ក្បួនតម្រាខ្មែរ ក្នុងការមើលលាភប្រចាំឆ្នាំ

នេះគឺជាក្បួនចាស់បុរាណខ្មែរ សម្រាប់យកមកប្រើប្រាស់ក្នុងការមើលអំពីជោគលាភប្រចាំឆ្នាំរបស់បុគ្គលនីមួយៗ ។ ដើម្បីអោយកាន់តែច្បាស់សូមអនុវត្តដូចខាងក្រោម៖

១. វិធីប្រើក្បួន៖

ឲ្យតាំងអាយុហោរា ( អាយុរបស់អ្នកដែលចង់ទាយ ) យក ១២ គុណ ហើយយក ៧ ហារ សេសសល់ ទាយតាមសម្លោកដូចខាងក្រោម!

២.មើលលទ្ធផលទស្សន៍ទាយ៖

សេស ១ ៖ នឹងកើតរឿងរាវព្រោះសត្វ ឬ ចោរលួចទ្រព្យ មានជម្ងឺបៀតបៀន កូនប្រពន្ធបែកចិត្តពីខ្លួន ។ ( គ្មានលាភផលសោះ )

សេស ២ ៖ នឹងបានកូនប្រពន្ធជាទី ស្រឡាញ់ មានមិត្តពីទិសបូព៌ នាំលាភ ឬ ទ្រព្យ មាសប្រាក់មកឲ្យ ។

សេស ៣ ៖ ក្រែបភ្លើងឆេះ ឬ មានទំនាស់ពីមនុស្សសប្បុរខ្មៅនៅទិសអគ្នេហ៍នាំរឿង ។

សេស ៤ ៖ នឹងបានស្រែចំការ ទីលំនៅ ដោយមានមនុស្សពីទិសទក្សិណ នាំយកមកឲ្យ ។

សេស ៥ ៖ នឹងបានលាភសក្ការៈពីអ្នកធំ ឬ សមណៈ ហើយបានយសសក្តិជាទីគាប់ចិត្ត ។

សេស ៦ ៖ នឹងបានស្រែចំការស្ដុកស្ដម្ភ ឧត្តមល្អណាស់ ព្រមទាំងគ្រឿងប្រើប្រាស់ផ្សេង ៗ ដោយមិត្តនាំយកមកឲ្យ ។

សេស ០ ៖ នឹងប្រាសចាកពីទីលំនៅ នឹងកើតរឿងរ៉ាវខូចខាត សត្វជើងពីរ ឬ ជើងបួន ឬ ប្ដីប្រពន្ធកូន ត្រូវព្រាត់ប្រាស់ ។

ឧទាហរណ៍ៈ ខ្ញុំមានអាយុ ២៤ ឆ្នាំ យក ២៤ x ១២ = ២៨៨ បន្ទាប់មក យក ២៨៨ ៖ ៧ = ៤១ សេសសល់ ១ ដូច្នេះ ខ្ញុំត្រូវត្រង់សេស ១ ដែលត្រូវចោរលួចម៉ូតូ នៅក្នុងឆ្នាំ ដែលខ្ញុំមានអាយុ ២៤ ឆ្នាំនេះ… ។

ប្រភព៖ តម្រាខ្មែរ