ហោរាសាស្រ្តប្រចាំថ្ងៃស្អែក ថ្ងៃទី២៩ ខែកក្កដា ឆ្នាំ២០១៧

សូមជូនហោរាសាស្រ្តសម្រាប់ ថ្ងៃស្អែក ថ្ងៃសៅរ៍ ទី២៩ ខែកក្កដា ឆ្នាំ២០១៧៖

ឆ្នាំជូត រាសីជាមធ្យម។ អ្នកប្រកបរបររកស៊ីជួញដូរការធ្វើជំនួញបើឃើញថាកំពុងដាំក្បាលចុះខ្លាំងហើយលោកអ្នកពុំមានការគិតគូរឱ្យដិតដល់ទេនោះគ្រោះរង្គោះរង្គើទ្រព្យពិតជាកើតឡើងពុំខាន។ការធ្វើដំណើរជិតឆ្ងាយចូរប្រយ័ត្នរោគជំងឺបៀតបៀនពិសេសបញ្ហាចំណីចំណុកតែម្តង។ សម្ព័ន្ធស្នេហាកំលោះក្រមុំចូរកុំគប្បីមានការផ្លែផ្កាដោយសម្តីវាយប្រហារឱ្យគ្នាឡើយព្រោះវាជាទម្លាប់អាក្រក់មានតែការកើតជម្លោះវិវាទឥតឈប់ឈរហើយអាចនឹងឈានដល់ការបែកបាក់ថែមទៀត ៕

ឆ្នាំឆ្លូវ រាសីខ្ពស់ត្រដែត។ ក្នុងថ្ងៃនេះលោកអ្នកអាចសម្រុកការងារពេញទីបានហើយព្រោះថាបើកាលណាធ្វើច្រើនប៉ុនណាផលល្អក៏ច្រើនទៅតាមនោះផង។អ្នកប្រកបរបររកស៊ីជួញដូរពេលនេះមានការហូរចេញនិងហូរចូលមិនទៀងទាត់ដូច្នេះមិនគួរផ្សងព្រេងទៅបោះទុនរកស៊ីធំដុំនិងយកទៅលេងល្បែងស៊ីសងទ្បើយនាំជួបបញ្ហាអាក្រក់ណាមួយត្រូវអស់ប្រាក់កាសពីខ្លួន។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាស្នេហាប្រុសស្រីបើចង់យកនរណាម្នាក់ជាគូគាប់ត្រូវចេះពិនិត្យពិច័យឱ្យបានច្បាស់លាស់ទើបប្រសើរ៕

ឆ្នាំខាល រាសីស្រុតចុះ។ នៅថ្ងៃនេះលោកអ្នកតោងតែប្រយ័ត្នប្រយែងបញ្ហាសុខភាពនិងអារម្មណ៍ពីព្រោះថាងាយកើតបញ្ហាប៉ះទង្គិចណាស់ដែរ។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញមានការរីកលូតលាស់យឺតហើយផលកម្រៃមានសភាពតានតឹងណាស់។ការធ្វើដំណើរទីជិតឆ្ងាយចូរប្រយ័ត្នក្រុមមនុស្សតាមព្យាបាទយាយីដោយប្រការណាមួយ។ រីឯបញ្ហាសម្ព័ន្ធស្នេហាកំលោះក្រមុំមានដំណើររកាំចិត្តនិងពាក់មុខយក្សដាក់គ្នាច្រើន៕

ឆ្នាំថោះ រាសីល្អជាមធ្យម។ នៅថ្ងៃនេះបញ្ហាសុខភាពរបស់លោកអ្នកពុំល្អបរិបូរឡើយដូច្នេះត្រូវយកចិត្តទុកដាក់ក្នុងការថែរក្សាសុខភាពឱ្យបានខ្ជាប់ខ្ជួនពិសេសត្រូវយកចិត្តទុកដាក់បញ្ហាជំងឺចាស់ព្រោះងាយផ្ទុះរើឡើងវិញ។ក្រៅពីនេះនៅផ្ទះសម្បែងពិសេសស្ត្រីមេផ្ទះមិនត្រូវមាត់រអ៊ូរទាំច្រើនឡើយព្រោះងាយកើតបញ្ហាចម្រូងចម្រាសជាមួយស្វាមីណាស់ដែរ។ការធ្វើដំណើរទីជិតឆ្ងាយមានភាពសុខដុមគួរសមតែយ៉ាងណាឱ្យប្រយ័ត្នក្រុមមនុស្សខ្ចាត់ព្រាត់បន្តិចព្រោះគេងាយបង្កបញ្ហាមកឱ្យរងអំពលទុក្ខ។ រីឯបញ្ហាសេចក្តីស្នេហាកំលោះក្រមុំមានដំណើរថយក្រោយហើយប្រឆាំងគ្នាច្រើន៕

ឆ្នាំរោង រាសីមធ្យម។ ការប្រកបការងារថ្ងៃនេះលោកអ្នកចូរប្រយ័ត្នកើតជម្លោះវិវាទណាមួយពិសេសឱ្យប្រយ័ត្នការប៉ះទង្គិចព្រោះតែពាក្យសម្តីតែម្តង។ក្រៅពីនេះលោកអ្នកមិនត្រូវចាប់កំហុសអ្នកដទៃច្រើនទ្បើយប្រយ័ត្នឥតការអ្វីសោះនាំកើតជាជម្លោះវិវាទជួបផលលំបាកណាមួយមកវិញ។ចំពោះអ្នកប្រកបរបររកស៊ីជួញដូរជួបផលលំបាកក្នុងការរកប្រាក់ចំណូលបន្តិចព្រោះលាភច្រើនបោលហួសចាប់ពុំសូវជាប់ទេហើយបើលោកអ្នកប្រលងប្រជែងតម្លៃទៀតនោះចូរប្រយ័ត្នកើតជម្លោះវិវាទឈានពីតូចតាចឡើងដល់ធំ។ រីឯសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកុំលេងម៉េះម៉ោះច្រើននាំកើតជម្លោះវិវាទហើយមានតែរឿងរ៉ាវសៅហ្មងដាក់គ្នា៕

ឆ្នាំម្សាញ់ រាសីខ្ពស់ត្រដែត។ ក្នុងថ្ងៃនេះបើលោកអ្នកជួបផលលំបាកនឹងមានក្រុមមនសុ្សជួយណែនាំនិងផ្តល់យោបល់ដែលនាំឱ្យជួបផលល្អៗមកវិញផង។សម្រាប់អ្នកប្រកបរបររកស៊ីជួញដូរវិញការជួញទីជិតឆ្ងាយមិនថាផ្លូវគោកផ្លូវទឹកផ្លូវអាកាសក្តីតែងហុចផ្លែផ្កានិងប្រមូលផលកម្រៃគ្រាន់ជាទីកក់ក្តៅហើយក៏មានភាពសុខដុមណាស់ផង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕

ឆ្នាំមមី រាសីខ្ពស់ត្រដែត។ នៅថ្ងៃនេះបើលោកអ្នកធ្វើអ្វីតែងជឿនលឿនទៅមុខនិងសម្រេចជោគជ័យមកវិញផង។អ្នកប្រកបរបររកស៊ីជួញដូរនៅថ្ងៃនេះបើលោកអ្នកចង់ផ្លាស់ប្តូរមុខរបរថ្មីឬបើកធ្វើជំនួញតូចធំតែងផ្តល់ផលល្អៗមកវិញជានិច្ច។ការធ្វើដំណើរឆ្ងាយជិតជួបភាពសុខដុមនិងក្រុមមនុស្សស្វាគមន៍រាក់ទាក់ជានិច្ច។ រីឯបញ្ហាសេចក្តីស្នេហាកំលោះក្រមុំមានការស្រស់ស្រាយនិងផ្អែមល្ហែមប្រពៃ៕

ឆ្នាំមមែ រាសីជាមធ្យម។ ចំពោះអ្នកប្រកបរបររកស៊ីជួញដូរនៅថ្ងៃនេះការរកផលកម្រៃទោះមានភាពជឿនលឿនទៅមុខក្តីតែក៏មានភាពប្រទាំងប្រទើសជាមួយមនុស្សជុំវិញខ្លួនច្រើនដូចនេះគប្បីមានការប្រយ័ត្នប្រយែងបន្តិចទើបប្រសើរ។ការធ្វើដំណើរពុំសូវមានសុវត្តិភាពទេគប្បីមានការប្រយ័ត្នប្រយែងក្រុមមនុស្សបៀតបៀនយាយី។ រីឯបញ្ហាស្នេហាកំលោះក្រមុំភាគីម្ខាងទៀតអាចកើតមានចិត្តរេនិងមានការប្រែក្រឡាស់ច្រើនគប្បីមានការប្រយ័ត្នប្រយែង៕

ឆ្នាំវក រាសីខ្ពស់ត្រដែត។ នៅថ្ងៃនេះបើមានកិច្ចការអ្វីលោកអ្នកអាចសម្រុកពេញទីបានហើយ និងត្រូវបំពេញការងារណាដែលសំខាន់មុនទើបប្រសើរ។ចំពោះអ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាសម្ព័ន្ធស្នេហាប្រុសស្រីមានភាពយកចិត្តទុកដាក់និងផ្អែមល្ហែមល្អចំពោះគ្នាប្រពៃ៕

ឆ្នាំរកា រាសីខ្ពស់ត្រដែត។ ក្នុងថ្ងៃនេះដួងរាសីរបស់លោកអ្នកល្អប្រសើរម្ល៉ោះហើយបើទោះបីធ្វើអ្វីគប្បីរួសរាន់ពីព្រោះថាផលល្អៗតែងហុចមកវិញផង។លោកអ្នកអាចប្រកបកិច្ចការអ្វីពេញដៃពេញជើងនិងមានតែក្រុមមនុស្សអាណិតស្រឡាញ់។ចំពោះអ្នកប្រកបរបររកស៊ីជួញដូរមិនថាផ្លូវទឹកផ្លូវគោកឬផ្លូវអាកាសក្តីតែងអាចប្រមូលភោគផលត្រឡប់ចូលផ្ទះវិញដូចជាទីគាប់ចិត្ត។ការធ្វើដំណើរឆ្ងាយជិតជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាសេចក្តីស្នេហាប្រុសស្រីកំពុងជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕

ឆ្នាំច រាសីស្រុតចុះ។ នៅថ្ងៃនេះដោយសារដួងរាសីស្រុតចុះម្ល៉ោះហើយធ្វើឱ្យដំណើរជីវិតរបស់លោកអ្នកមានរឿងរាវបន្តិចបន្តួចចូលមកអុកឡុកយាយីខ្លះៗនាំឱ្យសៅហ្មងផ្លូវចិត្ត។ចំពោះការប្រកបការងារសព្វបែបយ៉ាងកើតមានការរាំងស្ទះញឹកញាប់ ធ្វើឱ្យមានការរកាំចិត្តច្រើន។បើជាអ្នកប្រកបរបររកស៊ីជួញដូរក្នុងថ្ងៃនេះដែរមុជមិនជ្រៅទៅមិនឆ្ងាយប៉ុន្មានទេគួរអត់ធ្មត់ក្នុងមុខរបរ។ រីឯបញ្ហាគូគ្រងប្តីប្រពន្ធកុំគប្បីយកភាពប្រកែប្រកាន់ដាក់ខ្លួនច្រើននាំកើតតែជំលោះវិវាទគ្មានអ្វីជឿនលឿនទៅមុខ៕

ឆ្នាំកុរ រាសីស្រុតចុះ។ នៅថ្ងៃនេះដោយសារដំណើរជីវិតមិនល្អប្រសើរម្ល៉ោះហើយឱ្យប្រយ័ត្នការទទួលរងឈឺខ្លួនប្រាណឬបាត់បង់ប្រាក់កាសដោយប្រការណាមួយ ហេតុនេះត្រូវគ្រប់គ្រងខ្លួនឱ្យបានល្អទើបប្រសើរ។អ្នកប្រកបរបររកស៊ីជួញដូរលោកអ្នកជួបបញ្ហាខ្សត់ខ្សោយអតិថិជនឯផលកម្រៃទៀតសោតអ្នកខ្លះរកបង្គ្រប់ឆ្នាំងបាយសឹងមិនគ្រាន់ផង។ រីឯសម្ព័ន្ធស្នេហាប្រុសស្រីមានការបែរខ្នងដាក់គ្នាច្រើនដោយសារភាពប្រចែប្រច័ណ្ឌកំពុងលុកលុយ ៕

Copyrighted: Moha Sneha