របស់ ៤ យ៉ាងស្រីៗចូលចិត្តចំណាយលុយខ្ជះខ្ជាយទៅលើវាខ្លាំងបំផុត

ចង់ដឹងអត់ថាអ្វីរឿងឥតប្រយោជន៍ដែលស្រីៗចូលចិត្តធ្វើនោះ មានអ្វីខ្លះទៅ? ចម្លើយគឺនៅខាងក្រោមនេះឯង៖

១.សមាជិកក្លឹបហាត់ប្រាណ

ប្រសិនបើអ្នកគ្មានពេលទៅហាត់គ្រប់គ្រាន់ទេ ការចុះឈ្មោះជាសមាជិកនៅកន្លែងហាត់ប្រាណណាមួយវាជាការខ្ជះខ្ជាយឥតប្រយោជន៍ទៅវិញទេ។ បើចង់ចុះជាសមាជិកឲ្យចំណេញ គួរតែទៅហាត់រៀងរាល់ថ្ងៃ តែបើគ្រាន់តែយូរៗម្ដង ឬគ្រាន់តែចង់ថតរូបបង្ហោះទេ កុំអីល្អជាង អ្នកអាចជ្រើសរើសការទៅហាត់មួយថ្ងៃ បង់ប្រាក់តាមថ្ងៃទៅវិញបានចំណេញជាង។

២.ការកុម្ម៉ង់

មិនថាជាអាហារ សម្ភារៈ ឬសំលៀកបំពាក់ដែលកុម្ម៉ង់តាមអនឡាញ សុទ្ធតែជាការខ្ជះខ្ជាយ។ គួរតែចេះប្រើសន្សំសំចៃខ្លះ ដើម្បីទុកលុយនៅក្នុងខ្លួនខ្លះ ។ មិនមែនបំបិទសិទ្ធមិនឲ្យទិញអ្វីថ្មីឡើយ តែកុំឃើញទិញៗពេក ព្រោះអាចមានអាសន្នពេលណាមួយ ត្រូវការលុយជាបន្ទាន់ ហើយអាចមាន។

៣.ភេសជ្ជៈ

ចំណុចនេះគឺសំដៅទៅដល់ភេសជ្ជៈដែលទទួលទានជាប្រចាំ ដោយអ្នកខ្លះ ចូលហាងទំនើបនានាដើម្បីតែបានផឹកមួយពែងតូច ដែលមិនសមនឹងលទ្ធភាពខ្លួន។ ភេសជ្ជៈណាដែលអាចធ្វើខ្លួនឯងនៅផ្ទះផឹកបាន គួរតែធ្វើទៅកុំចំណាយលុយទៅលើហាងច្រើនពេក។

៤.ចំណាយលើការតុបតែងខ្លួន

អ្វីដែលមនុស្សស្រីជាច្រើនចូលចិត្តធ្វើនោះ គឺកក់ គាប ផ្លុំ សក់ លាបក្រចក។ មិនគួរទៅរកជាងគ្រប់ពេលពេកទេ ព្រោះទាំងអស់នោះអ្នកសុទ្ធតែអាចធ្វើវាដោយខ្លួនឯងបាន ហើយចាំពេលបន្ទាន់ខ្លាំងចាំទៅសាឡន ទើបប្រសើរសម្រាប់ខ្លួនអ្នក៕