១) រៀបចំ ចំណុចដែលត្រូវនិយាយ
ខណៈពេលដែលអ្នកដែលត្រៀមរៀបចំនូវចំណុចដែលត្រូវនិយាយ អ្នកអាចភ្លេចនូវចំណុចដែលជាពាក្យពេចន៍ណែនាំផ្ទាល់ខ្លួន។ ដូច្នេះប្រសិនបើអ្នក ភ្លេចនូវពាក្យពេចន៍ផ្ទាល់ខ្លួនក្រៅតែពីចំណុចសំខាន់នៃរឿង អ្នកគួរ សរសេរចេញនូវអ្វីដែលអ្នកគួរនិយាយ ក្រោយពីការបង្ហាញប្រធានបទអ្វីមួយចប់ហើយនោះ ព្រោះវាអាចជួយឲ្យអ្នក បិទបញ្ចប់ការធ្វើបទបង្ហាញ របស់អ្នកដោយភាពរលូន។
២) អនុវត្ត ជាមួយនឹងគ្រូបង្ហាត់
ការអនុវត្តតែម្នាក់ឯងដោយគ្មាននរណាឃើញមុន នឹងការធ្វើបទបង្ហាញនៅមុខមហាជនមិនប្រាកដថាអាចជួយឲ្យអ្នក ឲ្យទទួលបានប្រសិទ្ធភាព ១០០% នោះទេ។ ការអនុវត្តសាកល្បងនៅមុខគ្រូបង្ហាត់ អាចជួយធ្វើឲ្យអ្នកអភិវឌ្ឍខ្លួនបន្ថែមកាន់តែប្រសើរ ព្រោះថា គ្រូបង្ហាត់អាចជួយកែតម្រូវចំណុចខ្វះខាតភ្លាមៗរបស់អ្នក និង ជួយបំពេញបន្ថែមរាល់ចំណុចខ្វះខាតទាំងឡាយដែលអ្នកមាន ដូច្នេះ បើចង់ក្លាយជាអ្នក ដែលពូកែធ្វើបទ បង្ហាញដ៏ឆ្នើម អ្នកគួរជ្រើសរើសបុគ្គលណាមួយដែលមានបទពិសោធន៍មកធ្វើជាគ្រូបង្ហាត់។
៣) ត្រូវចេះដើរតួជាតារាសំដែង
អ្នកដែលពូកែធ្វើបទ បង្ហាញគឺសុទ្ធតែជាអ្នកពូកែសំដែង ការបង្ហាញនូវគំនិត ការពន្យល់ជាមួយកាយវិការរស់រវើក គឺជាភាពទាក់ទាញមួយពីមហាជន។ ដូច្នេះអ្នកត្រូវគិតថារាល់អ្វីដែលអ្នកនិយាយ គឺអ្នកកំពុងនិយាយទៅកាន់មិត្តភក្តិ ដែលអាចជួយធ្វើឲ្យអារម្មណ៍របស់អ្នក ធូរស្រាល និង មានការគ្រប់គ្រងលើខ្លួនឯងបានច្រើន។
0 comments:
Post a Comment