Samsung នឹងផលិត Galaxy S6 Edge Plus

កន្លងទៅមានពាក្យចចាមអារ៉ាមជាច្រើនបាននិយាយថាក្រុមហ៊ុន Samsung ថានឹងផលិត Galaxy S6 Edge Plus។ ស្រាប់តែឥឡូវនេះគេឃើញថា ក្រុមហ៊ុន Samsung បានដាក់លិខិតស្នើឈ្មោះថា ‘S6 Edge+’ នៅលើគេហទំព័ររបស់ការិយាល័យសហរដ្ឋអាមេរិកស្នើរសុំសិទ្ធិប៉ាតង់ និង យីហោ។ ដូច្នេះមានន័យថា ក្រុមហ៊ុនគ្រោងនឹងផលិត S6 Edge ទំហំធំជាងមែន។

តាមពាក្យចចាមអារ៉ាមកន្លងទៅបានឲ្យដឹងថា Samsung Galaxy S6 Edge Plus នឹងបំពាក់ដោយអេក្រង់ទំហំ ៥,៧ អ៊ីញ ប្រភេទ Quad HD ជាមួយនឹងកម្រិត Resolution 2560 x 1440 pixels។ ចំពោះលក្ខណៈផ្សេងទៀតគឺមានដូចជា CPU ប្រភេទ Exynos 7420 octa core ទំហំ RAM 3GB និង ត្រូវបានគេរំពឹងទុកថានឹងភ្ជាប់មកជាមួយនឹងទំហំម៉េមូរីចំនួនពីរជម្រើសគឺ 32GB ទៅ 128GB។

លក្ខណៈផ្សេងទៀតដែលរំពឹងថានឹងមាននៅលើ Samsung Galaxy S6 Edge Plus រួមមានកាមេរ៉ាមុខទំហំ 5 MP កាមេរ៉ាក្រោយ 16 MP ។ ចំណែកឯប្រព័ន្ធប្រតិបត្តិការវិញនឹងដំណើរការដោយ Android 5.1 Lollipop និងUI ប្រភេទ TouchWiz។ ប៉ុន្តែមិនទាន់មានព័ត៌មានលម្អិតទាក់ទងនឹងកាលបរិច្ឆេទការបង្ហាញខ្លួននៅឡើយនោះទេ៕