ហោរាសាស្រ្តធំ ប្រចាំខែ កញ្ញា ២០១៧

ខែចាស់ជិតផុតរលត់ ខែថ្មីខែកញ្ញា ក៏ឈានចូលមកដល់ តើលោកអ្នកមានដឹង ទេថា ខែថ្មីនេះ អ្នកគួរតែធ្វើអ្វី ហើយចុះរាសីរបស់អ្នក យ៉ាងដូចម្តេចដែរ ?

ខាងក្រោមនេះ គឺជា ហោរាសាស្រ្តធំ ប្រចាំខែ កញ្ញា ឆ្នាំ ២០១៧ ដែលត្រូវបានទស្សន៍ទាយ ដោយ សង្ខេប ជូនប្រិយមិត្តអ្នក អាន៖

១-ឆ្នាំជូត៖ ខែនេះអ្នកដែលមានកំណើតកើតឆ្នាំជូត រាល់ដំណើរការការងារ ទាំងឡាយ របស់អ្នក មានសភាព ល្អប្រសើរណាស់ ទន្ទឹមនឹងនោះ អ្នកនឹងមានមនុស្សជាច្រើនចង់រាប់អានជាមួយអ្នក ពិគ្រោះ ប្រឹក្សា និង ដាក់ទុន វិនិយោគទៅលើ គំនិតរបស់ អ្នក ។ ខែនេះ អ្នកនឹងទទួលបានសំណាង ល្អជាច្រើន ដែលលោកអ្នក មិនធ្លាប់នឹកស្មានដល់ ពីមុនមក ។

២-ឆ្នាំឆ្លូវ៖ ខែនេះអ្នកដែលមានកំណើតកើតឆ្នាំឆ្លូវ អ្នកមើលទៅដូចជារៀង ពិបាកចិត្តបន្តិច ព្រោះ វិបត្តិហិរញ្ញវត្ថុបានបន្តចូលមកកាន់ជីវិតអ្នកទៀតហើយ ដែលធ្វើអោយអ្នក មានសភាព បារម្ភ និង ឈឺក្បាល ជាញឹកញាប់ ហេតុនេះ ការរៀបចំខ្ទង់ចាយវាយអោយបានល្អ ជាកត្តាចំបងបំផុត ក្នុងខែនេះ តែមិនត្រូវបារម្ភខ្លាំងពេកទេ ព្រោះ ខែក្រោយទៅ អ្នកនឹងបានប្រសើរហើយ ហើយអាចនិយាយ បានថាប្រសើរខា្លំងបំផុត ទៀតផង ចំពោះ រឿងលុយកាក់នេះ ។

៣-ឆ្នាំខាល៖ ខែនេះអ្នកដែលមានកំណើតកើតឆ្នាំខាល អ្នកត្រូវតែឧស្សហ៍ញញឹម ដាក់មនុស្សប្លែកមុខ អោយបានច្រើន បន្តិច ព្រោះខែនេះ លាភសំណាង និង ភាពជោគជ័យ សព្វគ្រប់បែបយ៉ាង របស់អ្នក កើតចេញពីមនុស្សនោះ ដែលជាអ្នកផ្តល់ឳកាស មាស ឳកាស ប្រាក់ នោះ មកដល់ខ្លួន អ្នក ។ បើមនុស្សស្រីដល់វ័យរៀបការ នឹង បានគូគាប់ល្អដូចបំណង ។

៤-ឆ្នាំថោះ៖ ខែនេះអ្នកដែលមានកំណើតកើតឆ្នាំថោះ ល្អប្រសើរហើយ ហើយ រាល់វិបត្តិ (ទាំងគ្រួសារ ទាំងប្រាក់កាស់ ទាំងកន្លែងការងារ) ដែលអ្នកកំពុងប្រឈមនឹងរលាយបាត់ទៅបន្តិចម្តងៗ អាចដល់ទៅ ១០០% ដូច្នេះកុំបារម្ភ ចូរមានក្តីសង្ឃឹមឡើង ជីវិតជោគជ័យ របស់អ្នក កំពុងរង់ចាំអ្នក ។ មួយវិញទៀត បើអ្នកប្រាថ្នាចង់ មានដំណើរកំសាន្តទៅទីណា អ្នកនឹងបានទៅ ដូចបំណង ជាក់ជាមិនខាន ។

៥-ឆ្នាំរោង៖ ខែនេះ អ្នកដែលមានកំណើតកើតឆ្នាំរោង ចូរអ្នកព្យាយាម ឧស្សាហ៍ និង ស្វាហាប់ បន្តិចឡើង ទើបអ្នកអាចសម្រេច បំណង ក្នុងចិត្ត របស់អ្នក បាន ព្រោះ ខែនេះ អ្នកមានបំណងប្រាថ្នាច្រើនណាស់ និង មានរឿងត្រូវដោះស្រាយច្រើនណាស់ ។ ខែនេះ ក្តីឧស្សាហ៍ព្យាយាម គឺដើរតួរសំខាន់ បំផុត ក្នុងជីវិតអ្នក ចូរកុំធ្វេសប្រហែស អោយសោះ ។

៦-ឆ្នាំម្សាញ់៖ ខែនេះអ្នកដែលមានកំណើតកើតឆ្នាំម្សាញ់ អ្នកនឹងមានរឿងមមារញឹកជាច្រើនត្រូវបំពេញ ហើយ ក៏មានរឿងសំណាង ជាច្រើនត្រូវកើតឡើងដែរ ចូរចេះលៃលកពេលវេលា អោយបានល្អ ព្រោះ ការងារខ្លះ អាចកាត់ យកសំណាងអ្នកទៅឆ្ងាយ ពីជីវិតអ្នកផងដែរ ។ ខែនេះ ការយកអាសារអ្នកដទៃ មិនមែន ជារឿងល្អឡើយ ចូរចំណាំ ។

៧-ឆ្នាំមមី៖ ខែនេះអ្នកដែលមានកំណើតកើតឆ្នាំមមី ល្អណាស់ អ្នកនឹងអស់ភាពស៊យ ភាពចង្រៃ និង ភាពស្មុគស្មាញ ចេញពីជីវិតអ្នកហើយ ចូរញញឹមចុះ ព្រោះនឹងមានមនុស្សនាំសំណាងដល់អ្នក ឆាប់ៗនេះ ហើយនឹងធ្វើអោយ អ្នកបានក្លាយជាអ្នកមានទ្រព្យស្តុកស្តម្ភ និង មានមុខមានមាត់ ក្នុងតំបន់ ជាក់ជាមិនខាន ។

៨-ឆ្នាំមមែ៖ ខែនេះអ្នកដែលមានកំណើតកើតឆ្នាំមមែ សម្រាប់អ្នកមិនទាន់មានគូ នឹងបានជួបគូព្រេងពិត ក្នុងខែនេះផងដែរ រីឯ អ្នកដែលមានគូ ហើយ នឹងអាចមានបុត្រា ឬក៏ បុត្រី ១ ទុកគ្រាន់ លម្អជីវិត ផងដែរ ។ ចំពោះ ការប្រកបរបររកស៊ីវិញ មានលក្ខណៈធម្មតា មិនមានអ្វី កើនឡើង ហើយ ក៏គ្មានអ្វីថយចុះ ដែរ ។

៩-ឆ្នាំវក៖ ខែនេះអ្នកដែលមានកំណើតកើតឆ្នាំវក លាភនឹងគ្រោះ មកទន្ទឹមគ្នាដល់ហើយ គឺថា បើមានទុក្ខ គឺនឹងមានលាភ បើមានគ្រោះ នឹង មានសំណាង ដូរមកវិញជាក់ជាមិនខាន ដូច្នេះមិនត្រូវមើលងាយស្ថានភាពចំពោះមុខឡើយ ព្រោះជីវិតអ្នកខែនេះ ដូចកាំបិតមុខពីរ អ៊ីចឹង ។ ធ្វើត្រូវ នឹងហេងណាស់ តែបើខុសវិញ គឺជួញទុក្ខដាក់ខ្លួនហើយ ៕

១០-ឆ្នាំរកា៖ ក្នុងខែនេះអ្នកដែលមានកំណើតកើតឆ្នាំរកា អ្នកនឹងញញឹមដោយមិនដឹងខ្លួន ព្រោះថា លាភជ័យ ទ្រព្យសំណាង របស់អ្នកបានមកដល់ហើយ ហេតុដូចនេះ អ្នកគិតចង់ប្រាថ្នាអ្វី ធ្វើអ្វីក៏សម្រេចដែរ ព្រោះ រាសីអ្នកបើកបានប្រសើរណាស់ហោង ។ ក្នុងខែនេះ ផងដែរ បើអ្នកជួបគ្រោះ ឬក៏ បញ្ហា នឹងមានអ្នក តាមជួយស្រង់ ជួយចម្លង អោយល្អមកវិញជានិច្ច ជាក់ជាមិនខាន ។

១១-ឆ្នាំច៖ ខែនេះអ្នកដែលមានកំណើតកើតឆ្នាំច មានលក្ខណៈ ខុសពីខែមុន បន្តិច ទាស់ត្រង់ថាសំណាង មួយចំនួនរបស់ អ្នក ត្រូវបានបាត់ ដូច្នេះចូរប្រុងប្រយ័ត្នរាល់ ការបំពេញ ភារកិច្ច ក៏ដូចជា កិច្ចការងារ នានាដែលអ្នកកំពុងធ្វើ អោយមែនទែន ព្រោះ ការប្រយ័ត្នប្រយែង របស់នឹងធ្វើអោយ គ្រោះប្រែជាសំណាង ទៅវិញ ជាក់ជាមិនខាន ។

១២-ឆ្នាំកុរ៖ ខែនេះអ្នកដែលមានកំណើតកើតឆ្នាំកុរ បានបង្ហាញថា រាល់គ្រោះថ្នាក់ ដែលបំរុងកើត ឬក៏ តាមយាយី ក្នុងជីវិតរស់នៅ របស់អ្នក នឹងត្រូវបានរលាយបាត់ សូន្យឈឹងតែម្តង រីឯ បញ្ហាប្រាក់កាសនៅមិនទាន់ល្អនៅឡើយទេ ចូរអ្នកគួរណា រៀបចំប្រើប្រាស់ ខ្ទង់ចំណាយ អោយបានត្រឹមត្រូវ ទើប ខែក្រោយ រាសី អ្នក បានប្រសើរ ខាងជោគទ្រព្យ មកវិញ ។