តើភរិយាគឺជាអ្វីៗគ្រប់យ៉ាងរបស់បុរសមែនទេ?

សំនួរ ដែលបុរសខ្លួនឯងពិបាកនឹងឆ្លើយ គឺថា "តើភរិយារបស់អ្នកគឺជាអ្វីៗគ្រប់យ៉ាងរបស់អ្នកមែនទេ?" បុរសខ្លះ ឆ្ហើយយល់ព្រមដោយមិនស្ទាក់ស្ទើ ប៉ុន្តែបុរសមួយចំនួនទៀត បែជាគិត និងមិនអាចឆ្លើយបាន ខណៈចំលើយរបស់គេគឺត្រឹមតែជាស្មានញញឹមដ៏អៀនខ្មាស់មួយតែប៉ុណ្ណោះ។ តើពិតជាអញ្ចឹងមែនទេ?

ប៉ុន្តែសូមរំលឹកទៅកាន់ពេលវេលាចាប់ផ្តើមរបស់អ្នក ជាមួយនឹងភរិយារបស់អ្នក នោះអ្នកនឹងអាចឆ្លើយបានដោយមិនស្ទាក់ស្ទើ។ បើសិនជាការរៀបការរបស់មិនត្រូវបានផ្សំផ្គុំដោយចាស់ទុំទេ អ្នកនឹងដឹងថា ភរិយារបស់អ្នកមានចំនុចអ្វីខ្លះទើបជម្រុញឲ្យអ្នកសុំនាងរៀបការ។ វាអាចជាអ្វីៗគ្រប់យ៉ាងរបស់អ្នកនៅពេលនោះ..

ពេលខ្លះអ្នកជាបុរសពិតជាធ្លាប់គិតថា អ្នកបានរៀបការជាមួយនារីម្នាក់នេះគឺពិតជារឿងគួរអោយអស់សំណើច និងមិនគួរសោះ ប៉ុន្តែបើអ្នករំលឹកដល់គ្រាដំបូងដែលអ្នកសម្រេចចិត្តជ្រើសរើសនាងនោះ អ្នកនឹងយល់ថា អ្នកបានទទួលអ្វីៗគ្រប់យ៉ាងពីនាងហើយ។ អ្វីៗទាំងនោះមិនត្រឹមតែជាការមានពេលវេលារីករាយជាមួយនាងនោះទេ តែក៏ជាការទទួលយកនូវទម្លាប់អាក្រក់ និងចំណូលចិត្តផ្ទុយពីអ្នកផងដែរ។ ដូច្នេះអ្នកមិនគួរបដិសេធមិនឆ្លើយនឹងសំនួរនេះទេ ព្រោះភរិយារបស់គឺពិតជាអ្វីៗគ្រប់យ៉ាងរបស់អ្នកនៅពេលនេះមែន។