បុគ្គល ៨ប្រភេទ ដែលអ្នកមិនគួររាប់រកស្និទ្ធស្នាលពេក!!

អត្ថបទនេះមិនមែនចង់មានន័យថា មិនអោយរាប់អាន មនុស្សប្រភេទនេះទេ ប៉ុន្តែគ្រាន់ តែចង់ដាស់តឿន ឲ្យមានការប្រុងប្រយ័ត្ន និងមិនគួររាប់អានអោយអស់ពីចិត្ត ដល់ថ្នាក់ ភ្លេចខ្លួននោះទេ ព្រោះបុគ្គលជំពូកទាំងនេះ អាចបង្កគ្រោះថ្នាក់ដល់ យើងនៅថ្ងៃណាមួយ ប៉ុន្តែ ទោះ យ៉ាងណាក៏វាមិនមែន ១០០% នោះដែរ ។

ជាតួរយ៉ាង បើយើងក្រឡេកទៅមើលព្រះពុទ្ធដិកា ដែលព្រះពុទ្ធបរមគ្រូនៃយើងបានប្រៀនប្រដៅវិញ គឺថាទ្រង់បានដាស់តឿនយើងថា មនុស្ស៨ជំពូកមិនគួររាប់រកស្និទ្ធស្នាលពេលទេ ហើយ មនុស្សទាំង ៨ជំពូកនោះមានដូចខាងក្រោម៖

បុគ្គលដែលធ្លាប់ធ្វើជាចោរ
មិត្តភក្តិដែលបែកគ្នាយូរមកហើយ
ស្តេច(មេ) របស់យើង
ស្រ្តីដែលមានអំណាច ឬឥទ្ធិពល
បុគ្គលដែលសាងតែអំពើអាក្រក់
បុគ្គលដែលនិយាយស្តីមិនបានការ ឡេះឡោះ ឡេមឡឺម ក្រឡិចក្រឡុច
បុគ្គលដែលមើលឃើញតែប្រយោជន៍ផ្ទាល់ខ្លួន
បុគ្គលដែលមានមារយាទលាក់ពុត ល្បិចច្រើន មិនច្បាស់លាស់ ព្រោះបុគ្គលទាំង៨ជំពូកនេះនឹងនាំផលរំខានដល់ជីវិតរបស់យើង បើសិនជាយើងទាក់ទងស្និទ្ធិស្នាលពេក។