តាមទ្រឹស្តីព្រះពុទ្ធសាសនា បានបែងចែកចរិតរបស់មនុស្សទៅជា៣ប្រភេទផ្សេងៗគ្នា។ ចរិតប្រភេទទាំង៣ខាងក្រោមនេះគឺជាចរិតដែលបានដុះដាលតាំងពីកំណើតមក មិនបាច់ដឹកនាំ តំរង់ទឹស ប្រៀនប្រដៅក៏វាត្រូវតែកើតមកដែរ។
តាមការពន្យល់បកស្រាយបានបង្ហាញថា ចរិតទាំង៣នេះ បានកើតមកជាមួយមនុស្សតាមរយៈការតាក់តែងកំណត់ពីបុព្វកម្មរបស់គេ ។ ចរិតទាំង៣នេះមាន..៖
១. ទោសៈចរិត
គឺជាប្រភេទចរិតដែលឆាប់ខឹង ឆេវឆាវ និយាយប៉ះពាល់តែបន្តិចក៏អន់ចិត្ត ស្លោកអារម្មណ៌ភ្លាមមួយរំពេច។
២. មោហៈចរិត
គឺជាប្រភេទចរិតដែលមានស្មារតីទន់ជ្រាយ មិនចេះពិចារណារកខុសត្រូវ គឺប្រកាន់តែទស្សនៈខ្លួនឯង មិនព្រមទទួលយកគំនិតអ្នកដទៃ។ បើបានជាជឿ រឺធ្វើអ្វី គឺធ្វើទាំងងងឹតងងល់ ច្របល់ ឡូកឡំ ធ្វើអោយអ្នកផងមិនខ្ចីរាប់រក។
៣. លាភៈចរិត
ជាប្រភេទចរិតដែលមើលឃើញតែផលប្រយោជន៌សម្រាប់ខ្លួន បក្សពួកខ្លួន ក្រុមគ្រួសារខ្លួន។ បើបានជាធ្វើអ្វីហើយ បើគ្មានផលប្រយោជន៌សម្រាប់ខ្លួនទេ គឺមិនខ្ចីធ្វើនោះទេ។ កាន់តែធ្ងន់ជាងនេះ ក្រុមប្រភេទចរិតមួយនេះ នឹងធ្វើអោយប៉ះពាល់យ៉ាងធ្ងន់ធ្ងរ មិនត្រឹមតែខ្លួនឯង ក៏ធ្វើអោយខូចខាតប្រយោជន៌សម្រាប់សហគមន៌ខ្លួន សង្គមជាតិខ្លួនទៀតផង។
សូមបញ្ជាក់ថា ចរិតទាំង៣ខាងលើនេះគឺជាគោលនៃចរិតតូចៗជាច្រើនទៀតរបស់មនុស្ស។ អ្នកប្រាជ្ញជំនាន់ក្រោយបានវែកញែក បំបែក ប្រភេទនៃចរិតមនុស្សអោយមានច្រើន តាមតែការសិក្សារបស់ខ្លួន៕
ប្រភពអត្ថបទពី៖ NEAVEA
0 comments:
Post a Comment