ក្បាលពោះ យារធ្លាក់ក្រោយពីសម្រាលបុត្រហើយ លែងជាបញ្ហាចោទទៀតហើយ!

មនុស្សស្រីគ្រប់រូបសុទ្ធតែស្រលាញ់ សម្ផស្ស សម្រស់ និង រូបរាង ខ្លាំងណាស់ ។ ចុះបើអ្នក មានផ្ទៃពោះ ក្បាលពោះអ្នកនឹង ប៉ោងឡើងជាលំដាប់ ដែលបង្កឲ្យស្បែកពោះ របស់អ្នក មានសភាព យៀក បន្ទាប់មកក្រោយពីសម្រាលបុត្ររួច ភាពយៀក កាលពីមុន នឹងបង្ក ឲ្យកើតមាន ជា ភាពយារធ្លាក់ ដល់ពោះ របស់អ្នកជាក់ជាមិនខាន ដូច្នេះ តើមានអ្វីជាដំណោះស្រាយ ចំពោះ បញ្ហាយារធ្លាក់ទាំងនេះ ? យើងខ្ញុំសូមណែនាំនូវគន្លឹះមួយចំនួនដែលអាចជួយរំលាយជាតិខ្លាញ់ក្នុងពោះផង និងបនឹ្តងសាច់ក្បាលពោះឡើងវិញទៀត តើអ្នកចង់ដឹងទេ?

វិធីទី១៖ ចូរហាត់ប្រាណបែបអ៊ែរ៉ូប៊ិក និងមានការចូលរួមជាមួយនឹងកូនផងដែរ។ ចូរចាប់ផ្តើមយឺតតាមរយៈការពកូនដើរលើម៉ាស៊ីន។ ទោះបីជាដើរចម្ងាយកន្លះគីឡូម៉ែត្រក៏វាអាចជួយអ្នករំលាយជាតិខ្លាញ់បានប្រមាណ ១០០កាឡូរីដែរ។ នៅពេលអ្នកមានអារម្មណ៍ថាខ្លួនឯងមានទំនុកចិត្ត ហើយមានរាងសមបន្តិចហើយ អ្នកអាចរត់តិចៗលើម៉ាស៊ីននោះបានហើយ។

វិធីទី២៖ ចូរឈរអឹបនឹងជញ្ជាំង ហើយកន្ធែកជើង និងបន្ទុចជង្គង់បន្តិច។ ការធ្វើបែបនេះនឹងជំរុញដល់សាច់ដុំក្នុងអាងត្រគាក និងពោះផ្នែកខាងក្រោម។ ចូរធ្វើបែបនេះហើយទប់ខ្លួន ១០វិនាទី ម្តងហើយម្តងទៀតឲ្យបានច្រើនតាមតែអាចធ្វើទៅបាន។

វិធីទី៣៖ ចូរគេងផ្ងា ហើយលើកជង្គង់ឡើងដោយបាតជើងដាក់អឹបនឹងដី។ ចូរដាក់ដៃទាំងពីរនៅសងខាង ហើយប្រើកម្លាំងដៃនោះរុញនឹងដីដើម្បីលើកអាងត្រគាកឡើង។ ពេលលើកឡើងចូរទប់ឲ្យបាន ៥ ទៅ៦វិនាទី និងធ្វើម្តងទៀត ៤ ទៅ៥ដង។

វិធីទី៤៖ ស្ត្រីបំបៅដោះកូនគឺស្រកទម្ងន់បានលឿនជាងស្ត្រីដែលបំបៅកូនដោយប្រើម្សៅទឹកដោះគោ។ នេះដោយសារតែអ័រម៉ូនអុកស៊ីតូស៊ីនធ្វើឲ្យស្បូនរួច និងរាងកាយវិវឌ្ឈន៍ទៅភាពដើមលឿន៕

ប្រភព៖ Knowledge