អ្នកណាៗក៏ចង់គេចឱ្យផុតពីបញ្ហាមួយចំនួនដែលមាននៅលើបបូរមាត់ដូចជា បបូរមាត់ខ្មៅ ក្រៀម ស្រអាប់មិនរលោងស្រស់ស្អាត មានសភាពគ្រើមជាដើម។ តើមានវិធីការពារបបូរមាត់ពីបញ្ហាអស់ទាំងនេះដែរឬទេ? ពិតជាមាន! ហើយថែមទាំងមិនពិបាកទៀតផង បើអ្នកអនុវត្តបានតាមវិធីតូចតាចអស់ទាំងនេះឱ្យបានជាប់លាប់នោះ ធានាថាមិនយូរទេ ក្តីបារម្ភបែបនេះនឹងត្រូវរត់ទៅឈរនៅជួរក្រោយបំផុតមិនខានឡើយ។ តោះ! មកមើលបន្តិចមើល៍ថា ត្រូវធ្វើដូចម្តេចខ្លះ?
ប្រទាលកន្ទុយក្រពើ ម្សៅទឹកដោះគោ ទឹកក្រូចឆ្មារ ទឹកឃ្មុំ ប្រេងអាល់ម៉ុន ទឹកដំឡូងបារាំងឆៅ រួមទាំងសារធាតុផ្សំមួយចំនួនទៀត ដើម្បីភាពទន់រលោង កាត់បន្ថយភាពខ្មៅស្រអាប់បន្ថែមពណ៌ផ្កាឈូកដល់បបូរមាត់។
- សម្រាប់ការអនុវត្តជាមួយនឹងប្រទាលកន្ទុយក្រពើវាអាចធ្វើឱ្យអ្នកមានអារម្មណ៍ថាចាញ់ក្លិនរបស់វាបន្តិច ប៉ុន្តែមិនបាច់បារម្ភខ្លាចវាប៉ះពាល់អ្វីឡើយ ផ្ទុយមកវិញវានឹងធ្វើឱ្យបបូរមាត់ខ្មៅក្រៀមរបស់អ្នកប្រែមកជាស្រស់ស្រាយជាងមុនជាមិនខាន។ ងាយបំផុតគ្រាន់តែយកប្រទាលកន្ទុយក្រពើស្រស់ៗកាត់វាជាកំណាត់ រូចយកវាមកលាបលើបបូរមាត់របស់អ្នកឱ្យបានញឹកញាប់ជាការស្រេច។
- បើអ្នកមិនចូលចិត្តប្រទាលប្រភេទទេ សូមគ្រឡេកមើលវិធីមួយទៀតដែលអាចឱ្យអ្នកអនុវត្តបាននោះគឺ ការលាយចូលគ្នានៃម្សៅទឹកដោះគោ ទឹកក្រូចឆ្មា ទឹកឃ្មុំ និងប្រេងអាល់ម៉ុន(ប្រើក្នុងបរិមាណស្មើគ្នា) មកបំពោកលើបបូរមាត់។ ទុកវាចោលបែបនេះ ឱ្យបានយូរតាមដែលអ្នកអាចធ្វើបាន ហើយធ្វើវាឱ្យបានពីរដងក្នុងមួយថ្ងៃ។
- កាន់តែពិសេស និងងាយស្រួលជាងនេះទៀតដែលអ្នកមិនទាន់ដឹងនោះគឺទឹកដំឡូងបារាំងឆៅ ក៏មានសម្ថភាពក្នុងការព្យាបាលបបូរមាត់ដែលមានពណ៌ខ្មៅបានដែរ។
- ចំណែកឯសកម្មភាពមួយចំនួនទៀតដែលអាចចាត់ទុកថា ជាការជួយឱ្យបបូរមាត់មានសភាពល្អស្អាតដែរនោះ រួមមានដូចជា ការសម្អាតបបូរមាត់អ្នកជារៀងរាល់យប់ឱ្យបានស្អាតជាមួយទឹកត្រជាក់មុនពេលចូលគេង ដើម្បីកម្ចាត់ភាពកខ្វក់, មើមឆៃថាវ ម្សៅរមៀតជាមួយម្សៅទឹកដោះគោ, ដាក់ស្ករសបន្តិចលើក្រូចឆ្មារមួយចំណិត ហើយត្រដុសថ្នមៗលើបបូរមាត់ នេះជាគន្លឹះនៃការព្យាបាលបបូរមាត់ដែលមានបញ្ហាបានយ៉ាងមានប្រសិទ្ធភាព៕
0 comments:
Post a Comment