ការរចនាផ្ទះតាមក្បួនហ៊ុងស៊ុយ នាំមកនូវសេចក្តីសុខ និង លាភសំណាង

តាមតម្រាហុងស៊ុយចាត់ទុកថា ពណ៌លឿងតំណាងឱ្យធាតុដី ដែលចង់បញ្ជាក់ទៅដល់ភាពរឺងមាំដ៏ស្ថិតស្ថេរ រួមទាំងជាគ្រឿងសំគាល់របស់ព្រះរាជាធិរាជ ដ៏មានអំណាចគ្រប់គ្រងផែនដី ។ ក្រៅពីនេះចំពោះផ្នែកអារម្មណ៍វិញ ពណ៌លឿងបញ្ជាក់នូវភាពបរិបូណ៍ រវាសរវៃ និងជាថាមពលនៃភាពស្រស់បស់ ។ ដូច្នេះបើទីកន្លែងណាត្រូវការសាងនូវភាពរឺងមាំគង់វង្ស គួរតែលំអដោយគ្រឿងសង្ហារិមពណ៌ ឬបើអាចធ្វើទៅ ការលាបជញ្ជាំងបន្ទប់ដោយពណ៌លឿងនោះរឺតតែ ប្រសើរតាមតម្រាសាស្ត្ររបស់ហុងស៊ុយ ។

១. ហុងស៊ុយបន្ទប់គេង

ដំបូងពុំគួរប្រើឱ្យពន្លឺដែលភ្លឺច្បាស់ខ្លាំងចាំងចូលមកដល់ក្នុង បន្ទប់គេងរបស់ម្ចាស់ ផ្ទះឡើយ ។ ឯបង្អួចនៃបន្ទប់គេងនោះទៀតសោត ពុំគួរឱ្យមានរាងមូលទេ ។ ចំណែក ពិតានគួររចនាវាឱ្យស័ក្តិសមទៅនឹងបន្ទប់ ។ លក្ខណៈទ្រង់ទ្រាយនៃបន្ទប់គេងមិនត្រូវ ឱ្យខុសប្លែកពីភាពធម្មតាៗខ្លាំងពេកឡើយ ។ ម្យ៉ាងវិញទៀត ក៏ពុំគួរឱ្យមានជ្រុងនៃ បន្ទប់ច្រើនហួសហេតុពេកដែរ ។ ដោយឡែកកម្រិតកម្ពស់នៃផ្ទៃបន្ទប់គេងត្រូវតែខ្ពស់ ជាងកម្រិតកម្ពស់នៃផ្ទៃបន្ទប់ទឺកជានិច្ច ។ ពុំគួរសង់ជាធ្នើ ឬហឺង នៅបន្ទប់គេងរបស់ ម្ចាស់ផ្ទះឡើយ និងមិនត្រូវដាក់ទូចិញ្ចឺមត្រីនៅក្នុងបន្ទប់គេងដែរ ។

២.ហុងស៊ុយតួផ្ទះ

តួផ្ទះមានបរិវេណធំទូលាយខ្លាំងពេក ប៉ុន្តែមានមនុស្សរស់នៅតិចនឹងមិននាំឱ្យកើតមង្គល សួស្តីឡើយ ហើយថែមទាំងប្រកបអាជីវកម្ម មិនសមប្រកបទៀតផង ។ ចំណែកឯផ្ទះដែលនៅផ្នែកខាងក្រោយមានសំណង់អគារៗជាង គឺជាការប្រសើរ តែកុំឱ្យ អគារទាំងនោះនៅកៀកកិតពេក ។ ផ្ទះដែលដាំដើមឫស្សីហើយធ្វើឱ្យអ្នកនៅខាងក្រៅ មើលមកមិនឃើញអ្នកនៅខាងក្នុង នឹងជួយឱ្យអ្នកដែលរស់នៅក្នុងផ្ទះនោះប្រកបដោយ ភាពរីកចម្រើនរុងរឿង ។ ផ្ទះរបស់កូនៗពុំគួរសាងសង់លើទីធ្លីផ្ទាះរបស់ឪពុកម្តាយ ឡើយ ព្រោះនឹងនាំឱ្យក្រីក្រទាំងអស់គ្នា ស្តារមិនងាយឡើងតែចំពោះកូនច្បងវិញមិនថ្វី ទេ ដោយគ្រាន់តែសង់បែរទ្វារផ្ទះកុំឱ្យប្រឈមនឹងផ្ទះឪពុកម្តាយ ។

៣.ហុងស៊ុយភ្លើងជុំវិញផ្ទះ

គួរបំភ្លឺនៅសងខាងមាត់ទ្វាររបង ដើម្បីធ្វើឱ្យបរិវេណនេះភ្លឺច្បាស់ស្រឡះល្អ ។ បើនៅត្រើយម្ខាងប្រឈមចំមុខផ្ទះ ជាទីកន្លែងដែលមានព្រៃដុះស៊ុបទ្រុប ជាការចាំបាច់ បំផុតដែលអ្នកត្រូវកែហុងស៊ុយផ្ទះរបស់អ្នក ដោយដាក់ភ្លើងបំភ្លឱ្យភ្លឺនៅក្បាលសសរ របងនោះទើបជាការប្រសើរ ។

បំភ្លឺភ្លើងនៅច្រកទ្វារនៃផ្លូវចូលផ្ទះដែលក្នុងករណីនេះសំដៅដល់ទ្វារដែលបើកចូលមកចំ បន្ទប់ទទួលភ្ញៀវតែម្តង ។

បំភ្លឺភ្លើងក្នុងសួនដោយចាំបាច់បំផុតដែលផ្ទះខ្លះមានសួនច្បារធំ ការបំភ្លឺភ្លើងក្នុងសួន គឺជា ការលំអផង និងក៏ដើម្បីជួយស្រូបយកនូវថាមពល“ឈី” ចូលមកក្នុងផ្ទះផងដែរ ។

៤.វត្ថុតាំងលំអផ្ទះមិននាំមកនូវមង្គល

វត្ថុសម្រាប់តាំងឬតែងលំអផ្ទះដែលមិននាំមកនូវមង្គលសួស្តីរួម មានពស់ មិនគួរយកមក តែង ឬតាំងលំអផ្ទះឡើយ ព្រោះវាតំណាងឱ្យការចងអាឃាតនឹងធ្វើឱ្យសមាជិកគ្រួសារ មានអារម្មណ៍ក្រេវក្រោធថែមទាំងជានិមិត្តសញ្ញានៃតណ្ហារាគៈ បណ្តាលឱ្យគិតតែពីរឿង កាមគុណ ។ នាឡិកាខ្សាច់ធ្វើឱ្យអ្នករស់នៅក្នុងផ្ទះស្គាល់តែភាពហត់នឿយ ។ ខ្លាឃ្មុំជា សត្វគួរឱ្យស្រឡាញ់ ប៉ុន្តែធ្វើឱ្យសមាជិកគ្រួសារទាំងមូលដឹកនាំជីវិតមិនរហ័សរហួនដើរ មិនទាន់គេ ។ សេះបង្កង់ បើតាំងលំអក្នុងផ្ទះនឹងនាំឱ្យកើតរឿងប្រេះស្រាំ គ្មានលាភ សំណាងចូល ។ ក្រពើ តំណាងឱ្យសត្វមានកលល្បិចច្រើន គ្មានលាភសំណាងមានអ្នកដទៃ ប៉ងអាក្រក់មកលើអ្នក និងក្រុមគ្រួសារ ។ កណ្តុរ ជាសត្វគ្មានមង្គលនាំមកនូវភាពបាក់ បែកប្រេះឆា ។ ឆ្មា (សំដៅដល់ឆ្មាដែលគ្មានជីវិត)នាំមកនូវការបោកប្រាស់ពីអ្នកខាង ក្រៅ។

៥.ហុងស៊ុយបន្ទប់ទទួលទានអាហារ

ទ្វារបន្ទប់ទឺកដែលបែរមករកបន្ទប់ទទួលទានអាហារ មិនត្រូវបើកចំហទុកចោលឡើយ។ ឯបន្ទប់ទទួលទានអាហារនិងបន្ទប់ទឺកមិនត្រូវប្រើជញ្ជាំងរួមគ្នាឡើយ។ បើមានបន្ទប់ ទឺកត្រូវបិទទ្វារបន្ទប់ទឺកនោះជានិច្ច ព្រោះថាមពលដែលចេញពីបន្ទប់ទឺកនោះមក គឺជា ថាមពលមិនបរិសុទ្ធនាំមកនូវភាពអន្តរាយ ។
គួរមានកញ្ចក់ព្យួរនៅជញ្ជាំង ដើម្បីជួយចាំងឆ្លុះនូវរូបភាពនៃអាហារលើតុ ។ វីធីនេះ ជួយឱ្យលាភសំណាងកើតមានដល់អ្នកទ្វេដង ។
មិនត្រូវអង្គុយទទួលទានអាហារនៅចំពីក្រោមបន្ទប់ទឺកដែលស្ថិតនៅជាន់ខាងលើឡើយ ព្រោះវានឹងនាំឱ្យអ្នកជួបនូវសំណាងអាក្រក់ ។
មិនត្រូវទទួលទានអាហារក្នុងបន្ទប់ក្រោមដី ឬទីតាំងដែលទាបជាងនៃទីធ្លាផ្ទះឡើយ ។

៦.ហុងស៊ុយផ្ទៃបន្ទប់ទឹក

បន្ទប់ទឺកដែលមានលក្ខណៈល្អនិងជួយឱ្យលុយកាក់ហូរចូលច្រើន គួរជាបន្ទប់មាន ទំហំតូចជាងតួផ្ទះ៨សង់ទីម៉ែត្រឡើង ។ ប៉ុន្តែបើវាចង្អៀតពេកពុំអាចពង្រីកទំហំបាន ត្រូវប្រកាន់យកលេខ៨ខាងចុង ដូចជា៥,៨សង់ទីម៉ែត្រ ៦,៨សង់ទីម៉ែត្រ ឬ៨,៨ សង់ ទីម៉ែត្រ ក៏បាន ។ ធ្វើដូចនេះទើបត្រឺមត្រូវតាមក្បួនហុងស៊ុយ ដែលជួយឱ្យអ្នកមានលុយ កាក់ មាស ប្រាក់កាន់តែច្រើន និងសម្បូរសប្បាយ ។

៧.រានម្ចាស់ទឹកម្ចាស់ដី(ប្រភូមិ)និងក្បួនហុងស៊ុយ

មិនត្រូវឱ្យស្រមោលផ្ទះគ្របលើរានម្ចាស់ទឺកម្ចាស់ដីទេ និងក៏មិនត្រូវឱ្យស្រមោលនៃ រានម្ចាស់ទឺកម្ចាស់ដីទៅគ្របផ្ទះដែរ ។ ហេតុផល គឺនឹងធ្វើឱ្យផ្ទះនោះត្រូវវិញ្ញាណអាក្រក់ ចូលមកបៀតបៀននេះមិនខុសពីការហាមមិនឱ្យមានស្រះទឺកជាប់នឹងផ្ទះឡើយ ព្រោះ ពេលព្រះអាទិត្យចាំងចូលមកក្នុងផ្ទះធ្វើឱ្យខ្សែជីវិតជួបប្រទះតែភាពក្តៅក្រហាយកើត មានបញ្ហាមិនចេះអស់ ។

៨.ហុងស៊ុយតុគ្រឿងសំអាង

តុឬទូដាក់គ្រឿងសំអាងសម្រាប់តុបតែងមុខដែលស្ត្រីជាច្រើនតែងមាននៅក្នុងផ្ទះនោះ តាមក្បួនហុងស៊ុយគួរដាក់ឱ្យត្រូវទិសដែលសមស្របផងដែរ ទើបនាំមកនូវសិរីសួស្តីដល់ អ្នក ។តុគ្រឿងសំអាងគួរដាក់នៅទីតាំងណាដែលងាយស្រួលក្នុងការយកគ្រឿងសំអាងនោះមក ប្រើប្រាស់និងដើម្បីឱ្យត្រូវតាមហុងស៊ុយ គួរមានភ្លើងបំភ្លឺផង ពិសេសបើតុគ្រឿងសំអាង នោះ ស្ថិតក្នុងទិសខាងត្បូង ទិសខាងលិចឆៀងខាងត្បូង(និរតី)ឬទិសខាងកើតឆៀងខាង ជើង(ឦសាន)នៃបន្ទប់គេងរឹតតែនាំសិរីមង្គល និងលាភសំណាងចូលកាន់តែច្រើន ។

ប្រការសំខាន់មួយទៀត ត្រូវថែទាំកញ្ចក់នៃទូដាក់គ្រឿងសំអាងឱ្យបានល្អនិងមិនត្រូវ ដាក់បែរកញ្ចក់ឆ្លុះមករកគ្រែដេកឡើយ ព្រោះអាចនាំឱ្យគូស្នេហ៍គូជីវិត កើតមានបញ្ហា ក្នុងរឿងមានអ្នកទីបីចូលមកជ្រៀតជ្រែក ។ ដូច្នេះបើពិនិត្យឃើញថា កញ្ចក់ឆ្លុះនៃតុ ឬគ្រឿងសំអាងរបស់អ្នកបែរមកគ្រែដេក គួររំកិលបែរវាចេញ ឬយកក្រណាត់មកបិទ បាំងកញ្ចក់នោះ នៅពេលចូលគេងរាល់យប់ ។

៩.ហុងស៊ុយគ្រែដំណេក

ការរៀបចំគ្រែដំណេកឱ្យបានសមរម្យនិងត្រឹមត្រូវតាមហុងស៊ុយនឹងជួយនាំមកនូវលាភ សំណាងនិងភាពរីកចំរើនជាលំដាប់ដូចជាដាក់ក្បាលគ្រែសំដៅទៅទិសខាងសជីងនឹងជួយ ឱ្យការចេះដឹងវិវឌ្ឍន៍ទៅមុខដោយសភាវគតិ ។

ក្បាលដំណេកគ្រែបែរទៅរកទិសខាកើតឆៀងខាងជើង (ឦសាន) នឹងជួយដល់ការធ្វើ កិច្ចការងារដែលពាក់ព័ន្ធនឹងការស្រាវជ្រាវពិសោធន៍ផ្សេងៗ ។ ក្បាលដំណេកគ្រែបែរ ទៅទិសខាងកើតនឹងជួយឱ្យគេងលង់លក់ស្រួលស្ងប់សុខ ។ តែបើបែរទៅទិសខាងកើត ឆៀងខាងត្បូង (អាគ្នេយ៍) នឹងជួយឱ្យកើតមាននូវភាពខ្មីឃ្មាត ឧស្សាហ៍ព្យាយាមក្នុង កិច្ចការងារ ។ ក្បាលដំណេកគ្រែបែរទៅទិសខាងត្បូងនឹងជួយទ្រទ្រង់អ្នកឱ្យមានកេរ្តិ៍ ឈ្មោះបោះសំឡេងព្រមទាំងកិត្តិយសផង ។ ក្បាលគ្រែបែរទៅទិសខាងលិចអ្នកនឹងកូនដ៏ ល្អ ឯក្បាលគ្រែបែរទៅទិសខាងលិចឆៀងខាងជើង (ពាយ័ព្យ) នឹងជួយអ្នកមានមិត្តភក្តិច្រើន ។

១០.ហុងស៊ុយផ្លូវដើរក្នុងផ្ទះ

ផ្លូវដើរដែលល្អត្រឹមត្រូវតាមតម្រាហុងស៊ុយ គឺជាផ្លូវ មិនមានភាពរញ៉េរញ៉ៃ ក្ងិកក្ងក់ តែជាផ្លូវដើរបានស្រួលមិនមាន អ្វីប្រទាំងប្រទើស ពិសេសគ្រឿងសង្ហារឹម ។

ផ្លូវដើរដែលពោរពេញដាយភាពរញ៉េរញ៉ៃ ធ្វើឱ្យប៉ះពាល់ដល់ជីវិតរបស់នៅ ពិសេសអារម្មណ៍មិនស្ងប់សុខឡើយ ។ ជួនកាលផ្លូវដែលរញ៉េរញ៉ៃនេះមកពីផ្ទះនោះសង់បន្ថែមដែល គ្មានសណ្តាប់ធ្នាប់ តបន្ទប់បន្ថែមច្រើនពេក មើលទៅធ្វើឱ្យ អារម្មណ៍ចង្អៀតមែនទែន ។

ករណីផ្លូវដើរក្នុងផ្ទះមានសភាពចង្អៀត ដើម្បីកែហុង ស៊ុយឱ្យល្អប្រសើរឡើងវិញ អ្នកគួរតែប្រើភ្លើងអំពូល ឬពន្លឺពីខាងក្រៅជួយឱ្យភ្លឺច្បាស់ ទើបថាមពលល្អៗអាចចរាចរ ក្នុងផ្ទះរបស់អ្នកបានស្រួលធ្វើឱ្យការរស់នៅប្រកបដោយភាព ត្រជាក់ត្រជុំសុខដុមរមនា ។

១១.ហុងស៊ុយទ្វារផ្ទះ

បើទ្វារខាងមុខផ្ទះប្រឈមចំជាមួយទ្វារខាងក្រោយ ផ្ទះតាមតម្រាហុងស៊ុយចាត់ទុកថា មិនល្អឡើយ ព្រោះធ្វើឱ្យ ថាមពលôឈីõ ដែលជាថាមពលល្អ ចូលមកក្នុងផ្ទះ តាមទ្វារ មុខនឹងឆ្ពោះចេញទៅក្រៅ តាមទ្វារក្រោយអស់ពុំខាន ។ ដូច្នេះ ក្នុងករណីនេះវិធីកែហុងស៊ុយគឺ ៖

រកឡប់ឡែដែលមានពណ៌ស្រស់ស្អាត ឬមានទេសភាព ល្អៗមកបាំងរាំងនៅចន្លោះកណ្តាល ។ ឯការដាក់ឡប់ឡែបាំង នោះទៀតសោត គួរដាក់ឱ្យសមភ្នែកផង ។

គួររកវាំងននធ្វើអំពីក្រណាត់ឬអំពីបន្ទះឈើស្តើងៗ មកតាំងភ្ជាប់នឹងបង្អួច ឬមាត់ទ្វារក្រោយផង ដែលនេះគឺជា ការលំអនិងកែហុងស៊ុយផងដែរ ។

បើផ្ទះរបស់អ្នកមានជម្រៅជ្រៅអាចប្រើទាំងពីរ ករណីនេះរួមគ្នាក៏បាន ។ តែបើមិនសូវជ្រៅប៉ុន្មានទេ ការក្រាលកំរាលព្រំមួយផ្ទាំង នៅចំកណ្តាលផ្ទះព្រមទាំងតាំង លំអភ្លើងរំយោល នៅពីលើចំកណ្តាលធ្លាផ្ទះ ក៏អាចទប់ស្កាត់ មិនឱ្យថាមពល “ ឈី ” ចរាចរចេញទៅក្រៅបានមួយចំណែកដែរ ។

១២.ហុងស៊ុយបន្ទប់ទទួលភ្ញៀវ

ក្នុងបន្ទប់ទទួលភ្ញៀវពុំគួរប្រើប្រាស់គ្រឿងសង្ហារិមធំៗ ពេកនោះទេ ព្រោះនាំឱ្យបាំងផ្លូវថាមពល “ ឈី ” ដែលចរាចរពីក្រៅមកមិនបានស្រួល ។

រកទីកន្លែងសម្រាប់ព្យួររូបភាព ឬរករូបស្មូន ដែលជា ចំណុចទាក់ទាញ្ញចំណាប់អារម្មណ៍ មកដាក់តាំងក្នុងបន្ទប់ ទទួលភ្ញៀវរបស់អ្នក ។ ទាំងនេះក៏ជារឿងសំខាន់ដូចគ្នាដែរ ព្រោះរូបភាពគំនូរ ក៏ដូចរូបថត និងរូបស្មូនដ៏ស្រស់ស្អាត ជួយ ស្រូបទាញនូវថាមពល “ ឈី ” ល្អៗ ចូលមកក្នុងបន្ទប់នោះ បានយ៉ាងល្អ ។

ប្រភពអត្ថបទពី៖ Cen.com.kh