 |
| តំបន់កោះស្កាបូរ៉ូ ដែលហ្វីលីពិនបានប្តឹងទៅតុលាការ ICJ ថាចិនរំលោភយក (រូបថត៖ Reuters) |
បណ្ដឹងរបស់ប្រទេសហ្វីលីពីន បានប្ដឹងប្រទេសចិនទៅកាន់តុលាការយុត្តិធម៌អន្តរជាតិ នៅឆ្នាំ២០១៣ ដោយចោទក្រុងប៉េកាំងថាបានចូលមកទន្ទ្រានលើប្រជុំកោះស្កាបូរ៉ូ ដែលជាបណ្ដាញនៃប្រជុំកោះស្ព្រាតលី។ ប្រទេសហ្វីលីពីន ប្ដឹងចិនដោយយោងលើច្បាប់សមុទ្ររបស់អង្គការសហប្រជាជាតិឆ្នាំ១៩៨២ ដែលកំណត់ថា ដែនទឹកប្រទេសជិតតំបន់ជម្លោះជាងគេ ជារបស់ប្រទេសនោះ ហើយគេគិតត្រឹម២០០គីឡូម៉ែត្រមកច្រាំងរបស់ប្រទេសនីមួយៗ។
បើតាមការអះអាងរបស់ប្រទេសហ្វីលីពីន កោះស្កាបូរ៉ូ មានចំងាយជិត២០០គីឡូម៉ែត្រពីប្រទេស ហើយបើគិតពីប្រទេសចិន គឺជិត៦០០គីឡូម៉ែត្រ។
ប្រទេសហ្វីលីពីនបានចោទចិនចូលលុកលុយដែនកោះរបស់ខ្លួន តាំងពីឆ្នាំ១៩៩៩ តែបានតវ៉ាក្នុងក្របខ័ណ្ឌការទូតជាហូរហែរ ហើយនៅឆ្នាំ២០១៣ទើបក្រុងម៉ានីលសម្រេចប្ដឹងជាផ្លូវការទៅតុលាការយុត្តិធម៌អន្តរជាតិ។
ប្រទេសចិនបានប្រកាន់ជំហរថា ខ្លួននឹងច្រានចោលសេចក្ដីសម្រេចរបស់ ICJ បើសម្រេចឲ្យចិនចាញ់ក្ដី ឬក៏ចាញ់ប្រៀបប្រទេសហ្វីលីពីន។ ជាមួយគ្នានេះ អ្នកជំនាញច្បាប់អន្តរជាតិ ព្រមានថា សេចក្ដីសម្រេចរបស់ ICJ នឹងមានប្រសិទ្ធតិចតួចលើប្រទេសចិន ប៉ុន្តែអាចអនុវត្តមានប្រសិទ្ធភាព លុះត្រាតែក្រុមប្រឹក្សាសន្តិសុខ អង្គការសហប្រជាជាតិចូលអន្តរាគមន៍ រឿងក្ដី។ យ៉ាងណាក៏ដោយ ចិននៅមានសិទ្ធបោះឆ្នោតជំទាស់ ក្នុងនាមជាសមាជិកអចីន្ត្រៃយ៍មួយរបស់ក្រុមប្រឹក្សាពិភពលោកនេះ។
ប្រទេសវៀតណាមក៏បានប្រកាសថា ចិនបានឈ្លានពានដែនទឹករបស់ខ្លួន នៅប្រជុំកោះប៉ារ៉ាសែល និងស្ព្រាតលី ហើយក្រុងហាណូយក៏បានគម្រាងថានឹងប្ដឹងចិនទៅកាន់ ICJ ដែរ៕
0 comments:
Post a Comment