បុរសធាត់វ័យក្មេងប្រឈមនឹងហានិភ័យនៃជំងឺថ្លើម

បុរសវ័យក្មេង ដែលលើសទម្ងន់កាយ ឬ កើតអាការៈធាត់ហើយរមែងកើតមានហានិភ័យដល់ទៅទ្វេដងប្រៀបទៅនឹងក្រុមបុរសដែលមានអាយុស្របាលគ្នា ដែលវិវត្តន៍ទៅកើតជំងឺថ្លើមនៅពេលចាស់ទៅក្នុងជីវិតរស់នៅរបស់ពួកគេ។ ការសិក្សាស្រាវជ្រាវទូលំទូលាយមួយនៅក្នុងប្រទេសស៊ុយអ៊ែត បានលើកឡើងយ៉ាងដូច្នេះ។

ប្រសិនបើបុរសវ័យក្មេង មានទាំងកើតជំងឺទឹកនោមផ្អែម Type-2 ផងដែរនោះ ហានិភ័យរបស់ពួកគេដែលនឹងកើតជំងឺថ្លើមនៅពេលឈានចូលដល់ពាក់កណ្តាលអាយុមនុស្សនឹងកើនឡើងដល់ទៅ៣,៣ដងទៅទៀត។ អ្នកសិក្សាស្រាវជ្រាវបានរាយ ការណ៍ដូច្នេះនៅក្នុងព្រឹត្តិបត្រ Journal Gut។

ការសិក្សាស្រាវជ្រាវកាលពីរយៈពេលកន្លងមក បានបង្ហាញឲ្យឃើញថា ជំងឺទឹកនោមផ្អែមនាំមកនូវការកើនឡើងនៃហានិភ័យជំងឺថ្លើមនិងមហារីកថ្លើម ប៉ុន្តែការសិក្សាស្រាវជ្រាវនៅពេលបច្ចុប្បន្ននេះ វិញ បង្ហាញឲ្យឃើញថា ពេលដែល BMI (body mass index) កើនឡើងខ្ពស់នោះ ដែលជាការគណនាទម្ងន់កាយពាក់ព័ន្ធជាមួយកម្ពស់របស់មនុស្សណាម្នាក់ គឺវាជាកត្តាហានិភ័យរបស់មនុស្សនោះឡើយ។ ពេលប្រៀបធៀបបុរសទាំងឡាយណាដែលមាន BMIs ទាបជាង២២,៥ ដោយគិតជាមូលដ្ឋាន “baseline” ហានិភ័យនៃជំងឺថ្លើមធ្ងន់ធ្លាក់ចុះ ប៉ុន្តែអាការៈក៏នឹងកើនឡើង នៅពេលដែល BMIs របស់បុរសទាំងនោះ កើនឡើងខ្ពស់បន្ថែមទៀតដែរ។ លើកលែងតែក្រុមមនុស្សប្រុសដែលមានរោគលក្ខណៈវិនិច្ឆ័យនៃជំងឺ ថ្លើមដែលបណ្តាលមកពីគ្រឿងស្រវឹងដែលការវិភាគបានបង្ហាញថា វាមានការកើនឡើងថែមទៀតនូវហានិភ័យរួមបញ្ចូលគ្នាជាមួយនឹងករណីកើតអាការៈធាត់នោះ៕

ប្រភព៖ Reuters