សល់៥ ថ្ងៃទៀត នឹងមានឆ្នាំ ៥ ដែលមានរាសីល្អគាប់ ជាប់ដល់ទៅ ៥ ថ្ងៃ !

តាមការទស្សន៍ទាយចេញពីទំព័រហោរាសាស្រ្តចិន Feng Shui China ប្រចាំប្រទេសចិន បានប្រាប់អោយដឹងថា នៅអំឡុង ៥ ទៀត នឹងមានឆ្នាំចំនួន ៥ ដែលមានរាសីល្អគាប់ ជាប់បន្តទៅមុខរហូតដល់ទៅ ៥ ថ្ងៃ ។ តើឆ្នាំដែលមានសំណាងនោះមានអ្វីខ្លះ? សូមតាមដានដូចតទៅនេះ៖

១. សំណាងឆ្នាំរោង
នៅ ៥ ថ្ងៃក្រោយ អ្នកនឹងមានរាសីឡើងខ្ពស់ខាងទ្រព្យ និង ដំណឹងល្អ ជាប់រដឹករហូតដល់ទៅ ៥ ថ្ងៃជាប់គ្នា ហេតុដូចនេះចូរអ្នកញញឹមចុះ ព្រោះអ្វីដែលអ្នកកំពុងតែរំពឹងនឹងឆាប់ក្លាយជាការពិត ហើយខិតជិតចូលមករកអ្នក ប្រកបដោយភាពអស្ចារ្យ ។ ចំពោះស្នេហា និង ការប្រាស្រ័យទាក់ទង មិនថាក្នុងគ្រួសារ ឬ ខាងក្រៅទេ សុទ្ធតែទទួលបាននូវលទ្ធផលល្អ ប្រសើរសឹងតែគ្រប់យ៉ាង ។

២. សំណាងឆ្នាំជូត
នៅ ៥ ថ្ងៃក្រោយ អ្នកនឹងមានរាសីឡើងខ្ពស់ខាងការផ្សងសំណាង និង មនុស្សជួយជ្រោមជ្រែង ជាប់រដឹករហូតដល់ទៅ ៥ ថ្ងៃជាប់គ្នា ។ ក្នុងអំឡុងពេលនេះ អ្នកអាចមានឱកាសឈ្នះបាននូវរង្វាន់ ឬក៏ ទទួលបាននូវអាហារូបករណ៍ នានា ដែលអ្នកនឹងស្មានមិនដល់ ប៉ុន្តែចំពោះអ្នករកស៊ីវិញ អាចទទួលបាននូវការវិនិយោគថ្មីៗ ឬក៏ អតិថិជនថ្មីៗជាច្រើន មកប្រាស្រ័យទាក់ទងជាមួយ ។ ចំពោះបញ្ហាស្នេហារវាងប្តី និង ប្រពន្ធ គឺល្អណាស់ ឯកំលោះក្រមុំវិញ មានរឿងប្រចែប្រច័ន្ន នឹងគ្នាបន្តិចបន្តួច ប៉ុន្តែមិនជាអ្វីឡើយ សូមកុំបារម្ភ ។

៣. សំណាងឆ្នាំមមី
នៅ ៥ ថ្ងៃក្រោយ អ្នកនឹងមានរាសីឡើងខ្ពស់ខាងរបស់មានជីវិត លុយកាក់ ឬក៏ ដំណឹងល្អ ជាប់រដឹករហូតដល់ទៅ ៥ ថ្ងៃជាប់គ្នា ។ ក្នុងអំឡុងពេលនេះ បើអ្នកទទួលបាននូវវត្ថុណាមួយហើយ វត្ថុពីរទៀតនឹងប្រែជាធម្មតា ប៉ុន្តែក៏មានករណីលើកលែងដែរ ។ ចំពោះរបស់មានជីវិតគឺសំដៅដល់ មានកូន (កូនធម៌ កូនចិញ្ចឹម ជាដើម) មានចៅ ឬក៏ គូ (សម្រាប់អ្នកនៅលីវ) រីឯដំណឹងល្អវិញ ភាគច្រើនពាក់ព័ន្ធនឹងសាច់ញាតិ បងប្អូន ។ ចំពោះរឿងគ្រួសារ ស្នេហា និង ការប្រាស្រ័យទាក់ទងជាមួយមនុស្សជុំវិញ វិញ មានភាពល្អប្រសើរជាប្រក្រតីដូចធម្មតាទេ ។

៤. សំណាងឆ្នាំរកា
នៅ ៥ ថ្ងៃក្រោយ អ្នកនឹងមានរាសីឡើងខ្ពស់ខាងទ្រព្យធំ និង ដំណឹងល្អពីរបស់ខ្លួនស្រលាញ់ ជាប់រដឹករហូតដល់ទៅ ៥ ថ្ងៃជាប់គ្នា ។ ក្នុងអំឡុងនេះ អ្នកគួរតែញញឹម អោយបានច្រើន ហើយក៏កុំគិតរឿងអ្នកដទៃច្រើនពេក អី ព្រោះថារាសីអ្នកល្អណាស់ អ្នកនឹងទទួលបាននូវអ្វីដែលអ្នកប៉ង ជាពិសេសគឺកើតចេញពីរបស់ដែលអ្នកកំពុងមាន មួយវិញទៀត រឿងដែលអ្នកកំពុងបារម្ភនឹងរសាយ ព្រោះនឹងមានមនុស្សចាំជួយជ្រោមជ្រែង ទំនុកបំរុង ដែលធ្វើអោយក្តីកង្វល់មិនអាចយារយីអ្នកបាន ។ ចំពោះរឿងគ្រួសារ ប្តីប្រពន្ធ កូនចៅ មានសភាពល្អដូចសព្វមួយដង ។ រីឯចំពោះអ្នកនៅលីវវិញ នឹងទទួលបានតំរុយ គូព្រេងបណ្តើរៗហើយ ។

៥. សំណាងឆ្នាំឆ្លូវ
នៅ ៥ ថ្ងៃក្រោយ អ្នកនឹងមានរាសីឡើងខ្ពស់ខាងមុខរបរ និងលុយកាក់ ជាប់រដឹករហូតដល់ទៅ ៥ ថ្ងៃជាប់គ្នា ។ ចំពោះអ្នកកំពុងប្រកបរបររកស៊ីវិញ គឺដាក់ចុះដុះតាមដៃហើយអំឡុងពេលកំណត់នេះ រីឯអ្នកដែលធ្វើការវិញនឹងទទួលបាននូវលាភសក្ការៈជាហូរហែរ ចេញពីកន្លែងធ្វើការរបស់ខ្លួន ជាក់ជាមិនខាន ។ ក្នុង ៥ថ្ងៃនេះ ជាពិសេស ថ្ងៃទី៣ ឡើងទៅ អ្នកនឹងទទួលបានលុយកាក់ច្រើនគួរសម ដែលមនុស្សក្បែរខ្លួននាំមកអោយ ដែលធ្វើអោយអ្នកសប្បាយចិត្ត បិទមាត់សឹងមិនជិត ។ ចំពោះរឿងរ៉ាងស្នេហាប្រុស និងស្រី វិញ គឺនឹងទទួលបាននូវ ភាពរីករាយ សុខដុមច្រើនជាងមុនៗ ដែលជាហេតុធ្វើអោយគូស្នេហ៍ដទៃលួចច្រណែន ប៉ុន្តែគេមិនមកព្យាបាទអ្នកទេ កុំបារម្ភអី ៕