កំណាព្យ៖ "បណ្ដាំម៉ែពុក"

កំណាព្យ៖ "បណ្ដាំម៉ែពុក"

កូនគួរស្ដាប់ធម៌...ហើយខំធ្វើល្អ...ទាន់ខ្លួននៅក្មេង

រៀនស្ដាប់ចាស់ទុំ...កុំសូវដើរលេង...ប្រយ័ត្នវង្វេង

នាំខ្លួនអន្តរាយ។

កូនកុំផឹកស្រា...កុំចង់ហ៊ឺហា...ដើរលេងជិតឆ្ងាយ

ជួបជុំមិត្តភកិ្ត...លេងសើចក្អាកក្អាយ...កូនគួរខ្វល់ខ្វាយ

រៀនសូត្រណាកូន។

ពេកម៉ែពុកចាស់...គឺប្រាកដណាស់...គ្មានទីពឹងខ្លួន

សង្ឃឹមកូនម៉ែ...ជួយធ្វើជាក្បូន...ដូច្នេះសូមកូន

មើលថែផងណា។

ពាក្យពេចន៍ម៉ែផ្ដាំ...កូនត្រូវចងចាំ...ទុកក្នុងចិន្ដា

កូនកុំប្រមាទ...កូនត្រូវរក្សា...គឺម៉ែប្រាថ្នា

ចង់ឲ្យកូនល្អ។

និពន្ធដោយ៖ ថៃ សាវុធ

ដកស្រង់ចេញពី៖ សៀវភៅ ៣៦៥កវី ដែលរៀបរៀងដោយ សាស្ត្រាចារ្យ វ៉ែន សុន

អត្ថបទផ្សេងៗ