បញ្ហាពិបាកគេង នៅពេលមានផ្ទៃពោះ ក្នុងត្រីមាសទី៣ លែងជាបញ្ហាទៀតហើយ

ស្ត្រីមានផ្ទៃពោះ ត្រូវចងចាំថា អ្នកគួរតែគេងផ្អៀងទៅផ្នែកខាងឆ្វេង ដើម្បីជួយកាត់បន្ថយ ទម្ងន់របស់ទារកនៅក្នុងផ្ទៃ ដែលសង្កត់ទៅលើសរសៃឈាមវ៉ែន Inferior Vena Cava ដែលជាសសៃឈាមវ៉ែន ដឹកនាំឈាមទៅកាន់បេះដូង ពីពាក់កណ្តាលខាងក្រោមនៃរាងកាយ។

ស្ត្រីគួរជៀសវាងគេងផ្ងារ ព្រោះវាអាចបង្កើនសម្ពាធ នៅលើសរសៃឈាម ដែលអាចបង្កឱ្យកើតមានការញ័រទ្រូង សម្ពាធឈាមចុះទាប និងពិបាកដកដង្ហើម។

ជាមួយគ្នានេះផងដែរ អ្នកត្រូវប្រាកដថា បរិស្ថាននៅក្នុងបន្ទប់គេង គឺត្រូវតែល្អ។ អ្នកគួរបិទទូរទស្សន៍ ឬកុំព្យូទ័រយួរដៃ និងត្រូវបិទភ្លើង។ ស្ត្រីមានផ្ទៃពោះ ជានិច្ចកាល តែងមានអារម្មណ៍ក្តៅជាប់រហូត ដូច្នេះ អ្នកគួរធ្វើឱ្យបន្ទប់ត្រជាក់ល្មម តាមតម្រូវការរបស់អ្នក។

ប្រសិនបើអ្នក មានអារម្មណ៍តានតឹង អ្នកអាចងូតទឹកក្តៅឧណ្ណៗ មុនពេលគេង និងព្យាយាមធ្វើលំហាត់ប្រាណ ឬការដកដង្ហើមជ្រៅៗជាដើម៕