៀងសម្រាប់ស៊កអុផ្លានចៀលចូលទៅក្នុងសាច់គូទ។ ប្រសិនបើ ការខូចគុណភាពស្បែកបង្កឡើងដោយសារតែភាពចាស់នៃអាយុ គ្រូពេទ្យអាចកាត់សាច់ដែលគ្មានគុណភាពនោះចេញ ហើយចាក់ បញ្ចូលជាតិខ្លាញ់ដើម្បីបន្ដឹងឡើងវិញ។ ជាទូទៅវិធីវះកាត់បន្ដឹងស្បែកកំប៉េះគូទមានប្រសិទ្ធភាពជាងការបូមខ្លាញ់ និងការចាក់បំពេញ ជាតិខ្លាញ់ឡើងវិញ ហើយជាវិធីដែលអ្នកជំនាញតែងតែយកមកព្យាបាលអ្នកជម្ងឺ។ សូមចងចាំ និងប្រយ័ត្នចំពោះការចាក់សារធាតុ ស៊ីលីកូនដើម្បីបន្ដឹងស្បែក ព្រោះមានផលប៉ះពាល់យ៉ាងខ្លាំង។

មូលហេតុដែលត្រូវបន្ដឹងស្បែកគូទ
មានមូលហេតុបីដែលធ្វើឱ្យស្បែកគូទធូរធ្លាក់ ដូចជាលោកអ្នកពុំមានសាច់ត្រគាក ភាពសម្បូរទៅដោយជាតិខ្លាញ់ច្រើននៅ សាច់គូទ និងការយារធ្លាក់របស់ស្បែកកំប៉េះគូទទៅតាមអាយុកាល។ ករណីទាំងអស់នេះសុទ្ធសឹងតែធ្វើភាពស្អាតនៃសាច់កំប៉េះគូទ បាត់បង់ និងយារធ្លាក់។

Copyrighted: Moha Sneha