ដល់វេន ម្សាញ់ និង វក ម្តង តើអ្នកអាចញញឹមតាមលោកគ្រូ Xiao Lixin បានទេ?

ខាងក្រោមនេះ ជាអ្វីដែលឆ្នាំម្សាញ់ និង វក ត្រូវដឹង ហើយត្រូវញញឹមតាមលោកគ្រូទស្សន៍ទាយ Xiao Lixin៖

តើអ្នកធ្លាប់លឺធម៌ព្រះពុទ្ធមួយឃ្លាថា ”រូបំ ទុក្ខំ អនិច្ចំ អនត្តា” ដែរឬទេ? ចំពោះ ”រូបំ ទុក្ខំ” មានន័យថា មានរូបមានទុក្ខ។ ដូច្នេះហើយយើងមិនអាចជៀសវាងអ្វី ដែលនឹងកើតឡើងនៅចំពោះមុខបានទេ។ វាមិនសំខាន់ចំពោះអ្វីនឹងកើតឡើងនោះទេ គឺវាសំខាន់ត្រង់ថាតើយើងនឹងប្រឈមមុខនឹងអ្វីដែលនឹងកើតឡើងយ៉ាងម៉េច? រាល់បញ្ហាតែងតែមានដំណោះស្រាយយ៉ាងណាមិញចំពោះការបរាជ័យនៅក្នុងឆាកជីវិតក៏អាចកែខៃ រៀនសូត្រពីវាបានដែរដើម្បីបញ្ជៀសការកើតឡើងម្តងទៀត។ ដោយសារតែបែបនេះ មហាស្នេហា សូមលើកយក ឆ្នាំចំនួន ២ ដែលរមែង កើតទុក្ខមុន ហើយទើប អាចបានទទួលលាភសំណាង ជាក្រោយ ក្នុងជីវិត របស់ពួកគេ ។ តើមានឆ្នាំណាខ្លះ មានរឿងបែបនេះ? សូមអានការទស្សន៍ទាយ របស់ លោកគ្រូ Xiao Lixin របស់គេហទំព័រ ហោរាសាស្រ្តដ៏ធំ មួយរបស់ចិន បន្តិចមើល!

1. ឆ្នាំម្សាញ់៖
«នឿយមុន ស្រណុកក្រោយ» ជាសុភាសិតសម្រាប់អ្នក ហើយត្រូវនឹងអ្នក ។

អ្នកកើតឆ្នាំនេះ កាចដោយរឿង មានចិត្តសម្បុរស គោរពអ្នកដទៃ និង ចេះផ្តល់តម្លៃ នូវកិច្ចការងារ ដែលនៅជុំវិញខ្លួន ជានិច្ច ។ មនុស្សនេះ កម្រចេះ កុហក ចេះពុតត្បុត ឬក៏ កេងប្រវណ្ឌ ទ្រព្យរបស់អ្នកដទៃឡើយ ។ ទោះជាបែបនេះក្តីជីវិត គេនៅតែមានទុក្ខមួយចំនួន ដែល ត្រូវហែលឆ្លង ដើម្បីអោយគេ អាចវិវឌ្ឍជីវិត ទៅមុខ ប្រកបដោយតម្លៃ និងភាពជោគជ័យ ។ ទុក្ខទាំងនោះច្រើនកើតចេញពីចិត្តសណ្តោសពេក ទុកចិត្តពេក ស្រលាញ់ពេក និង បារម្ភពេក ចំពោះអ្នកដទៃ ដែលនាំឲ្យខ្លួនឯង យ៉ាប់យ៉ឺន វិលវល់ និង បារម្ភ គ្រប់ពេល ឥតល្ហែរ រីឯ រឿងលុយកាក់ គេមានភាពខ្វះខាត ដោយពេលប៉ុណ្ណោះ ។ តែកុំបារម្ភ កុំភ័យ និង កុំគេងមិន លក់ អី ព្រោះថា អ្នកជាមនុស្សដែល មានគំនូសវាសនា បែបនេះ ឯង បើ មិនមានទុក្ខ លើ លើ ក៏មិនអាចទាញយីអ៊ុន អ្នកឲ្យទៅមុខ ខិតទៅរកភាពជោគជ័យដ៏ធំ សម្បើមដែរ ។ ដែលជោគជ័យនាថ្ងៃអនាគតនោះ អាចធ្វើអោយអ្នកក្លាយ ជាអ្នកមាន សេដ្ឋី ឬក៏ គហបតី ផងដែរ ។ ចូរញញឹមទទួលយករឿងល្អ ទាំងអស់នោះចុះ និងត្រូវឈប់ពិបាកចិត្តទៅ ។ តើអ្នកអាចធ្វើបានទេ?

2. ឆ្នាំវក៖
«បរាជ័យថ្ងៃនេះ ដើម្បីជោគជ័យថ្ងៃស្អែក» ជាសុភាសិតដែលត្រូវនឹងអ្នក ។

អ្នកកើតឆ្នាំនេះ ច្រើនតែមានគំនិតជ្រៅ ស្មានមិនដល់ និងមានល្បិចច្រើន ស្មានមិនដល់ ដូចគ្នា ។ ម៉្យាងទៀតមនុស្សឆ្នាំនេះ ស្រលាញ់នរណាហើយ គឺងប់ណាស់ មិនងាយផ្លាស់ចិត្តពីរបី តាមតែនឹកឃើញទេ ហើយគេជាមនុស្សមានជំហ៊រច្បាស់លាស់ក្នុងជីវិតណាស់ ។ គេស្រលាញ់ ការងារ និង គ្រួសារ របស់គេណាស់ សឹងថាអ្នកណាប៉ះមិនបាន ។ តែទោះជាបែប នេះក្តី ជីវិតគេត្រូវជួបទុក្ខមួយចំនួនជាច្រើនដង មុននឹងជីវិតគេអាចក្លាយ ជាអ្នកមានទ្រព្យ មានបុណ្យស័ក្ត មានអំណាច និង មានកិត្តិនាមខ្ទរខ្ទារបាន ។ ទុក្ខនេះអាចជា ភាពខ្វះខាតលុយកាក់់ ទំនាស់គ្រួសារ និង ជួបមនុស្សក្បត់ចិត្ត ឬមិនស្មោះត្រង់ នឹងខ្លួន ។ បើគេបានឆ្លងរឿងអាក្រក់ ឬស្រមោលអាក្រក់ ទាំងនេះ បាន នាថ្ងៃមុខ គេនឹងជោគជ័យ ក្នុងជីវិត ហើយក្លាយជា អ្វីមួយដែលល្អក្រៃលែង តាមតែចិត្តគេប្រាថ្នា ចង់បាន ។ ដូច្នេះលោកគ្រូ សូមសួរថា អ្នកអាចញញឹម មានហើយឬនៅ ? ទុក្ខទាំងឡាយនេះ អ្នកព្រមទទួលយកវាទេ?

Copyrighted: Moha Sneha
Source: Taiiwan Secret (Xiao Lixin)