ឥឡូវនេះម្ចាស់រថយន្ត Tesla ទាំងអស់អាចយកផ្នែកមួយនៃរថយន្តរបស់ពួកគេ ជាប់តាមខ្លួនជានិច្ចដោយគ្រាន់តែប្រើប្រាស់ជាមួយនិង iPhone 6 ឬ 6 Plus ។
ក្រុមហ៊ុនរថយន្ត Tesla បានធ្វើការដាក់លក់នូវសំបកទូរស័ព្ទ iPhone 6 ឬ 6 Plus ដែលបានផលិតដោយសំណល់នៃស្បែក ដែលបានប្រើប្រាស់ក្នុងរថយន្ត Tesla ផ្ទាល់ហើយវាក៏អាចប្រើជាមួយនិងទូរស័ព្ទ iPhone 6s ឬ 6s Plus ផងដែរ។
ស្បែក នេះគឺជាចំណែកសល់ពីការផលិតនិងតុបតែងនៃរថយន្ត Tesla ហើយវាមានភាពល្អដែរ ក្នុងការប្រើប្រាស់នូវរបស់ដែលសេសសល់ទាំងនោះ ធ្វើការផលិតចេញជាផលិតផលថ្មីមួយទៀត។ ជាការពិតណាស់ក្រុមហ៊ុន Tesla មិនជាក្រុមហ៊ុនផលិតរថយន្តដំបូងទេ ដែលធ្វើការផលិតនូវផលិតផលថ្មី ពីស្បែកដែលនៅសេសសល់ពីការផលិតរថយន្តរបស់ខ្លួន តួយ៉ាងក្រុមហ៊ុន Ferrari បានផលិតនិងលក់ ស្រោមដៃស្បែក ក្រុមហ៊ុន Bentley បានផលិតនិងលក់កាបូបស្បែក នឹងសូម្បីតែ Corvette ក៏មានលក់គ្រឿងសង្ហារឹមផលិតដោយស្បែកផងដែរ។
ក្រុមហ៊ុន Tesla បានលក់សំបកទូរស័ព្ទ iPhone ជាច្រើនប្រភេទផ្សេងគ្នា ដែលតម្លៃទូទៅ 45 ដុល្លារសម្រាប់ម៉ូតធម្មតា នឹងម៉ូដែលមានតម្លៃខ្ពស់ជាង 5 ដុល្លារវាជាលក្ខណៈកាបូប ដែលមានថតចំនួនពីរសម្រាប់ដាក់កាតឥណទាន និងមានលេខសម្គាល់ RFID ដែលអាចការពារ បន្ទះឈីបកាតឥណទានរបស់អ្នកដែលត្រូវគេលួច។
វាជាអកុសលផងដែរ សម្រាប់អ្នកប្រើប្រាស់ទូរស័ព្ទស្មាតហ្វូនដែលដំណើរការដោយ Android ព្រោះនៅក្នុងហាងលក់របស់ក្រុមហ៊ុន Tesla គឺមានលក់តែសំបកទូរស័ព្ទ iPhone តែប៉ុណ្ណោះ។
0 comments:
Post a Comment