រោមដុះកប់ក្នុងសាច់ ត្រូវបានគេដឹងថាបណ្តាលមកពីការកោរ ហើយពេលខ្លះវាឡើងខ្ទុះដូចមុនខ្ទុះអញ្ចឹងដែរ។ វាអាចបណ្តាលអោយមានការឈឺចាប់, ហើយ និង រលាកនៅលើស្បែកទៀតផង។ ចង់បំបាត់បញ្ហានេះមិនមែនជារឿងដែលពិបាកទេ វិធីខាងក្រោមនេះអាចជួយអ្នកបាន៖
១. សំបកដំឡូងបារាំង
ចិតសំបកដំឡូងបារាំង ហើយយកសំបកខាងក្នុងបិត ទៅលើកន្លែងដែលមាន រោមដុះកប់ក្នុងសាច់។ រុំបង់បិតដំបៅដើម្បីកុំអោយវាជ្រុះ។ ទុកចោល ២៤ម៉ោង។ វិធីនេះមានប្រសិទ្ធភាព ធ្វើអោយរោមដែលដុះកប់ លូតចេញមកក្រៅ។
២. ថងតែដែលឆុងរួច
Tannic Acid ដែលនៅក្នុងថងតែជួយកំចាត់អាការៈក្រហម, រលាក និង រមាស់។ វាក៏ជួយធ្វើអោយស្បែករលោងផងដែរ។ យកវាដុសទៅលើកន្លែងដែលមានរោមដុះកប់។
៣. កាហ្វេ
ដួសកាហ្វេ ១ ស្លាបព្រាបាយ លាយជាមួយទឹកក្តៅឧណ្ហៗបន្តិច (តំរូវអោយខាប់)។ ដុសទៅលើកន្លែងដែលមានរោមដុះកប់ ម៉ាស្សាជាចលនារង្វង់។ ទុកចោល ១០-១៥នាទី សឹមលាងចេញជាមួយទឹកក្តៅឧណ្ហៗ។
៤. ខ្ទឹមស
បុកខ្ទឹមសអោយម៉ដ្ឋ ហើយលាបទៅលើកន្លែងដែលមានបញ្ហា រួចហើយរុំជាមួយបង់។ ទុកចោល ៣០-៤០ នាទី សឹមលាងចេញជាមួយទឹក។ ធ្វើវិធីនេះ ២ ដងក្នុងមួយថ្ងៃ។
៥. ទឹកក្រូចឆ្មារ
លាបទឹកក្រូចឆ្មារទៅលើកន្លែងដែលមានរោមដុះកប់។ ទុកវាអោយស្ងួតទៅតាមដំណើរ។ លាងចេញជាមួយទឹកក្តៅឧណ្ហៗ តាមក្រោយ។
បញ្ជាក់៖ ប្រសិនបើស្បែករបស់អ្នកងាយរងនឹងប្រតិកម្ម វិធីមួយនេះមិនសក្តិសមសំរាប់អ្នកទេ។
ជ្រើសរើសវិធីមួយណាដែលអ្នកគិតថាងាយស្រួល៕
0 comments:
Post a Comment