អ្នកម្តាយដែលទើបតែមានគភ៌ថ្មីថ្មោងគួរតែដឹង!

ក្នុងអំឡុងពេលមានគភ៌ តើត្រូវមើលថែទាំអ្វីខ្លះក្រៅពីជ្រើសរើសមុខម្ហូបត្រូវតាមសភាពមានគភ៌ ហើយហាត់ប្រាណយ៉ាងត្រឹមត្រូវ និងសម្រាកយ៉ាងគ្រប់គ្រាន់នោះ តើ នៅមានរឿងអ្វីដែលគួរធ្វើបន្ថែមទៀតឬទ? និងតើមានរឿងអ្វីខ្លះដែល គួរចៀសវាង? កិច្ចការងារពីមុនដែលធ្លាប់ធ្វើតើអាចធ្វើបានទៀតឬទេ? ឬ ហុចផលអាក្រក់ប៉ុនណា? ។ ចំណុចទាំងនេះសុទ្ធតែជារឿងដែល អ្នកម្តាយមានគភ៌នៅសង្ស័យច្រើនគ្នាណាស់ ដូច្នេះយើងនាំគ្នាមកបក ស្រាយចំណុចសង្ស័យទាំងនេះទាំងអស់គ្នា ៖

-ទម្ងន់ខ្លួនដែលស័ក្តិសមសម្រាប់អ្នកម្តាយមានគភ៌

បើអ្នកម្តាយមានគភ៌ទទួលទានអាហារ តាមការណែនាំហើយ (ប្រូតេអ៊ីនវិតាមីន សារធាតុរ៉ែអ៊ីយ៉ូដ កាល់ស្យូម ហ្វូលេតសារធាតុដែក) នោះទម្ងន់ខ្លួននឹងកើនឡើងប្រមាណជា១២-១៥គីឡូក្រាមជាមធ្យមកើន មួយខែ២គីឡូក្រាម ។ ប៉ុន្តែក្នុងត្រីមាសដំបូងទម្ងន់ អាចថយចុះបាន ដោយសារតែអាការចាញ់ កូនដែលក្អួតចង្អោរញឹកញាប់ ឬមិនអាចញ៉ាំ អាហារបានច្រើន ។ ក្នុងត្រីមាសទី២ជាអំឡុង ពេលអស់អាការចាញ់កូន ហើយអ្នកម្តាយអាចហាត់ប្រាណបានយ៉ាងត្រឹមត្រូវ ដើម្បីគ្រប់គ្រងកុំឱ្យ ទម្ងន់កើនឡើងលឿនជ្រុលពេក ចំណែកត្រីមាសចុងក្រោយត្រូវប្រយ័ត្ន ប្រយែងបន្តិច ព្រោះឱកាសប្រសូតមុនកំណត់មានខ្ពស់ណាស់ បើសិន បញ្ចោញកម្លាំងធ្វើអ្វីមួយខ្លាំងជ្រុលពេក ក្នុងត្រីមាសនេះទម្ងន់ខ្លួនអ្នក ម្តាយនឹងកើនឡើងខ្ពស់បំផុត ។

-ចាក់វ៉ាក់សាំងការពារជំងឺផ្សេងៗ

ក្នុងអំឡុងមានគភ៌ត្រីមាសដំបូងព្រោះ តែមិនដឹងតើនឹងមាន គ្រោះថ្នាក់ទេ?បើវ៉ាក់សាំង ដែលចាក់នោះជាវ៉ាក់សាំងការពារតេតា ណូស គ្រុនផ្តាសាយធំ ឬកញ្ជ្រឹល មិនជាគ្រោះថ្នាក់ដល់ទារកក្នុងផ្ទៃទេ និង ជាការសាងប្រព័ន្ធការពារជំងឺឱ្យ ខ្លួនទារកទៀតផង ។ ពេញមួយរយៈ ពេល៩ខែអ្នកម្តាយអាចត្រូវចូលទៅ ទទួលការចាក់វ៉ាក់សាំងការពារជំងឺ យ៉ាងត្រឹមត្រូវ ដើម្បីទារកចម្រើនធំ ធាត់រឹងប៉ឹង និងពេញលេញប្រាសចាក ជំងឺដង្កាត់ ។

-វីតាមីនបន្ថែមចាំបាច់ដែរឬទេ?

សារធាតុអាហារដែលអ្នកម្តាយ គួរទទួលទានបន្ថែមនោះគឺសារធាតុ ដែក ដែលជួយគាំទ្រការធ្វើការងារ របស់ហ៊ីម៉ូគ្លោប៊ីន ក្នុងគ្រាប់ឈាម ក្រហមដែលជាអ្នកនាំអុកស៊ីហ្សែន ឆ្ពោះទៅទារកដែលនៅក្នុងផ្ទៃ ។ បើអ្នក ម្តាយបានទទួលសារធាតុដែកមិនគ្រប់ គ្រាន់ នឹងធ្វើឱ្យកើតសភាវលោហិត ស្លេក ហុចផលឱ្យអ្នកម្តាយកើតអាការ នឿយល្វើយហត់ និងដកដង្ហើមមិន ស្រួល ។ ទាំងអស់នេះការទទួលទាន សារធាតុដែកគួរស្ថិតក្នុងបរិមាណ ដែលសមល្មមតាមដែលរាងកាយ ត្រូវការ ចំណែកវិតាមីន និងសារធាតុអាហារផ្សេងទៀត បើទទួលទាន អាហារគ្រប់៥ប្រភេទតាមពាក្យណែនាំរបស់គ្រូពេទ្យហើយនោះ មិនចាំ បាច់ទទួលទានវីតាមីនបន្ថែមក៏បានដែរ ។ ប៉ុន្តែគួរញ៉ាំទឹកដោះគោជា ប្រចាំដើម្បីបង្កើនភាពរឹងមាំរបស់ឆ្អឹងទារកនៅក្នុងផ្ទៃ ។ មិនគួរទទួលទាន ថ្នាំសារធាតុដែកលាយគ្នាជាមួយទឹកដោះគោ ឡើយព្រោះវាធ្វើឱ្យមាន គុណវិបត្តិច្រើនជាងគុណសម្បត្តិ ។

-ស្វាមីទ្រាំមិនបានសុំមានភេទសម្ព័ន្ធក្នុង អំឡុងពេលមានគភ៌

ការមានភេទសម្ព័ន្ធមិនមែនជារឿងគ្រោះថ្នាក់ដល់ទារកក្នុងផ្ទៃទេលើក លែងតែខាងប្រុសមានជំងឺកាមរោគ ។ ក្នុងអំឡុងត្រីមាសទី៣សូមឱ្យ លោកឪពុកអត់ទ្រាំបន្តិច ព្រោះជាដំណាក់កាលសំខាន់ណាស់ ។ គភ៌របស់ អ្នកម្តាយមិនគួរទទួលរងកម្លាំងញ័ររញ្ជួយអ្វីទាំងអស់ដើម្បីការពារ ការប្រសូតមុនកំណត់ និងអាចធ្វើឱ្យទារកមិនរឹងប៉ឹងបាន ។ បើត្រីមាស ទី១ និង២អ្នកម្តាយគួរសង្កេតមើលផងថាតើមានអាការខុសប្រក្រតី ឬទេ ដូចជាឈឺពោះមុនពេលកំណត់និងមានឈាមធ្លាក់ចេញពីមាត់ស្បូន ជាដើម ។ បើមានអាការទាំងនេះ គួរបញ្ឈប់ការមានភេទសម្ព័ន្ធ និង ទៅជួបគ្រូពេទ្យភ្លាម។

-ទឹកដោះដែលគួរញ៉ាំក្នុងអំឡុងពេលមានគភ៌អ្នកម្តាយអាចញ៉ាំ ទឹកដោះបានគ្រប់ ប្រភេទទាំងទឹកដោះគោ ទឹកដោះពពែ ឬទឹកសណ្តែក លឿង(មិនចាំបាច់តែទឹកដោះសម្រាប់ស្ត្រីមានគភ៌ក៏បានដែរ)និងគួរញ៉ាំឱ្យបានទ្វេដង ព្រោះរាងកាយរបស់អ្នកម្តាយត្រូវការកាល់ស្យូម និងកូន តូចក៏ត្រូវការកាល់ស្យូមដែរ ព្រោះកាល់ស្យូមនេះនៅបានជួយការពារ សភាវលើសឈាមបានទៀតផង ៕