ប្តីល្អ មិនរករឿងប្រពន្ធ (ជីវិតពិត របស់បុរសម្នាក់)

ពីមុន មនុស្សស្រីមានភាពអត់ធ្មត់ និងសុភាពរាបសារណាស់ ប៉ុន្តែ នារីសម័យថ្មីនេះវិញ គឺថា ប៉ះមិនបានទេ គឺដូចកប៉ាល់ភ្លើងអញ្ចឹង ឲ្យតែលូក គឺច្បាស់ជារលាកហើយ។

បច្ចុប្បន្ន មានតែបុរសទេ ដែលត្រូវទុកមុខមាត់ ឲ្យមនុស្សស្រីជាទីស្រឡាញ់របស់ខ្លួន ហើយត្រូវអត់ធ្មត់គ្រប់បែបយ៉ាង ពីព្រោះនារីសម័យថ្មីនេះ មិនមែនចេះតែនៅផ្ទះ ហើយដាំបាយ និងមើលកូននោះទេ។ ពិតណាស់ ទោះបីជាភរិយាខ្ញុំ ត្រូវរវល់ធ្វើការងារ នៅក្នុងក្រុមហ៊ុនយ៉ាងក្តី ក៏គាត់មិនដែលភ្លេចតួនាទី ជាឧត្តមភរិយារបស់ខ្ញុំដែរ។ គាត់នៅតែឆ្លៀតពេលធ្វើម្ហូប បោកខោអាវ បោសជូតផ្ទះ និងមើលថែខ្ញុំជាដើម។

ពេលខ្លះ ការងារទាំងអស់នេះ ធ្វើឲ្យគាត់មួរម៉ៅ និងស្រេ្តសម្តងម្កាលដែរ រហូតដល់ស្រែកគំហ៊កដាក់ខ្ញុំទៀតផង តែខ្ញុំមិនប្រកាន់ខឹងទេ ពីព្រោះខ្ញុំយល់ ពីអារម្មណ៍ដែលគាត់កំពុងមាន។ ការឈ្លោះ ឬតមាត់ជាមួយនាង បានផលប្រយោជន៍អ្វីមកវិញ? ចុះបើយើងសម្រួលអារម្មណ៍ រួចពិភាក្សាគ្នាវិញ មិនល្អទេឬ? នេះទើបហៅថា សោភ័ណភាពនៃទំនាក់ទំនង គឺយើងត្រូវធ្វើយ៉ាងណា ស្តារបញ្ហាតិចតួច ឲ្យក្លាយជាល្អវិញ។

ប្តីល្អ មិនគួរឈ្លោះជាមួយប្រពន្ធ
នាងរឹតតែខឹង ពេលយើងតមាត់
នាងនឹងមិនគិតរកហេតុផលនោះទេ ពេលនាងខឹង! អញ្ចឹង បើខ្ញុំតវ៉ារកខុសត្រូវ ឬជជែកយកឈ្នះ នោះបញ្ហានឹងរឹតតែធំឡើងៗ។ ផ្ទុយទៅវិញ ខ្ញុំតែងតែរក្សាភាពស្ងប់ស្ងាត់ ហើយរង់ចាំដល់នាងបាត់ខឹងខ្លះ ទើបពន្យល់ហេតុផលជាក្រោយ។

វាធ្វើឲ្យយើងចាស់គំនិត
ខ្ញុំមិនមែនជាក្មេងប្រុសទៀតទេ អ្នកគឺជាប្តីរបស់នារីម្នាក់ ហើយក៏ជាកូនពីរនាក់ទៀតផងដែរ ដូច្នេះ ខ្ញុំគិតថា ខ្ញុំគួរតែមានគំនិត និងគិតឲ្យបានជ្រៅបន្តិច។ ម្យ៉ាងទៀត ការឈ្លោះគ្នា មិនមែនជាចរឹតរបស់អ្នកចេះដឹងនោះទេ ដូច្នេះ ខ្ញុំត្រូវព្យាយាម និងអត់ធ្មត់ច្រើន ពេលប្រពន្ធខឹង។ ធ្វើបែបនេះយូរទៅ ឥឡូវនេះ ប្រពន្ធខ្ញុំលែងសូវរករឿង ហើយកោតខ្លាច និងគោរពខ្ញុំលើសដើម។

ការតមាត់ ការរកខុសត្រូវ គ្មានបានប្រយោជន៍អ្វីនោះទេ
តើបានអ្វីមកវិញ ពេលដឹងខុសត្រូវនោះ ខណៈពេលដែលយើងទាំងពីរជិតលែងគ្នា? ការទាស់សម្តីគ្នា គឺជានិមិត្តរូបនៃការបែកបាក់ ដូច្នេះ ជឿយើងទៅ ពេលយើងធ្វើចាញ់ ប៉ុន្តែ យើងនឹងឈ្នះចិត្តរបស់នាងជារៀងរហូត។

ខ្ញុំស្រឡាញ់នាងទេ?
ខ្លីៗ ! បើមែន ឈប់តមាត់! បើមិនមែន ស្រែកបន្ទរដាក់គ្នាទៀតទៅ៕

ប្រភពអត្ថបទពី៖ ROSE