កាត់ក្រូចជា ៤ ចំណិត និងរោយអំបិលពីលើនោះ ហើយយកទៅដាក់ក្នុងផ្ទះបាយរបស់អ្នក!!!

ក្រូចឆ្មារ គឺជាគ្រឿងសម្លមួយបែបដែលមិនអាចខ្វះបានសម្រាប់សម្លម្ជូរជាដើម។ វាជួយធ្វើឲ្យសម្លមានរសជាតិជូរជ្រះជាងម្ជូរផ្សេងៗទៀត។ ដោយឡែកថ្ងៃនេះ បែកធ្លាយសូមណែនាំអ្នកទាំងអស់គ្នានូវតិចនិចងាយៗមួយ ទាក់ទងនឹងក្រូចឆ្មារនេះ ដែលជួយធ្វើឲ្យបំបាត់ក្លិនមិនល្អនៅក្នុងចង្ក្រានបាយ។

ចំពោះវិធីនៃការធ្វើ គឺអ្នកទាំងអស់គ្នាគ្រាន់តែ យកក្រូចឆ្មារមួយផ្លែ ហើយកាត់វាជា ៤ ចំណិត (រាងដូចសញ្ញាបូក)។ បន្តពីនោះមក អ្នកត្រូវយកអំបិលម៉ដ្ឋ ទៅរោយពីលើ ក្រូចឆ្មារនោះ។ យើងណែនាំអ្នកទាំងអស់គ្នាឲ្យយកវាទៅដាក់នៅចង្ក្រានបាយ។
ធ្វើបែបនេះ ចង្ក្រានបាយរបស់អ្នកនឹងបាត់ក្លិន ហើយក្រូចឆ្មារ ក៏ជួយដល់ការកម្ចាត់មេរោគ និងបាក់តេរីក្នុងផ្ទះបាយថែមទៀតផង។ សូមសាកល្បងជាមួយនឹងតិចនិកដ៏ប្លែក និងអស្ចារ្យមួយនេះ ព្រោះវានឹងបង្ហាញប្រសិទ្ធភាពក្នុងរយៈពេលដ៏ខ្លី៕