Facebook ទម្លាយទំនាក់ទំនងស្នេហារវាងលោក កឹម សុខា និងស្រីស្នេហ៍លួចលាក់ឈ្មោះ ស្រីមុំ

ភ្នំពេញ ៖ កាលពីព្រលប់ថ្ងៃទី២៩ ខែកុម្ភៈ ឆ្នាំ២០១៦ Facebook មួយដែលមានឈ្មោះថា រឿងពិតក្នុងគណបក្សសង្គ្រោះជាតិ បានទម្លាយខ្សែអាត់ទំនាក់ទំនងស្នេហារវាង លោក កឹម សុខា ជាមួយស្រីស្នេហ៍លួចលាក់ ឈ្មោះ ស្រីមុំ ហើយសំឡេងនេះ ត្រូវបានគេចែកចាយដល់អ្នកសារព័ត៌មានផងដែរ។

ហ្វេសប៊ុកនោះសរសេរថា “ការទាក់ទងស្នេហារវាង លោក កឹម សុខា និងស្រីស្នេហ៍លួចលាក់ឈ្មោះ ស្រីមុំ ! ពេលនេះខ្ញុំសម្រេចចិត្តបញ្ចេញខ្លឹមសារនៃការសាសងគ្នារវាង លោក កឹម សុខា និងស្រីស្នេហ៍ ឈ្មោះអាមុំ ដែលជារឿងពិត ច្បាស់ការ ផ្តល់ដោយមនុស្សជំនិតរបស់ លោក កឹម សុខា បានទម្លាយឲ្យដឹងអំពីទំនាក់ទំនងស្នេហាផ្អែមល្ហែមរវាង លោក កឹម សុខា និងស្រីស្នេហ៍ក្បត់ចិត្តប្រពន្ធ សូម្បីតែនៅពេលទៅខេត្តសៀមរាប ក្នុងពេលប្រពន្ធចូលផ្សារទិញសាច់ក្រក ក៏ឆ្លៀតទាក់ទងតាមទូរស័ព្ទសាសងស្នេហាជាមួយស្រីមុំដែរ”។

ហ្វេសប៊ុកសរសេរទៀតថា “ទន្ទឹមនឹងនេះ លោក កឹម សុខា តែងតែរកឱកាស ដើម្បីរួមរ័កជាមួយស្រីមុំ ដោយគេចចេញទៅក្រៅប្រទេស ដើម្បីជួបគ្នាសប្បាយក្អាកក្អាយប្រព្រឹត្តអំពើស្មោកគ្រោក ប្រើសម្ដីឡែបខាយ អសីលធម៌ គួរឲ្យស្អប់ខ្ពើម គ្រាន់តែពីរថ្ងៃអាចរួមរ័កជាមួយគ្នារហូតដល់ដប់ដងគ្មានខ្វល់ខ្វាយអំពីបញ្ហាជាតិ សុខទុក្ខរបស់ប្រជាពលរដ្ឋ ជាពិសេសសកម្មជនគណបក្សរបស់ខ្លួន ដែលកំពុងជាប់ឃុំនៅក្នុងពន្ធនាគារឡើយ។ ដើម្បីកុំឲ្យគេចោទខ្ញុំថា និយាយមួលបង្កាច់ទៅលើ លោក កឹម សុខា ខ្ញុំសូមដកស្រង់សម្ដីសាសងគ្នារវាង លោក កឹម សុខា និងស្រីមុំ ដូចខាងក្រោម។ បន្ទាប់មកខ្ញុំនឹងបង្ហោះនូវសម្លេងពិតរបស់ លោក កឹម សុខា និងស្រីមុំ”៕

ខាងក្រោមនេះគឺជាពាក្យសម្ដីឆ្លងឆ្លើយរបស់លោក កឹម សុខា និងស្រីមុំ