វិធីធ្វើជ្រក់ល្ហុងឲ្យមានរសជាតិឆ្ងាញ់

ដើម្បីឲ្យ ជ្រក់ល្ហុង មានរសជាតិកាន់តែឆ្ងាញ់ ប្រិយមិត្តត្រូវដឹងពីវិធីធ្វើ និងគ្រឿងផ្សំសម្រាប់លាយបញ្ចូលគ្នាឲបាន
គ្រប់មុខ។ ដូច្នោះកុំចាំយូរ សូមអនុវត្តទាំងអស់គ្នាដូចខាងក្រោម៖

+ គ្រឿងផ្សំ
- ល្ហុង ៣០០ក្រាម ឈូសជាសសៃ
- ត្រសក់ ២-៣ផ្លែចិតជាចង្វាមូល
- ការ៉ុត ១មើមឈូសជាសសៃ
- ខ្ញី ១ដុំចិតជាបន្ទះស្តើង
- ខ្ទឹមក្រហម ១ដុំធំចិតជាបន្ទះស្តើង
- អំបិល ១ស្លាបព្រាបាយ
- ទឹកខ្មេះ ៣-៥ស្លាបព្រាបាយ
- ខ្ទឹមស ៥កំពឹសចិញ្រ្ចាំ
- ស្ករស ៣ស្លាបព្រាបាយ
- ម្សៅស៊ុបមាន់ កន្លះស្លាបព្រាបាយ

+ វិធីធ្វើ
១. មុនដំបូងយកល្ហុង ការ៉ុត និងអំបិល (ទុកបន្តិច) មកច្របល់ចូលគ្នា រួចទុក៥នាទី។
២. ៥នាទីក្រោយមកយកវាមកលាងទឹក រួចហើយពូតឲ្យអស់ទឹក។
៣. បន្ទាប់មកយកវាមកលាយជាមួយ ខ្ញី, ត្រសក់, ខ្ទឹមក្រហម, ខ្ទឹមស, ស្ករស, ម្សៅស៊ុបមាន់ និងអំបិលដែលនៅសល់
រួចហើយច្របល់ចូលគ្នា។
៤. បន្ទាប់មកទៀតដាក់ទឹកខ្មេះចូលរួចច្របល់ម្តងទៀតឲ្យបានសព្វរួច ភ្លក់មើល បើរស្ទើររស់ជាតិណាមួយអាចបន្ថែម
តាមតាចូលចិត្ត៕

ប្រភព៖ www.mungkulkar.com