ហេតុអ្វីមិនគួររៀបការនៅពេលមានអាយុតិច?

ហេតុអ្វីបានជាមនុស្សយើងមិនគួររៀបការពេលអាយុនៅតិច តើលោកអ្នកធ្លាប់នឹកឆ្ងល់ខ្លះទេថា តើយើងគួររៀបការនៅពេលអាយុប៉ុន្មាន? និងតើយើងរៀបការពេលនៅក្មេងពេកទេដឹង?

ចំណុចអាក្រក់របស់ការរៀបការពេលអាយុនៅតិចពេក គឺមានឱកាសនឹងលែងលះគ្នាខ្ពស់ "លោកអ្នកមានអ្វីៗច្រើនយ៉ាងប្រែប្រួល ផ្លាស់ប្តូរនៅក្នុងអំឡុងវ័យ 20 ឆ្នាំឡើងទៅ" លោកវេជ្ជបណ្ឌឹត ជេន ប៊ើមែន អ្នកជំនាញផ្នែកចិត្តវិទ្យានៅក្នុងមន្ទីពេទ្យ បេវើរី ហ៊ីល បានអធិប្បាយបន្តថា "បើសិនជាអ្នករង់ចាំរហូតដល់អំឡុងវ័យ 20 ឆ្នាំក្រាស់ គឺលោកអ្នកបានឆ្លងផុតអ្វីៗដែលមិនល្អមកច្រើនហើយ ដូច្នេះវាក៏មិនក្លាយជាបញ្ហាសម្រាប់ជីវិតអាពាហ៍ពិពាហ៍របស់អ្នកឡើយ ព្រោះអ្នកនឹងដឹងថា តើអ្នកត្រូវការអ្វីខ្លះពីការមានជីវិតគូ"។

"តាមរយៈការបានណាត់ជួបជាលើកដំបូងជាញឹកញាប់នៅក្នុងជីវិត ធ្វើឱ្យអ្នកបានរៀនយល់ដឹងថា តើមនុស្សបែបណាដែលនឹងអាចទាញយកអ្វីដែលល្អបំផុតពីខ្លួនអ្នកចេញមកបាន" លោកវេជ្ជបណ្ឌឹត ប៊ើមែន ប្រាប់ "ព្រោះដូច្នេះហើយ លុះមកដល់អំឡុងអាយុ 20 ឆ្នាំក្រាស់ យើងនឹងអាចដឹងបានថា អ្វីដែលយើងអាចទទួលបាននៅក្នុងជីវិតគូ ហើយនិងអ្វីដែលយើងមិនចង់ទទួលយក"។

អ្នកចង់លះបង់ខ្លួនឯងចំពោះការងារតែម្យ៉ាងមិនបានទេ ជាទូទៅនោះ មិត្តភ័ក្តិនៅកន្លែងធ្វើការរបស់អ្នកនឹងឧស្សាហ៍ព្យាយាមក្នុងការងារ តែគូអាពាហ៍ពិពាហ៍ដែលស្ថិតនៅក្នុងវ័យកម្លោះក្រមុំវិញ ចាំបាច់ត្រូវតែនឹកគិតទៅដល់តម្រូវការរបស់គូជីវិតរបស់ខ្លួនផង "ទាំងពីរនាក់ចាំបាច់ត្រូវតែមានការលះបង់ខ្លះក្នុងរឿងការងារ ដើម្បីថែរក្សាជីវិតគូ"។

អ្នកឆ្លងផុតដំណាក់ការនៃភាពសប្បាយរីករាយអស់ដៃហើយ ហេតុផលមួយដែលអ្នកជំនាញការជឿថា អ្នកនឹងត្រៀមខ្លួនជាស្រេចក្នុងការរៀបអាពាហ៍ពិពាហ៍ក្នុងអំឡុងវ័យ 20 ឆ្នាំក្រាស់នោះ គឺដោយសារតែអ្នកបានឆ្លងកាត់ជីវិតដែលស្នេហាការសប្បាយរីករាយមកច្រើនហើយហ្នឹងឯង។ អ្នកនឹងសម្លឹងឃើញថា ជីវិតដែលនៅលីវនោះ លែងសប្បាយតទៅទៀតហើយ ដូច្នេះអ្នកនឹងឈានដើរទៅខាងមុខក្នុងការមានជីវិតគូបែបមិនចាំបាច់បែមកស្តាយក្រោយឡើយ៕

ប្រភពពី៖ Lareine