មនុស្សជាច្រើនអាចនឹងយល់ច្រឡំថា ការស្រកទម្ងន់ និង ការស្រកខ្លាញ់ គឺដូចតែគ្នាទេ ប៉ុន្តែជាក់ស្តែងគឺមិនដូចគ្នាទេ !
នៅពេលចាប់ផ្តើមតមអាហារ និង ហាត់ប្រាណ នោះរាងកាយនឹងមិនចុះខ្លាញ់ភ្លាមៗនោះទេ ។ ជួនកាលការបញ្ចុះទម្ងន់អាចនឹងបណ្តាលឱ្យរាងកាយចាប់ផ្តើមបាត់បង់សាច់ដុំ ដែលប្រការនេះពុំមែនជាសញ្ញាល្អចំពោះសុខភាពនោះទេ ។ ដើម្បីបញ្ចុះខ្លាញ់ អ្នកចាំបាច់ត្រូវយល់ថា ការកាត់បន្ថយទម្ងន់ ពុំមែនជាការបំបាត់ខ្លាញ់ចេញពីរាងកាយនោះទេ។
ភាពខុសគ្នារវាងការស្រកទម្ងន់ និង ការស្រកខ្លាញ់
មនុស្សជាច្រើនប្រើភាសាសាមញ្ញថា «ចង់ស្រកគីឡូ !» ដែលការពិតនោះ គឺគេចង់សម្រកខ្លាញ់ដែលបណ្តាលឱ្យរាងកាយមើលទៅរីកធំ ទ្រលុកទ្រលន់ ។ ប៉ុន្តែប្រសិនបើអ្នកពិតជាយល់ខុសថា ស្រកគីឡូ គឺស្រកខ្លាញ់មែននោះ គឺពិតជាពិបាកហើយ ពីព្រោះអ្នកអាចនឹងប្រើវិធីសម្រកខុសបច្ចេកទេស និង បណ្តាលឱ្យប៉ះពាល់ដល់សុខភាព ។ ជាចាំបាច់យើងត្រូវដឹងពីរាងកាយរបស់យើង ថាតើពិតជាលើសខ្លាញ់ ឬ យ៉ាងណា សាច់ដុំមានភាពរឹងមាំគ្រប់គ្រាន់ហើយឬនៅ ឬក៏មិនដែលហាត់ប្រាណហើយសាច់ដុំប្រែជាទន់ តែបែរជាយល់ថាជាសាច់លើស ឬ ខ្លាញ់នេះតែម្តង ?
ការឈរនៅលើជញ្ជីង ពុំមែនជាវិធីតែម្យ៉ាងដែលបញ្ជាក់ពីទម្ងន់សុខភាពរបស់យើងបាននោះទេ ទោះជាអ្នកមើលឃើញថា មិនឡើងលើសប្រក្រតី ក៏មិនអាចបញ្ជាក់ថាគ្មានខ្លាញ់ដែរ ។ ចុះបើឃើញថាលើសគីឡូវិញ ? នោះក៏ចាប់ផ្តើមតមអាហារ និងហាត់ប្រាណដើម្បីឱ្យភ្នែកជញ្ជីងស្រុតមកប្រក្រតីវិញ ។ ការនេះអាចត្រឹមបញ្ជាក់ថាចុះទម្ងន់ តែមិនប្រាកដថាចុះខ្លាញ់ទេ ។ ការដែលសំខាន់នោះ ទម្ងន់មិនមែនជាបញ្ហាចោទ ព្រោះខ្លាញ់នៅតែលើស ។
កំហុសឆ្គងមួយទៀតគឺ អ្នកតមអាហារតែងតែគិតគូរយ៉ាងម៉ត់ចត់ពីកម្រិតកាឡូរីនៃអាហារដែលខ្លួនទទួលទាន ហើយព្យាយាមលៃ ឬកាត់បន្ថយដើម្បីឱ្យឆាប់ស្គម ខ្លះទៀតដល់ទៅមិនញ៉ាំអាហារចាំបាច់មួយចំនួន ដែលកត្តានេះបណ្តាលឱ្យសាច់ដុំបាត់បង់ខ្លាញ់សម្រាប់បំប៉នភាពរឹងមាំ ។
ការហាត់ប្រាណគំហុក
ប្រសិនបើអ្នកពិតជាចង់រក្សារាងក្នុងកម្រិតណាមួយ តូចល្មម ដោយមិនប៉ះពាល់ដល់សុខភាពនោះ អ្នកមិនគួរហាត់ប្រាណខ្លាំងៗពេកទេ ជាពិសេសលំហាត់បែបកាដ្យូ ។ ដើម្បីរំលាយស្រទាប់ខ្លាញ់ ត្រូវការត្រឹមបញ្ចូលប្រភេទលំហាត់ធ្ងន់ៗមួយចំនួនប៉ុណ្ណោះ មិនចាំបាច់ហាត់យ៉ាងគំហុកតែម្តងនោះទេ ។ លំហាត់កាដ្យូ ពិតជាអាចដុតបំផ្លាញកាឡូរី និង ខ្លាញ់យ៉ាងឆាប់រហ័ស ប៉ុន្តែរាងកាយក៏ត្រូវការលំហាត់បង្ហាប់ពង្រឹងសាច់ដុំ និងពង្រីកទំហំសាច់ដុំដែរ ។ នៅពេលអ្នកហាត់ប្រាណជំនួយសាច់ដុំបានត្រឹមត្រូវ នោះលទ្ធផលនឹងចេញមកក្រោមស្បែក គឺខ្លាញ់ និង ជាតិទឹកចេញមកតាមស្បែក ។ ហេតុអ្វីបានជាត្រូវពង្រឹងសាច់ដុំ? ពីព្រោះការពង្រឹងសាច់ដុំឱ្យរឹងមាំនឹងជួយដល់ការដុតកម្ចាត់ខ្លាញ់ ហើយនៅពេលមានសាច់ដុំកាន់តែច្រើន ឬធំ នោះរាងកាយនឹងត្រូវការថាមពលច្រើនមកចិញ្ចឹមសាច់ដុំ ធ្វើឱ្យការចំណាយថាមពល ( កាឡូរី ) ក្នុងរាងកាយនឹងមិនសេសសល់ ហើយបណ្តាលឱ្យធាត់ឡើយ ។
ការកាត់បន្ថយរបបអហារគំហុក
ដូចគ្នាដែរ ការតមអាហារអាចនឹងជួយកាត់បន្ថយខ្លាញ់ ប៉ុន្តែរាងកាយក៏ត្រូវការខ្លាញ់ដែរ ដូចនេះសុខភាពត្រូវបានរំខាន។ អ្នកពុំគួរឈប់ញ៉ាំអាហារដែលមានខ្លាញ់ទាំងស្រុង ដោយគិតថាការកាត់បន្ថយកាឡូរី នឹងនាំឱ្យខ្លួស្គមឆាប់នោះទេ ។ បន្ថែមលើនេះ បើអត់អាហារហើយ ខំហាត់ប្រាណខ្លាំងទៀតនោះ រាងកាយនឹងរងផលប៉ះពាល់ជាខ្លាំង គឺបាត់បង់សាច់ដុំ តែមិនបាត់បង់ខ្លាញ់ ។ ការបញ្ចុះទម្ងន់ពុំគួរធ្វើឡើងដោយមិនគិតគូរពីសុខភាពសាច់ដុំទេ ព្រោះការនេះជារឿងពីរដើរទន្ទឹមគ្នា។ មិត្តនារីគួរឈប់យកភ្នែកជញ្ជីងមកកំណត់សម្រស់របស់ខ្លួនទៅ ហើយព្យាយាមហាត់ប្រាណពង្រឹងសាច់ដុំវិញល្អជាង និង ប្រើម៉ែត្រវាស់ទំហំចង្កេះ នោះអ្នកនឹងឃើញពីលទ្ធផលកម្ចាត់ខ្លាញ់ពិតៗ ៕
ប្រភពពី៖ pmhotnews
0 comments:
Post a Comment