ដូចដែលអ្នកដឹងហើយថាកីឡាបាននាំមកនូវអត្ថប្រយោជន៍ជាច្រើន ប៉ុន្តែយើងឃើញថាភាគច្រើនមានតែប្រុសទេដែលចូលចិត្តលេង។ អ្វីដែលល្អស្រីៗគួរតែព្យាយាមលេងកីឡាខ្លះព្រោះវាធ្វើឲ្យអ្នក៖
១. ធ្វើការងារបានល្អ៖ មនុស្សដែលលេងកីឡាគឺអភិវឌ្ឍន៍ការចងចាំ ការរៀនសូត្រ និងការផ្ដោតសំខាន់ទៅលើអ្វីដែលខ្លួនឯងកំពុងធ្វើ។
២. យល់ពីការងារជាក្រុម និងជំនាញ៖ កីឡាបានបានបង្រៀនអ្នកឲ្យចេះធ្វើការងារជាក្រុម ចេះសហការគ្នា ធ្វើការជាមួយគ្នា ដើម្បីសម្រេចគោលដៅរួមមួយហើយជំនាញទាំងនេះពិតជាសំខាន់សម្រាប់ការរស់នៅណាស់។
៣. កីឡាធ្វើឲ្យអ្នកមានសុខភាពល្អ៖ ដូចអ្នកដឹងហើយថាការលេងកីឡាគឺធ្វើឲ្យអ្នកមានសុខភាពល្អ រឹងមាំ និងរូបរាងស្រស់ស្អាត។
៤. លេងកីឡាធ្វើឲ្យអ្នកមានទំនុកចិត្ត៖ ពេលដែលអ្នកលេងកីឡាអ្នកត្រូវការទំនុកចិត្តដើម្បីយកឈ្នះលើដៃគូ ដូច្នេះកីឡាបានពង្រឹងទំនុកចិត្តអ្នកយ៉ាងខ្លាំង។
៥. លេងកីឡាអាចកាត់បន្ថយសម្ពាធដែលអ្នកមាន៖ ពេលដែលអ្នកមិនសប្បាយ ស្មុគស្មាញ កីឡាអាចធ្វើឲ្យអ្នកធូរស្រាលជាងមុន ព្រោះពេលដែលអ្នកលេងវាអ្នកនឹងមិនអាចបែកអារម្មណ៍ទៅណានោះទេព្រោះវាអាចធ្វើឲ្យអ្នកចាញ់។
ដូច្នេះស្រីៗគួរតែលេងកីឡាឲ្យបានច្រើនតាមតែអាចធ្វើបាន ព្រោះវាពិតជាល្អសម្រាប់អ្នក។
0 comments:
Post a Comment