ឆ្នាំជូត និង មមែ ត្រូវលោកគ្រូទស្សន៍ទាយចិន Xiao Lixin បកស្រាយថាខែវិច្ឆិកា ខាងមុខនេះ.....

ឆ្នាំជូត និង ឆ្នាំមមែ ត្រូវបានចំណាត់ថ្នាក់ កំពូល ក្នុងដើមខែវិច្ឆិកា ២០១៧ ខាងមុខនេះ តើលោកអ្នកដឹងទេថាហេតុអ្វីទៅ?

មុននឹងដឹងថាមកពីហេតុអ្វី លោកគ្រូ Xiao Lixin សូមប្រាប់លោកអ្នកអោយដឹងអំពី បង្គុំធាតុ និង កត្តាសំណាង នៃឆ្នាំជូត ក៏ដូចជាឆ្នាំមមែ នេះ ជាមុនសិន ៖

១. ឆ្នាំជូត

-បង្គុំធាតុ៖ នៅខែវិច្ឆិកាខាងមុខនេះ អ្នកមានពង្ស កណ្តុរគុជ ស្ពាយថង់យាមមាស ធាតុមាស (តាមក្បួនធាតុទាំងបួនរបស់ចិន) ដែលសំដៅ ដល់មានទ្រព្យ មានដំណឹងល្អ មានបរិវារ មានសុខភាពល្អ មានញាតិកុះករ និង មានសំណាងលើរឿងរូបិយក្នុងជីវិតជាច្រើនយ៉ាងច្រើនសណ្ឋាន ។

-កត្តាសំណាង៖ នៅខែវិច្ឆិកាខាងមុខនេះ អ្នកនឹងទទួលបានសំណាងពីមនុស្សកើត ឆ្នាំ ម្សាញ់ ច ឆ្លូវ និង ខាល ច្រើនជាងគេ ។ ប្រសិនបើការធ្វើដំណើរ រកស៊ីជួញដូរ ឬក៏បណ្តាក់ទុន នានា នៅទិស ឧត្តរ និង ទក្សិណ ភាគរយច្រើន នឹងទទួលបានជោគជ័យ តាមចិត្តប៉ង រីឯទិសមានភាគរយល្អបន្ទាប់គឺ ទិស អាគ្នេយ៍ ។ ប្រសិន បើមនុស្សប្រុសស្រី ឆ្នាំនេះ ចង់បានគូ គួរណាសម្លឹង មនុស្សប្រុសស្រី នៅ បូព៌ ឬក៏ ឦសាន្ត នៃផ្ទះ របស់អ្នក (សម្រាប់អ្នកកំពុងស្វែងរកគូ មិនថា កម្លោះ ក្រមុំ មេម៉ាយ ឬពោះម៉ាយឡើយ)។

២. ឆ្នាំមមែ៖

-បង្គុំធាតុ៖ នៅខែវិច្ឆិកាខាងមុខនេះ អ្នកមានពង្សជា ស្តេចពពែមាស ឈរលើសមុទ្រ ធាតុទឹក (តាមក្បួនធាតុទាំងបួនរបស់ចិន) ដែលមានបុណ្យបារមីខ្ពស់ មានបរិវារច្រើនកុះករ មានយសសក្ត និង ទ្រព្យសម្បត្តិច្រើនហូរហៀរ ទៅទីជិតឆ្ងាយមានមនុស្សល្អតាមជួយ មើលថែ ផ្គត់ផ្គង់ អោយសម្បូរណ៍សប្បាយ និង មានសេចក្តីសុខបរិបូរណ៌ ជានិច្ច។

-កត្តាសំណាង៖ នៅខែវិច្ឆិកាខាងមុខនេះ អ្នកនឹងទទួលបានលាភសំណាងជាច្រើនហូរហែរ ពីមនុស្សដែលមានកំណើតក្នុងឆ្នាំ ឆ្លូវ មមី វក និង រោង ។ ប្រសិនបើលោកអ្នកកំពុង តែសម្លឹងរកគោលដៅរកស៊ី ជួញដូរ វិនិយោគ ឬក៏ ធ្វើការនានា សូមធ្វើដំណើរទៅទិស អាគ្នេយ៍ នីរតី និង បស្ចិម ព្រោះ ទីនោះ មានអ្វីដែលអ្នកប្រាថ្នា ចង់បាន និង មានលាភសក្ការៈជាច្រើន កំពុងរង់ចាំអ្នក ។ ប្រសិនបើអ្នកកំពុង រកគូស្រករ នោះ គូដែលកើតចេញពីទិស ទក្សិណ និង និរតី នៃផ្ទះ របស់អ្នក គឺជាគូ ដ៏គាប់ប្រសើរបំផុត រីឯគូដែលប្រសើរបន្ទាប់ មានតែទិសឧត្តរ តែមួយគត់ ៕

ដោយសារតែបង្គុំធាតុ និង កត្តាសំណាង នៃឆ្នាំជូត និង មមែ នេះហើយ ទើប លោកគ្រូ Xiao Lixin ហ៊ានអះអាងថា ក្នុងខែវិច្ឆិកាខាងមុខនេះ បើគេកំពុងតែមានទុក្ខ គេ នឹងរួចផុត ពីទុក្ខ បើគេកំពុងក្រ គេនឹងងើបទៅជាមាន បើគេមានបំណងចង់ធ្វើអ្វី មួយ នៅខែវិច្ឆិកា ខាងមុខនេះ គេនឹងអាចធ្វើវាបាន ដោយមិនអ្វីមករាំងស្ទះឡើយ ៕ ដូច្នេះ តើ ឆ្នាំជូត និង មមែ អាចនិយាយពីអារម្មណ៍ពិតចំពោះ ការទស្សន៍ទាយនេះ ទៅកាន់ លោកគ្រូ ទេ? តើគ្រួសារអ្នកទាំងមូល គិតថាអ្នកជាមនុស្សនាំសំណាង មែន ឬក៏ មិនមែន នាខែវិច្ឆិកាខាងមុខនេះ?

ជាចុងក្រោយ លោកគ្រូ Xiao Lixin សូមប្រសិទ្ធពរជ័យ គ្រប់ប្រការ ដល់លោកអ្នក ដែលកើត ឆ្នាំជូត និង ឆ្នាំ មមែ ព្រមទាំងក្រុមគ្រួសារ របស់គេ អោយ ជួបតែសំណាង ជានិច្ច និរន្ត តទៅ ដោយមិនចំពោះ តែខែវិច្ឆិកា តែមួយខែនោះ ទេ គឺគ្រប់ពេលវេលាតែម្តង ៕

ប្រភពពី៖ Taiiwan Secret

រក្សាសិទ្ធិដោយ៖ Moha Sneha