ហេតុផលសំខាន់ ៦ យ៉ាងបញ្ជាក់ថា មង្គលការពិតជាសំខាន់ណាស់ក្នុងជីវិតស្ត្រីគ្រប់រូប

មនុស្សស្រីគ្រប់រូបសុទ្ធតែមានក្តីរៀងៗខ្លួន ប៉ុន្តមានក្តីប្រាថ្នាមួយដែលមនុស្សគ្រប់រូប ប្រាថ្នា ចង់បានដូចគ្នា គឺអាពាហ៍ពិពាហ៍ ។ តើមានដឹងអត់ថាហេតុផលអ្វីបានជាស្រ្តីគ្រប់រូបរៀប អាពាហ៍ពិពាហ៍ទេ ? មិនមែននាងចង់ស្លៀកសំលៀកបំពាក់កូនក្រមុំតែមួយមុខទេ សូមកុំ យល់ច្រឡំ គឺនាងមានហេតុផលចំនួន ៦ ដូចខាងក្រោម៖

១.ជាសុបិនកាលពីនៅតូចៗ៖ កាលនៅពីក្មេង ពេលបានឃើញគេរៀបការស្រីៗតែងមានក្ដីស្រមៃចង់រៀបការ និងបានស្លៀកសំលៀកបំពាក់រៀបការស្អាតៗដូចទេពអប្សរដូចគេដែរ។

២.សន្តិសុខផ្លូវចិត្ត៖ ពេលបានរៀបការជាមួយបុរសដែលខ្លួនស្រលាញ់ គឺអាចជួយឲ្យផ្លូវចិត្តរបស់យើងស្ងប់ និងអាចជួយការពារសុវត្ថិភាពយើងគ្រប់ពេលវេលាបាន។

៣.បំពេញមុខឪពុកម្ដាយ៖ អ្នកមានគុណទាំងពីរ តែងចង់ឃើញកូនស្រីខ្លួនរៀបការជាមួយបុរសណាម្នាក់បានពេញមុខពេញមាត់។

៤.មិនឲ្យសង្គមរើសអើង៖ នៅក្នុងស្រុកភូម ប្រសិនបើមាននារីណាមានស្វាមី តែមិនបានរៀបការ គេតែងនាំគ្នានិយាយដើម។ ដូចនេះហើយបានជាស្រីៗចង់រៀបការឲ្យបានអធិកអធម ដើម្បីឲ្យញាតិជិតខាងបានដឹងឮផង។

៥.ជាក្ដីប្រកាស៖ មង្គលការជាសេចក្ដីប្រកាសប្រាប់ដល់ពិភពលោកទាំងមូលថាយើងមិនមែនជាមនុស្សទំនេរទៀតទេ ហើយបើមានបុរសណាលួចស្រលាញ់ក៏ត្រូវដកចិត្តត្រឹមនេះដែរ ព្រោះយើងមានស្វាមីហើយ។

៦.ដើម្បីកូន៖ ពេលកូនៗបានឃើញរូបថតអនុស្សាវរីយនាថ្ងៃពិសេសយើង ពួកគេពិតជាមានមោទនភាពលើឪពុកម្ដាយ៕