ងាយៗ របៀបធ្វើទឹកត្រីម្ទេសដែលឆ្ងាញ់ គ្រាន់តែឃើញក៏ស្រក់ទឹកមាត់!

គ្រាន់តែរឿងធ្វើទឹកត្រី អ្នកណាៗក៏អាចធ្វើបានដែរ ព្រោះទោះធ្វើយ៉ាងណាវានៅតែជាទឹកត្រីដែលមានជាតិប្រៃតែដដែលហ្នឹង តើមែនទេ? ប៉ុន្តែសូមកុំភ្លេចថា បើសិនជាលោកអ្នកផ្សំគ្រឿងត្រូវ សូម្បីតែទឹកត្រីក៏លោកអ្នកហូបបាយអស់មួយឆ្នាំងដែរ...

ពាក្យចាស់ខ្មែរបុរាណពោលថា "អបិល រឺទឹកត្រីជាមេសម្លរ... ចំនែកឯស្កជាមេបង្អែម" ដូច្នេះមានន័យថា ម្ហូបខ្មែរ ឆ្ងាញ់រឺមិនឆ្ងាញ់គឺអាស្រ័យលើមេហ្នឹងហើយ ដូច្នេះ "ទឹកត្រីម្ទេស" គឺជាគ្រឿងផ្សំយ៉ាងមានប្រសិទ្ធឹភាព ដែលមិនអាចមើលរំលង។

គ្រឿងផ្សំ "ទឹកត្រីម្ទេស"៖

ទឹកត្រី (តិចច្រើនតាមតម្រូវការ)។ ត្រូវជ្រើសរើសទឹកត្រីដែលមានគុណភាព និងមានរស់ជាតិឆ្ងាញ់។
ម្ទេសទុំ និងខ្ចី តិចច្រើនតាមតម្រូវការ
ខ្ទឹមស ខ្ទឹមក្រហម រឺខ្ទឹមបំពង
ស្លឹកខ្ទឹម
ក្រូចឆ្មា រឺអំពិលទុំ (សូមកុំប្រើស្វាយខ្ចី)
ស្កស
ប៊ីចេង(ដាក់មិនដាក់តាមចិត្ត) រឺទឹកសូដា រឺទឹកប៊ីចេង

របៀបធ្វើ "ទឹកត្រីម្ទេស"៖

ម្ទេសទុំ និងខ្ចី ស្លឹកខ្ទឹម ត្រូវហាន់អោយម៉ត់ ទុកមួយឡែក
ខ្ទឹមស ខ្ទឹមក្រហម ត្រូវចិតបន្ទះស្តើងៗ ទុកមួយឡែក
ក្រូចឆ្មា ត្រូវច្របាច់យកទឹក និងយក១ភាគ៤នៃក្រូច (សំបក) មកហាន់ស្តើងៗ ទុកមួយឡែក។ បើប្រើអំពិលទុំ ត្រូវច្របាច់នឹងទឹកក្តៅយកតែជាតិជូរមកបានហើយ តែបើចំណូលចិត្តអាចដាក់ទាំងគ្រាប់ក៏បាន។
យកគ្រឿងផ្សំទាំងអស់ខាងលើមកដាក់ក្នុងចានមួយ ហើយច្របល់អោយសព្វចូលគ្នា រួចចាក់ទឹកត្រីចូល។ ត្រូវប្រយ័ត្នពេលចាក់ទឹកត្រីចូល អ្នកត្រូវចាក់វាកុំអោយច្រើនពេក កុំអោយតិចពេក បើអោយខាប់បន្តិចកាន់តែប្រសើរ។

ពេលរួចរាល់ហើយ លោកអ្នកអាចយកបាយក្តៅមួយចាន ព្រោះទឹកត្រីម្ទេសត្រូវគ្នានឹងបាយក្តៅៗ មកសាកល្បងមើល តើយ៉ាងម៉េចដែរ? ខាងក្រោមនេះ គឺវិធីធ្វើតាមបែបថៃ.. សូមទស្សនាទាំងអស់គ្នា..៖