ទំព័រហោរាសាស្រ្តចិនប្រាប់ថា ឆ្នាំឆ្លូវ គឺជាឆ្នាំ មាស ឆ្នាំ ពេជ្រ !

ផ្អែកលើការទស្សន៍ទាយរបស់ Taiiwan Secret បានប្រាប់អោយដឹងថា មនុស្សកើតឆ្នាំឆ្លូវ ជាឆ្នាំមាស ឆ្នាំពេជ្រ តើលោកអ្នកដឹងថាហេតុអ្វីទេ? ដើម្បីអោយកាន់តែច្បាស់ក្នុងចិត្ត សូមអានការទស្សន៍ទាយខាងក្រោម៖

មនុស្សកើតឆ្នាំឆ្លូវ ជាប្រភេទមនុស្សមានសម្បត្តិ ៣ យ៉ាង នៅក្នុងខ្លួនតាំងពីកំណើត គឺ ចរិយាសម្បត្តិ រូបសម្បត្តិ និង វិជ្ជាសម្បត្តិ ដូច្នេះអ្វីដែលខ្វះគឺ ទ្រព្យសម្បត្តិ ប៉ុន្តែសូមកុំបារម្ភ សូមអានការទស្សន៍ទាយបន្តទៀតសិន ។

ជារៀងរាល់ថ្ងៃគេ មានរឿងពិបាកៗក្នុងចិត្តជាច្រើន ដែលមិនអាចនិយាយប្រាប់នរណាអោយបានដឹងឡើយ ព្រោះគេមិនចង់អោយអ្នកដទៃមកលំបាកចិត្តដោយសារខ្លួនឡើយ ផ្ទុយទៅវិញ បើមានរឿងល្អ វិញគេមិនដែលរំលងក្នុងការរ៉ាយរាប់រៀបរាប់ប្រាប់មនុស្សនៅក្បែរខ្លួនឡើយ ព្រោះមនុស្សឆ្នាំនេះ ស្រលាញ់ គ្រួសារ និង មនុស្សក្បែរខ្លួនខ្លាំងណាស់ ។

ដោយសារតែបែបនេះហើយ ទេវត្តាទ្រព្យ មិនអាក់អន់ស្រពន់ចិត្ត ក្នុងការដាក់ទាន ប្រោសព្រំ ជីវិត គេ អោយមានឱកាស ទទួលបានលាភធំក្នុងជីវិតឡើយ ហើយ ក៏មិនរារែក ផ្តល់ទ្រព្យសំណាងម្តងហើយម្តងទៀតដល់គេដែរ ប្រសិនបើគេនៅតែប្រកាន់ខ្ជាប់នូវអំពើល្អ និង ប្រកាន់ពាក្យសច្ចៈ នៅក្នុងខ្លួននោះ ។

ហេតុដូចនេះ ក្រុមគ្រួសារណាដែលមានមនុស្សកើតឆ្នាំនេះ រស់នៅជាសមាជិក ឬក៏ ជាសាច់ញាតិបង្កើត នឹងខ្លួន នឹងមានឱកាសទទួលបាននូវ លាភប្រណិត វត្ថុសំណាង និង រឿងល្អៗក្នុងគ្រួសារជាក់ជាមិនខាន ។ ប្រសិនបើក្រុមគ្រួសារនោះ កំពុងប្រឈមនឹងបញ្ហា បញ្ហាទាំងនោះ នឹងស្រាកស្រាន្តក្នុងពេលឆាប់ៗនេះ ជាក់ជាមិនខានឡើយ សូមកុំបារម្ភ ព្រោះក្នុងខ្លួនមនុស្សឆ្នាំឆ្លូវ មានបារមីល្អៗជាច្រើនសណ្ឋិតនៅជាមួយជាប់ខ្លួនគេ ។

នាថ្ងៃអនាគត មនុស្សឆ្នាំនេះ មិនអាចក្របានឡើយ គ្រាន់តែមានតិចច្រើនតាមមុខរបររៀងៗខ្លួនប៉ុណ្ណោះ ប៉ុន្តែ សំណាងល្អៗ ជាច្រើននៅតែកើតមានលើពួកគេ សឹងគ្រប់ៗគ្នា គ្រាន់តែ គេចាប់ជាប់ឬមិនជាប់ប៉ុណ្ណោះ នេះក៏ដោយសារបុណ្យកុសលពីអតីតជាតិរបស់គេរៀងៗខ្លួន ។

Copyrighted: Moha Sneha
Source: Taiiwan Secret Horoscope