ចាំពាក្យ «ស្នេហ៍» ពីមនុស្សស្រីដូចជា ចាំឲ្យព្រះអាទិត្យរះពីខាងលិចអញ្ចឹង!!!

ភាពជានារីសេចក្តីថ្លៃថ្នូរ វាសំខាន់ខ្លាំងណាស់សម្រាប់នាង។ មនុស្សស្រី មិនអាចនិយាយប្រាប់ថា ស្រឡាញ់ទៅបុរសបានទេ បើទោះបីជាស្ថិតក្នុងស្ថានភាពណាក៏ដោយ ដូច្នេះសូមកុំចាំពាក្យថា ស្នេហ៍ចេញពីមាត់របស់នាងអី គឺវាមិនអាចនោះទេ។

បើទោះជានាងស្រឡាញ់បុរសម្នាក់នោះយ៉ាងណាក៏ដោយ នាងនៅតែរក្សាស្ថានភាពដើមជានិច្ច គឺ នៅស្ងៀម ធ្វើធម្មតា ដូចជាគ្មានរឿងអ្វីកើតឡើងដាច់ខាត គឺមិនប្រាប់ថា ស្រឡាញ់ឡើយ ទោះជានាងដឹងថា បើមិនប្រាប់គេ ធ្វើមិចគេនឹងដឹងទៅ ឬក៏ពេលណាមួយបុរសនោះត្រូវឃ្លាតឆ្ងាយពីនាងក៏ដោយ។

ជាមួយគ្នានេះដែរ ក៏មានបុរសមួយចំនួនទៀត លួចស្រឡាញ់គេដែរ តែអត់ហ៊ានសារភាពទេ ប៉ុន្តែចង់ក្បែរគេជិតស្លាប់ទៅហើយ ហើយមានពេលខ្លះទៀត បែរជាគិតថា បើនាងស្រឡាញ់ខ្លួនដែរ មិនដឹងជា ល្អយ៉ាងណានោះទេ ក៏ប៉ុន្តែនៅតែមិនហ៊ានប្រាប់នាងថា ខ្លួនស្រឡាញ់ដដែល។ ជាការពិតណាស់ បើស្រឡាញ់គេដែរ ប្រាប់គេទៅ ប្រយ័ត្នគេឆក់យកនាងបាត់ ហើយអាងទឹកភ្នែក ហើយមិនបាច់ព្យាយាមចាំនាងប្រាប់ថា ស្នេហ៍ ទេ គឺវាប្រហែលជាគ្មានថ្ងៃឡើយ បើសិនជាអ្នកមិនសារភាព ប្រាប់នាងមុននោះ។ មនុស្សស្រីគឺបែបនេះហើយ ស្រឡាញ់ក៏មិនប្រាប់ ចូលចិត្តក៏មិនប្រាប់ តែបើស្អប់ប្រាប់ភ្លាមៗ មិនទុកយូរឡើយ។ នារីនៅក្នុងជីវិតរបស់នាង គឺមិនបង្ហាញក្តីស្រឡាញ់របស់នាងប្រាប់នរណាបានទេ នោះក៏ព្រោះតែលក្ខណ្ឌនៃក្រឹត្យក្រមរបស់ធម្មជាតិ។ ដូច្នេះ សូមបុរសទាំងឡាយកុំទន្ទឹងចាំឱ្យនារីប្រាប់ថា ស្នេហ៍អីណា!!! ហើយត្រូវចាំឃ្លាកំប្លែងមួយថា «ចាំពាក្យថា ស្នេហ៍ពីនារី ដូចចាំ MESSI មក REAL MADRID» អញ្ចឹង!!!

ប្រភពអត្ថបទពី៖ Bektleay.com