ស្រ្តេសខ្លាំងទេនៅកន្លែងធ្វើការ សាកល្បងវិធី ៦យ៉ាងខាងក្រោមនេះ!

មហាស្នេហាសូមណែនាំនូវ វិធីសាស្ត្រមួយចំនួន ដើម្បីជួយលោកអ្នក អាចគ្រប់គ្រងអារម្មណ៍ធុញថប់ (ស្ត្រេស) របស់ខ្លួន នៅពេលជួយបញ្ហាស្មុគស្មាញ នៅកន្លែងធ្វើការបាន។

តែដំបូងអ្នកត្រូវស្វែលយល់ថា អ្វីជាស្រ្តេស ជាមុនសិន!

ស្រ្តេស(ការតានតឹងក្នុងចិត្ត) ជាលទ្ធផលដែលកើតចេញពីប្រតិកម្មរវាងអារម្មណ៍ និងសរីរាង្គកាយទៅនឹងស្រ្តេសស៊រ័ (ប្រភពនាំឲ្យមានការតានតឹងក្នុងចិត្ត)។ ស្រ្តេសស៊រ័ (ប្រភពនាំឲ្យមានការតានតឹងក្នុងចិត្ត) មានប្រភពមកពីបរិស្ថាន ទំនាក់ទំនង ការងារ និងសង្គម។ ស្រ្តេសជាបញ្ហាមួយកើតស្ទើរតែគ្រប់បុគ្គលទាំងអស់ មិនថាស្រ្តីឬបុរស អ្នកមានឬអ្នកក្រ អ្នកជនបទឬទីក្រុង និងមិនថាតែពេលណាឬមួយណាឡើយនៃដំណើរជីវិតរស់នៅរបស់យើងគ្រប់ៗរូប។ ស្ត្រេសនាំទៅដល់ការប៉ះពាល់ទាំងសុខភាពផ្លូវចិត្ត និងផ្លូវកាយ។ ស្ត្រេសមានពីរប្រភេទ អវិជ្ជមាន និងវិជ្ជមាន៖ ១. អវិជ្ជមានដូចជាភាពបាត់បង់ការងារ ឬគ្មានការងារធ្វើ ការលំបាក និងភាពស្មុគស្មាញក្នុងផ្ទះសម្បែង ក្នុងសាលា ឬក្នុងការិយាល័យ។ ២. វិជ្ជមានដូចជា ការមានបុត្រដំបូង អាពាហ៍ពិពាហ៍ ឬការមានផ្ទះថ្មី។ល។២. វិជ្ជមានដូចជា ការមានបុត្រដំបូង អាពាហ៍ពិពាហ៍ ឬការមានផ្ទះថ្មី។ល។

ក្រោយពីលោកអ្នកបានយល់ដឹងអំពីអ្វីដែលហៅថាស្រ្តេសហើយ ដូច្នេះខាងក្រោមនេះ គឺជាគន្លឹះ ទាំង ៦ ក្នុងការកាត់បន្ថយស្រ្តេស នៅកន្លែងធ្វើការ ដែលលោកអ្នកគួរតែសាកល្បង៖

១. ចេះគ្រប់គ្រងពេលវេលាផ្ទាល់ខ្លួនឲ្យល្អ
ប្រសិនបើអ្នកមិនមានសមត្ថភាពក្នុងការ បញ្ចប់ភារៈកិច្ចរបស់អ្នក ឲ្យទាន់ពេល ហើយវាធ្វើឲ្យ អ្នកមានសម្ពាធ និង ភាពថប់បារម្ភ នោះអ្នកត្រូវតែអនុវត្តនូវ គន្លឹះនេះ។ ដំបូង អ្នកត្រូវព្យាយាម ឲ្យអស់ពីលទ្ធភាព ដើម្បីបញ្ចប់ការងារទាំងអស់របស់អ្នក ជាជាងការ ទៅជជែកកំសាន្តជាមួយនឹង បុគ្គលិកផ្សេងទៀត ឬ ធ្វើការងារអ្វីផ្សេងទៀត ដែលមិនចាំបាច់ដូចជា ទិញទំនិញតាម ប្រព័ន្ធអ៊ីនធឺណេត ឬ លេងហ្វេសប៊ុកជាដើម ក្នុងអំឡុងពេលនៃម៉ោងធ្វើការ។ កាលបើអ្នកសន្សំពេលវេលាបានកាន់តែ ច្រើន នោះអ្នកហាក់នឹងមិន មានឱកាសប្រឈមនឹងភាពថប់បារម្ភ និង ភាពធុញថប់នឹងការងារនោះទេ នៅ ពេល ដែលអ្នកអាច ប្រគល់ការងារបានតាមការកំណត់នោះ ។

២. ផ្លាស់ប្តូរការងារចាស់ ហើយចាប់យកការងារថ្មី
ប្រសិនបើការងារដែលអ្នកកំពុងធ្វើ តែងតែបង្កស្រ្តសដល់អ្នក ជាញឹកញាប់ ហើយអ្នក បានរិះរកគ្រប់មធ្យោបាយដើម្បីបន្ថយស្រ្តេសទាំងនេះ ប៉ុន្តែនៅតែមិនអាចទទួលផលនោះ វាប្រហែលជាដល់ពេលដែលអ្នកត្រូវស្វែងរកការងារថ្មី ដោយបោះបង់ចោលការងារនេះ ហើយ! ព្រោះទោះជាការងារបច្ចុប្បន្នមានប្រាក់ចំនូលខ្ពស់ក៏ដោយ ក៏វាមិនមែនជាផល ប្រយោជន៍ សម្រាប់ខួរក្បាលអ្នកទៀតហើយ!

៣. ធ្វើការហាត់ប្រាណ
ទៅក្លឹបហាត់ប្រាណ ឬ ធ្វើការហាត់ប្រាណបែបរាំកំសាន្ត ព្រោះ លំហាត់ប្រាណច្រើន នឹងនាំឲ្យការដកដង្ហើមរបស់អ្នកបាន ទៀងទាត់ និងមានសភាពស្មើល្អ ដែលជាហេតុជួយ ធ្វើឲ្យអ្នកកាន់តែមានអារម្មណ៍ស្ងប់សុខ និង ស្រស់ថ្លា ព្រមទាំងជៀសឆ្ងាយអំពីស្រ្តេសទាំងពួង។

៤. ញញឹមឲ្យបានច្រើន
កាលបើអ្នកកាន់តែញញឹម នោះអ្នកនឹងកាន់តែមានអាម្មណ៍ថា ស្រស់ស្រាយជាងមុន តែចូរប្រាកដថា វាចេញពីក្នុងចិត្តរបស់អ្នក។ ស្នាមញញឹម បំពេញឲ្យអ្នកនូវ ស្ថានភាពអារម្មណ៍ជាវិជ្ជមាន និង អាច កាត់បន្ថយស្ត្រេស នៅពេលដែលអ្នកចង់បំបាត់វា ។

៥. ស្វែងយល់នូវអ្វីដែលថ្មីៗ
នៅពេលដែលអ្នកនៅក្មេង តើអ្នកមានធ្លាប់ចង់រៀនលេងហ្គីតា ប៉ុន្តែអ្នកមិនអាចសម្រេចវាបានមែនទេ ? គ្មានបញ្ហានោះទេ អ្នកអាចចាប់ផ្តើមបំណងប្រាថ្នានេះ ជាថ្មីម្តងទៀត ដោយការចាប់ផ្តើម ចូលរៀនក្នុង ថ្នាក់តន្ត្រីនៅក្នុងពេលនេះ ។ ការភ្ជាប់ខ្លួន ទៅនឹងសកម្មភាពកំសាន្តអ្វីមួយ គឺអាចជួយអ្នក បំបាត់នូវ ស្ត្រេសចេញពីក្នុងចិត្ត របស់អ្នកបាន។ វានឹងជួយឲ្យអ្នក ដកដង្ហើមចេញចូលដោយខ្យល់បរិសុទ្ធ និង ធ្វើឲ្យអ្នកមានអារម្មណ៍ស្រស់ស្រាយនៅនឹងកន្លែងធ្វើការបាន។

៦. រៀនធ្វើការបន្ធូរអារម្មណ៍
ជារឿយៗ នៅពេលដែលអ្នកសាកសមនឹងធ្វើការសម្រាក អ្នកបែរជាមិនបានទទួលនូវការសម្រាកមួយ ពិតប្រាកដទៅវិញ។ ជាលទ្ធផល អ្នកហាក់នឹង ចំណាយពេលឥតប្រយោជន៍ ក្នុងការសម្រាកបែបនេះ ។ នៅពេលដែលអ្នក មិនបានទទួលនូវអារម្មណ៍ធូរស្រាល និង មានថាមពលជាថ្មី នោះអ្នកនឹង មានអារម្មណ៍ ថាអ្នកមានស្ត្រេសកាន់តែខ្លាំងឡើងៗ ពីមួយថ្ងៃ ទៅ មួយថ្ងៃ។ ដូច្នេះ អ្វីដែលអ្នកត្រូវធ្វើ នៅពេលត្រលប់ទៅផ្ទះវិញនោះគឺ អ្នកត្រូវតែសម្រាកនៅពេល ដែលពេលវេលាគឺសាកសមសម្រាប់អ្នក។ ត្រូវគេងឲ្យបានគ្រប់គ្រាន់ និង ទៀងពេល។ រៀនបន្ធូរអារម្មណ៍ដោយការ ជជែកកំសាន្តជាមួយ នឹងសមាជិកគ្រូសារ ឬ ស្តាប់តន្ត្រីលំហែអារម្មណ៍ជាដើម។