ក្នុងនាមជាប្តីប្រពន្ធ អ្នកពិតជាផ្នែកមួយដ៏សំខាន់ក្នុងសហគមន៍ និងសង្គមជាតិ ដូច្នេះអ្នកមានតួនាទីទទួលខុសត្រូវចំពោះសេចក្តីសុខក្នុងគ្រួសារ សេចក្តីថ្លៃថ្នូរក្នុងសហគមន៍ និងសង្គមជាតិ តើអ្នកពិតជាចង់បំផ្លាញវាដោយគ្រាន់តែរឿងបន្តិចបន្តួចក្នុងគ្រួសារមែនទេ?
អ្នកគួរតែនិយាយគ្នាអោយបានច្រើននៅមុនពេលគេង... ពីព្រោះគ្រែមួយ ខ្នើយមួយ គឺជាកន្លែងប្រជុំរបស់អ្នកទាំងពីរ ដើម្បីស្វែងរកដំណោះស្រាយក្នុងឆាកជីវិត។ អ្នកមិនត្រូវយករឿងគ្រួសាររបស់អ្នកទៅនិយាយនៅលើគ្រែផ្សេងនោះទេ។
ខាងក្រោមនេះ គឺជាដំបូន្មានរបស់ចាស់ព្រឹទ្ធបណ្ឌិតកវីខ្មែរយើង ប្រៀបប្រដៅគូស្រកកុំអោយធ្វើរឿងដូចជា..៖
- _កុំនាំភ្លើងក្រៅចូលក្នុង ភ្លើងក្នុងចេញក្រៅ.. មានន័យថា កុំប្រមូលយករឿងខាងក្រៅមកក្នុងគ្រួសារ រឺកុំយករឿងក្នុងគ្រួសារទៅអោយគេឯងដឹង
- _ប្តីខឹង ប្រពន្ធខំអត់.. មានន័យថា បើម្នាក់ខឹងហើយ មានអារម្មណ៌មិនល្អហើយ រករឿងឈ្លោះប្រកែកគ្នាហើយ សូមអ្នកទាំងពីរខាំមាត់សង្កត់ចិត្ត ទ្រាំកុំឈ្លោះ ទ្រគោះបោះបោក រឺហៅថា កុំយកកំហឹងទល់និងកំហល់
- _កុំហៅគ្នា ឆ្កែឆ្មា ពេលឈ្លោះគ្នា ព្រោះពេលអ្នកត្រូវគ្នាវិញ អ្នកពិតជាមើលមុខគ្នាមិនត្រង់នោះទេ
- _កុំឈ្លោះ រឺរករឿងគ្នាពេលម្នាក់កំពុងឈឺ ត្រូវអត់ទ្រាំ មើលថែគ្នា
- _កុំយកវង្សត្រកូលមកធ្វើជាខ្នងបង្អែក តាំងខ្លួនឯងជាអ្នកគ្រប់គ្រង
- _កុំអាងចំនេះ អាងទ្រព្យ អាងរូបសម្បត្តិ ចំពោះគ្នានឹងគ្នា ព្រោះអ្នកទាំងពីរទោះជាយ៉ាងណាគឺជាប្តីប្រពន្ធ
- _កុំប្រើដៃជើង ពេលឈ្លោះគ្នា
- _កុំឈ្លោះគ្នាចំពោះមុខកូនៗ ព្រោះវានឹងធ្វើជាគំរូអាក្រក់ជាទីបំផុតសម្រាប់កូនៗរបស់អ្នក
- _និង នៅមានច្រើនយ៉ាងទៀតដែលរៀបរាប់មិនទាន់អស់!
Copyrighted: Moha Sneha
0 comments:
Post a Comment