កុំព្យូទ័រចំនួន ១៤លានគ្រឿងបានដំណើរការដោយ Windows 10 ហើយ!

នេះជាដំណាក់កាលមួយដែលក្រុមហ៊ុន Microsoft ត្រូវវាយលុកទីផ្សារប្រព័ន្ធប្រតិបត្តិការ ជាមួយ Windows 10 ដែលទើបត្រូវបានដាក់ឱ្យប្រើផ្លូវការចុងខែកក្កដានេះ។ Windows ជំនាន់ចុងក្រោយនេះ ត្រូវបាន Microsoft អភិវឌ្ឍបញ្ចូលមុខងារ និងលក្ខណសម្បត្តិសំបូរបែប ដំណើរការលឿនជាង Windows ជំនាន់មុនៗ។ រយៈពេលប៉ុន្មានថ្ងៃ បន្ទាប់ពីក្រុមហ៊ុនដាក់ឱ្យប្រើកាលពីថ្ងៃទី២៩ កក្កដាសោះ មកដល់ពេលនេះ មានម៉ាស៊ីនរហូតដល់ ១៤លានគ្រឿងកំពុងដំណើរការ Windows 10 ហើយ។

អតិថិជនដែលកំពុងប្រើ Windows 7 ឬ 8.1 មានអាជ្ញាប័ណ្ណ (license) នឹងអាចធ្វើបច្ចុប្បន្នភាព (update) ឡើងទៅប្រើ Windows 10 ដោយឥតគិតថ្លៃ។ នេះជាសមិទ្ធផលប្រព័ន្ធប្រតិបត្តិការជំនាន់ថ្មីចុងក្រោយបង្អស់ ដែលត្រូវ Microsoft ខិតខំសម្រិតសម្រាំងជាមួយទំនុកចិត្ត អាចបំពេញតម្រូវការអ្នកប្រើ។ ក្រុមហ៊ុនបានចេញរំលង Windows ជំនាន់៩ (version 9) ដោយយល់ថា Windows 10 ហាក់ដូចជាប្រសើរជាង Windows។

លក្ខណសម្បត្តិម៉ាស៊ីនកុំព្យូទ័រដែលអាចដំឡើង Windows 10 បាន៖
-Firmware: UEFI 2.3.1និង Secure boot enabled
-Memory: 2GB for 64-bit, 1GB for 32-bit
-Storage: 16GB for 32-bit OS, 20GB for 64-bit OS
-Graphics: DirectX 9

ប្រភព៖ The Verge and The BNews