ខណៈកំពុងដើរកាត់តាមដងផ្លូវក្នុងព្រៃ Diana និងឪពុករបស់នាងបានប្រទះឃើញមែកឈើដ៏ធំមួយនៅលើដី។
នៅពេលនោះ នាងបាននិយាយទៅកាន់ឪពុកយ៉ាងដូច្នេះថា “ពុក! ប្រសិនបើខ្ញុំព្យាយាម តើពុកគិតថាខ្ញុំអាចលើកមែកឈើធំនោះបានដែរអត់?” ឪពុកបានតបវិញថា “ពុកប្រាកដណាស់ថាកូនអាចធ្វើបាន ប្រសិនបើកូនប្រើកម្លាំងទាំងអស់”។
ក្រោយនិយាយចប់ Diana បានព្យាយាមអស់ពីសមត្ថភាពរបស់នាងដើម្បីលើកមែកឈើ ប៉ុន្តែនាងមិនអាចលើកបានឡើយ។ ដោយអស់ចិត្តអស់ចង់ នាងបាននិយាយទៅកាន់ឪពុកទាំងបាក់ទឹកចិត្តយ៉ាងដូច្នេះថា “ពុកនិយាយខុសហើយ! កូនមិនអាចលើកមែកឈើបានឡើយ”។
ទោះយ៉ាងណាឪពុកបាននិយាយបែបនេះថា “កូនសាកព្យាយាមម្ដងទៀតមើល៎ដោយប្រើកម្លាំងរបស់កូនទាំងអស់”។ ដោយឮដូច្នេះ Diana បានព្យាយាមម្ដងទៀតប៉ុន្តែនៅតែមិនទទួលជោគជ័យ ហើយនាងបាននិយាយបែបនេះថា “ពុក! កូនមិនអាចលើកមែកឈើបានឡើយ”។
ក្រោយឃើញកូនបាក់ទឹកចិត្ត ឪពុកបានតបយ៉ាងទន់ភ្លន់យ៉ាងដូច្នេះថា “ក្មេងច្រមក់! ពុកបានណែនាំកូនឱ្យប្រើកម្លាំងទាំងអស់របស់កូន។ កូនមិនបានសុំជំនួយពីឪពុកផងហ្នឹង”។
គំនិតអប់រំ ៖ កម្លាំងពិតរបស់យើងមិនស្ថិតលើភាពឯករាជ្យតែម្នាក់ឯងនោះទេ។ ការសុំជំនួយនៅពេលត្រូវការចាំបាច់ មិនមែនជាសញ្ញាបង្ហាញពីភាពទន់ខ្សោយទេ ប៉ុន្តែជាសញ្ញានៃគតិបណ្ឌិត៕
0 comments:
Post a Comment