ព្រេងសំណាងមួយចំនួន នឹងរត់រក ឆ្នាំ ជូត ខាល រោង វក និង កុរ ក្នុងចន្លោះថ្ងៃទី ២០ ដល់ ២៥ ខែកញ្ញានេះ!

បើតាមការទស្សន៍ទាយរបស់គេហទំព័រហោរាសាស្រ្តចិន Zodiac Plus និង Astrology Arthur បានបញ្ជាក់ប្រាប់ពីការផ្លាស់ប្ដូររាសីអាក្រក់ប្រែជាល្អ ជួបមហាសំណាង មានលាភមាស លាភប្រាក់ ដែលជាការកែប្រែជីវិតថ្មីចាប់ពីថ្ងៃទី ២០ ដល់ថ្ងៃទី ២៥ ខែកញ្ញា ឆ្នាំ២០១៧។ ឆ្នាំទាំងអស់ដែលមានការកែប្រែខ្សែជីវិតមកល្អត្រចះត្រចង់ នោះ រួមមាន ឆ្នាំជូត ខាល រោង វក និង កុរ ។

មហាស្នេហា សូមធ្វើការបកស្រាយជាមួយលាភសំណាង និងជោគជតារាសីនៃឆ្នាំទាំង ៥ ដូចខាងក្រោមនេះ ៖

-ឆ្នាំជូត ៖ ចាប់ថ្ងៃទី២០ ដល់ថ្ងៃទី ២៥ នេះ សម្រាប់មនុស្សដែលកើតឆ្នាំជូត ដែលមានតំណាងដោយសត្វកណ្តុរគុជកែវ នឹងជួបសំណាងធំ ដោយរាសីស្ថិតនៅលើកំពូលប្រាសាទកែវចរណៃ ដែលអាចកែប្រែជោគវាសនាអាក្រក់កាលពីឆ្នាំខែចាស់ៗ ឬអតីតកាល ឱ្យក្លាយមកជាល្អប្រសើរ ។ នៅក្នុងពេលវេលានេះដែរ ទោះជាប្រកបការងារអ្វីរមែងបានជួបលាភធំ ហើយបើចំពោះស្ត្រីនឹងជួបលាភជាទ្រព្យច្រើនៗចូលមកក្នុងជីវិតឆាប់ៗនេះ ថែមទៀតផង ។

-ឆ្នាំខាល ៖ ជាឆ្នាំដែលមានរូបសត្វខ្លាដំបងមាសឈរលើត្បូងខៀវ ធ្វើជាតំណាងក្នុងចំណោមសត្វទាំង12 សម្រាប់ជោគជតារាសីក្រោយពាក់កណ្តាលខែកញ្ញា គឺ គិតចាប់ថ្ងៃទី២០ ដល់ ២៥ នេះ នឹងលេចឡើងត្រដែតត្រឌឹម ជួបព្រេងសំណាងល្អជាងខែចាស់ៗកន្លងទៅ។ នៅក្នុងថ្ងៃកំណត់ខាងលើនេះ ទោះជាលោកអ្នកប្រកបកិច្ចការងារអ្វីក៏ដោយ ក៏តែងទទួលបានជោគជ័យ ដ្បិតមានក្រុមមនុស្សល្អៗនៅឈរចាំជួយយិតយោងជានិច្ច ។ ដោយឡែកសម្រាប់អ្នកជាមន្ត្រីរាជការវិញ នឹងបានទទួលដំណឹងអំពីការឡើងបុណ្យស័ក្ដិយស ដោយសារមានអ្នកមានអំណាចនៅឈរចាំជួយយិតយោងសណ្តោង និងជម្រុញពីក្រោយខ្នង។

-ឆ្នាំរោង ៖ អ្នកដែលកើតឆ្នាំរោង ដែលមានសត្វនាគមាសក្នុងសមុទ្រ នឹងមានភាពរហ័សរហួន អារម្មណ៍ភ្លឺថ្លា មានរាសីខ្ពស់ ជាពិសេស បានជួបនឹងក្រុមមនុស្សល្អៗ ។ ប៉ុន្តែតាមការបកស្រាយក្នុងគេហទំព័រ Astrology Arthur គឺចង់ សំដៅថា ក្នុងថ្ងៃទី ២០ ដល់ ២៥ ខែកញ្ញា នេះ គឺល្អជាងគេ ។ នៅក្នុងវេលានេះ រឿងរ៉ាវអាក្រក់ៗទាំងប៉ុន្មានដែលកើតមានតាំងពីខែចាស់ៗ ឬក៏ឆ្នាំចាស់ៗ ឬក៏ពេលវេលាកន្លងទៅ នឹងរលាយសាបសូន្យ ដោយជំនួសមកវិញលាភធំ ហើយគោលបំណងដែលព្រៀងទុកតាំងពីឆ្នាំកន្លងទៅ ឬក៏ ខែកន្លងទៅ នោះ នឹងបានសម្រេចដូចគំនិតគួចប៉ង ទោះមិនអាចបាន ១០០% ក៏យ៉ាងហោចណាស់ក៏ កៀកៗហ្នឹងដែរ ។

-ឆ្នាំវក ៖ ចាប់ពីថ្ងៃទី ២០ ដល់ ២៥ ខែកញ្ញា នេះ អ្នកនឹងមានរាសីខ្ពស់ និងឈរនៅលើចំណុចកំពូលនៃជើងលេខ ។ នៅក្នុងពេលនេះដែរ បើទោះជាលោកអ្នកជួបនឹងឧបសគ្គ ឬបញ្ហាធំយ៉ាងណា ក៏មានក្រុមមនុស្សនៅចាំជួយដោះស្រាយបានយ៉ាងប្រសើរ ជាពិសេស សម្រាប់អ្នកដែលប្រកបកិច្ចការងារនៅក្នុងរដ្ឋាភិបាលតែម្ដង ។ ដោយឡែកសម្រាប់អ្នកប្រកបជំនួញជួញដូរវិញ ក៏នឹងទទួលបានភាគលាភយ៉ាងធំធេង ដែលសូម្បីតែបំណុលដែលអ្នកជំពាក់គេ ក៏នឹងត្រូវបានគេបំភ្លេចចោល ឬក៏ បន្ធូរបន្ថយ ដែរ ហើយបើបំណុលដែល គេជំពាក់អ្នកវិញ ក៏នឹងត្រូវបានគេសងត្រឡប់មកវិញផងដែរ គឺគេយកមកសងវិញដោយដៃពីរ ហើយទាំងដើមទាំងការទៀតផង ។

-ឆ្នាំកុរ ៖ ជាសត្វនាំសំណាងមួយផងដែលក្នុងចំណោមសត្វតំណាងឆ្នាំទាំង៥ ដែលមាន ជូត ខាល រោង វក និង កុរ ។ ក្នុងចុងខែកញ្ញានេះ លោកអ្នកនឹងជួបតែសំណាងល្អៗ ទទួលបានលាភសក្ការៈយ៉ាងត្រចះត្រចង់ ។ នៅចាប់ពីថ្ងៃទី ២០ ដល់ ២៥ ខែកញ្ញា នេះ ផងដែរ បើសិនលោកអ្នកមានបំណង ឬគម្រោងធ្វើអ្វីមួយ សូមកុំរុញរា ហើយត្រូវសម្រុកធ្វើទៅតាមគម្រោង និងជាធ្វើជាជំហានៗ ដ្បិតភាពជោគជ័យនឹងតោងនៅជាប់ខ្លួនអ្នកជានិច្ច ប៉ុន្តែលោកអ្នកក៏ត្រូវតែប្រុងប្រយ័ត្នផងដែរចំពោះមនុស្សនៅជិតខ្លួន ដែលមាននិស្ស័យយកចិត្តអ្នក ឬក៏អាចនឹងនិយាយបានថា មនុស្សពូកែវាយអែបស៊ីអប បើមិនដូច្នោះទេ ព្រេងសំណាងនឹងត្រូវប្ដូរមកជាគ្រោះចាញ់បោកគេវិញជាមិនខានឡើយ៕