 |
| បំណែកយន្តហោះ MH-17 ដែលត្រូវបានគេបាញ់ធ្លាក់នៅភាគខាងកើតប្រទេសអ៊ុយក្រែន កាលពីឆ្នាំ២០១៤ (រូបថត៖ BBC) |
រដ្ឋមន្ត្រីការបរទេសអូស្ត្រាលី លោកស្រី Julie Bishop ទទូចឱ្យសមាជិកក្រុមប្រឹក្សាសន្តិសុខអង្គការសហប្រជាតិ គាំទ្រដំណោះស្រាយមួយ ដើម្បីបញ្ជូនករណីការបាញ់ទម្លាក់យន្តហោះម៉ាឡេស៊ីជើងហោះហើរ MH-17 ទៅកាន់តុលាការព្រហ្មទណ្ឌអន្តរជាតិ ICC ប្រយោជន៍ផ្ដល់យុត្ថិធម៌ជូនជនរងគ្រោះ។
យន្តហោះម៉ាឡេស៊ីជើងហោះ MH-17 ត្រូវបានបាញ់ទម្លាក់ដោយគ្រាប់មីស៊ីលផលិតនៅរុស្ស៊ី ខណៈយន្តហោះនេះហោះឆ្លងកាត់តំបន់ភាគខាងកើតនៃប្រទេសអ៊ុយក្រែន ទៅកាន់ប្រទេសអូស្ត្រាលីកាលពីថ្ងៃទី១៧ ខែកក្កដា ឆ្នាំ២០១៤ ដោយសម្លាប់មនុស្ស២៩៨នាក់ ក្នុងនោះមានជនជាតិអូស្ត្រាលីផងដែរ។
រដ្ឋមន្ត្រីការបរទេសអូស្ត្រាលី Julie Bishop ដែលទៅដល់បុរីញូយ៉កនៅថ្ងៃនេះ ត្រូវបានស្រង់មកចុះផ្សាយដោយបណ្ដាញផ្សាយព័ត៌មាន BBC មកថា ទោះជាតំណាងប្រទេសរុស្ស៊ី ជំទាស់ក្ដី តែក៏មានសមាជិកភាគច្រើនគាំទ្រចំពោះសំណើយកករណីរបស់ MH-17 ទៅកាន់ ICC។
សមាជិកក្រុមប្រឹក្សាសន្តិសុខអង្គការសហប្រជាតិ មាន១៥ប្រទេស ក្នុងនោះមានប្រទេសអូស្ត្រាលី និងម៉ាឡេស៊ីផងដែរ ប៉ុន្តែជាប្រទេសសមាជិកមិនអចិន្ត្រៃយ៍របស់ស្ថាប័នមួយនេះ ។ ស្ថាប័ននេះមានសមាជិកអចិន្ត្រៃយ៍ ៥ប្រទេស ដែលគេហៅថាប្រទេសមហាអំណាច គឺមាន អាមេរិក អង់គ្លេស បារាំង រុស្ស៊ី និងចិន៕
0 comments:
Post a Comment