តើឆ្នាំទាំង ៣ ដែលមាន ខាល ជូត និង រកា នឹងមានអ្វីកើតឡើង នៅក្នុងខែកក្កដានេះ ? សុំទម្លាយអាចកំបាំងឆ្នាំ ខាល ជូត និង រកា នេះ បន្តិចមើល!
១. មនុស្សកើតឆ្នាំខាល៖
គ្រប់បុគ្គលទាំងឡាយដែលមានកំណើតកើតក្នុងឆ្នាំខាល មិនថាប្រុស ឬក៏ស្រីទេ សុទ្ធតែ នឹងត្រូវទទួលបានលាភជ័យ និង ភោគទ្រព្យ ជាច្រើន នៅក្នុងអំឡុង ដើមអាទិត្យទី២ នៃ ខែ ៧ ខាងមុខនេះ ។ គួររំលឹកបន្តិច មនុស្សកើតឆ្នាំខាលនេះ មិនសូវជាមានភាពឧស្សាហ៍ប៉ុន្មានទេ តែ អត់ធ្មត់ និង មានភាពហត់នឿយច្រើន ទៅវិញ ព្រោះគេជាមនុស្សលោភ ចង់បាននូវរបស់ជាច្រើនមុខ ច្រើនយ៉ាង មិនថាលុយ មិនថា គូស្នេហ៍ មិនថាក្តីស្រលាញ់ពីអ្នកដទៃ ។ ហេតុដូចនេះ គេមិនដែលមានសង្ឃឹមក្នុងខ្លួន សូម្បីតែ ១% ថាគេនឹងអាចជោគជ័យ ឬក៏ ក្លាយជាអ្នកមាន ឬក៏សេដ្ឋី នោះទេ ប៉ុន្តែ ដោយសារតែចិត្តមេត្តា និង ការចង់បានមិនចេះចប់របស់គេនោះហើយ ទើបវត្ថុស័ក្តសិទ្ធ និងទេវត្តា ដែលតាមរក្សាដួងជីតារបស់គេ មិនអល់អែក ជូនពរដល់គេគ្រប់ពេលវេលាឲ្យបានសម្រេចនូវបំណង ប្រាថ្នារបស់គេក្នុងពេលឆាប់ៗ ។ ហេតុដូច្នេះហើយ គេប្រាកដជាក្លាយឆ្នាំ១ ដែលវិសេស និងអាចត្រូវបានលាភសំណាងធំ នៅក្នុងអាទិត្យទី២ នៃខែ ៧ ខាងមុខនេះ ។ ចាប់ពីពេលនេះតទៅ ដើម្បីទទួលបានលាភសំណាងនេះ គេគួរតែប្រតិបត្តិនូវអំពើល្អ ដើម្បីជាកុសល្យ ដើម្បីជាកូនសោរ បើកផ្លូវលាភ ផ្លូវជ័យនេះ មកដល់រូបគេក្នុងពេលឆាប់ៗ ។
២. មនុស្សកើតឆ្នាំជូត៖
បុគ្គលទាំងឡាយដែលមានកំណើតកើតក្នុងឆ្នាំជូត មិនថាប្រុស ឬក៏ស្រីទេ សុទ្ធមានសំណាង ក្រៃលែង ពោលគឺ មានសំណាង៣ យ៉ាងដែលកំពុងសំដៅមករកខ្លួន៖ ទី១ គឺ ទ្រព្យសម្បត្តិ, ទី២ គឺ សុខសម្បត្តិ, និងទី៣ គឺ គូគាប់សម្បត្តិ ឬបុត្រសម្បត្តិ ។ ឆ្នាំជូត ជាអ្នកមានបុណ្យវាសនា កាលនៅពីតូច អភ័ព្វមាតាបិតា និងប្រាសចាកញាតិកា ពឹងបងប្អូន និងញាតិមិនបាន បើពឹងអ្នកដទៃទើបបានល្អ ជាមនុស្សអភ័ព្វ ធ្វើគុណដល់អ្នក ដទៃមិនបានផលប្រយោជន៍ទេ ហេតុនេះ រាល់កិច្ចការងារទាំងឡាយ ក្នុងជីវិតរបស់គេ ត្រូវតែប្រឹងសាងដោយដៃរបស់ខ្លួនទាំងទ្វេរ ទើបអាច សម្រេច បានលទ្ធផលជាទីគាប់ចិត្ត ។ ក្នុងខែ ៧ នេះ គេនឹងបានទទួលនូវ សម្បត្តិណាមួយ ឬក៏ទាំងអស់ ខាងលើ ជាក់ជាមិនខាន ព្រោះថា ដល់ពេលវេលាស័ក្តសិទ្ធិ ឬក៏និយាយបាន ថា រាសីជីវិតរបស់គេ បើក ហើយ ហេតុដូច្នេះ ទោះធ្វើកិច្ចការងារអ្វី ក៏មិនអាចមាន ភាពរាំងស្ទះ កើតឡើងដែរ ។ បើសិនជាមានមនុស្សតាមប៉ុនប៉ងអាក្រក់ដាក់គេ ឬក៏មានចេតនា បំផ្លាញនូវ កិច្ចការងារដែលគេកំពុងធ្វើ នោះ អ្នកនោះ នឹងវិនាសខ្លួនឯងវិញជាក់ជាមិនខាន!
៣. មនុស្សកើតឆ្នាំរកា៖
បុគ្គលទាំងឡាយដែលមានកំណើតកើតក្នុងឆ្នាំរកា បើជាមនុស្សស្រី នឹងទទួលលាភបានច្រើនជាងមនុស្សប្រុស ដល់ទៅ ២ភាគ ឯណោះ ពោលគឺ នៅក្នុងពាក់កណ្តាលខែ ៧ ខាងមុខនេះ គេនឹងទទួលបានសមិទ្ធិផលចេញអំពីការប្រឹងប្រែងរបស់គេ អាចជាការធ្វើការរាជការ ឯកជន ឬការងារផ្ទាល់ខ្លួន ។ គេជាមនុស្សស្វាហាប់ ឧស្សហ៍ ប៉ុន្តែរាងឆាប់បាក់ទឹកចិត្តបន្តិច ពេលដែល ប្រឈមនឹងរឿងបរាជ័យម្តងៗ ប៉ុន្តែទោះជាយ៉ាងណា គេនៅតែបន្តតស៊ូទៅមុខជានិច្ច ទោះជាគេយល់ថា គេនឹង មិនអាចសម្រេចគោលដៅដែលគេប្រាថ្នា ក៏ដោយ ។ ដោយហេតុនេះ ហើយ ទើបទេវត្តា ដែលតាមរក្សាកាយ និងដួងប្រលឹងរបស់គេ មានការរីករាយ យ៉ាងខ្លាំង ហើយនឹងព្រមផ្តល់ ឲ្យគេនូវរាល់ក្តីបំណង និងកិច្ចការដែលគេប្រាថ្នាឲ្យជោគជ័យ នោះ ប្រែទៅជាសម្រេច នៅក្នុងខែ ៧ នេះ ដោយខ្លួនគេ ក៏មិនអាចនឹកស្មានដល់ដែរ ។ ប្រសិនបើប្រុសស្រី ដែលកើតឆ្នាំរកា នេះ មិនទាន់រក បានគូស្រករដែលសមប្រកបទេនោះ ដើមខែ ៧ នេះ គឺជាពេលវេលាល្អហើយ!
Copyrighted: Moha Sneha
0 comments:
Post a Comment