ការសិក្សាបានបង្ហាញថា ទទួលទានមើមខ្ញីឆៅក្នុងចំនួនតិចតួចរៀងរាល់ថ្ងៃ នឹងជួយបន្ថយអាការៈឈឺចុកចាប់សាច់ដុំបន្ទាប់ពីធ្វើការងារហត់នឿយ ឬហាត់ប្រាណ ។ ជាយូរមកហើយមើមខ្ញីត្រូវបានគេប្រើជាថ្នាំកែរោគក្អួតចង្អោរ តែការរកឃើញថ្មីៗបានបង្ហាញថា វាមានគុណប្រយោជន៍ដ៏ស័ក្តិសិទ្ធិកបទៅនឹងជំងឺផ្សេងទៀត។ តាមការសិក្សានៅក្នុងមន្ទីរពិសោធន៍មួយបានបង្ហាញថា ម្សៅមើមខ្ញីអាចសម្លាប់កោសិកាជំងឺមហារីកដៃស្បូនបាន ។ នៅក្នុងការពិសោធចុងក្រោយបំផុតបណ្តាអ្នកវិទ្យាសាស្ត្ររបស់អាមេរិកបានឱ្យអ្នកចូលរួមពិសោធន៍ខ្លះទទួលទានមើមខ្ញីឆៅក្នុងម្នាក់២ក្រាម ។ រីឯអ្នកខ្លះទៀតត្រូវបានគេផ្តល់ឱ្យPlacebo មួយ (ជាសារធាតុគ្មានប្រតិកម្មប្រើក្នុងការពិសោធដើម្បីឱ្យដឹងពីប្រសិទ្ធភាពរបស់ឱសថ) ។ បន្ទាប់មកតម្រូវឱ្យពួកគេហាត់ប្រាណជាច្រើនម៉ោង ។ តាមលទ្ធផលដែលបានបោះពុម្ពផ្សាយនៅក្នុងព្រឹត្តិបត្រJournal of Pain បានបង្ហាញថា ២៤ម៉ោងបន្ទាប់ពីការហាត់ប្រាណរួច កម្រិតឈឺចុកចាប់សាច់ដុំចំពោះក្រុមដែលទទួលទានមើមខ្ញីឆៅមានកម្រិតទាបជាងពួកដែលធ្វើតេស្តតាមplacebo ដល់ទៅ២៥% ។
តាមរយៈលទ្ធផលនេះ ក្រុមស្រាវជ្រាវ បាននិយាយថា ខ្ញីពិតជាមានឥទ្ធិពលក្នុងការជួយបំបាត់អាការឈឺចុកចាប់ប្រាកដមែន ៕
0 comments:
Post a Comment