ចាប់ពីថ្ងៃទី១៥ ខែកញ្ញា ទៅ ឆ្នាំ មមី និង វក ត្រូវអនុវត្តរឿងមួយចំនួនដើម្បីទទួលបានលាភសំណាង!

ផ្អែកលើការទស្សន៍ទាយ ពី គេហទំព័រហោរាសាស្រ្តចិន Feng Shui China ដែល ប្រជាជនចិន ជឿទុកចិត្ត នោះ ចាប់ពីថ្ងៃ ១៥ ខែ កញ្ញា ឆ្នាំ ២០១៧ នេះ ទៅ ៥ ថ្ងៃជាប់គ្នា គឺជាថ្ងៃល្អ ខែល្អ ពេលវេលាល្អ សម្រាប់ឆ្នាំមមី និង ឆ្នាំវក ក្នុង ការធ្វើកិច្ចការងារមួយចំនួន ដើម្បីអោយជីវិត រស់នៅរបស់គេ មានភាពសុខស្រួល សម្បូណ៌ សប្បាយ មានលុយកាក់ចាយ គ្រប់គ្រាន់ និង មានញាតិមិត្តចោមរោម ស្រលាញ់រាប់អាន មិនចេះខ្វះ ពោលគឺចាប់ពី ថ្ងៃ១៥ ខែកញ្ញា នេះឈាន ចូលមកភ្លាម គេត្រូវតែ អនុវត្តដូចតទៅនេះ៖

១. ឆ្នាំមមី៖

- ស្ថិតចំចំណុច ស្តេចសេះ.ស មានឬកពារល្អ មានបញ្ញាច្រើន ចិត្តបុណ្យ មានបុណ្យកុសល្យ មានព្រេងវាសនាខ្ពស់ ថ្ងៃអនាគតមានមនុស្សល្អៗចាំជួយជ្រោមជ្រែងការងារ ហើយនឹងបានយសស័ក្តធំដុំ និង ទទួលបានការកើតសរសើរច្រើនពីអ្នកផង ។

- អ្វីដែលត្រូវអនុវត្ត ដើម្បីនាំសំណាង ចាប់ពីថ្ងៃទី១៥ ខែកញ្ញា ឆ្នាំ២០១៧ នេះទៅ៖ ក្រោកពីដំណេក មុនម៉ោង ៦:00 ព្រឹក លាងបាតជើង ទន្រាំ ៣ ដង ហើយសឹម លុបមុខ ដើម្បីបណ្តេញចង្រៃ និង ទាញ លាភសំណាងចូល ក្នុងថ្ងៃថ្មី និង សូត្រធម៌អមោតស្ស ៣ ចប់ ទើបចាប់ផ្តើមប្រតិបត្តិការការងារប្រចាំថ្ងៃ ។

- ចំណុចដែលត្រូវជៀសផុត គឺ ជំងឺព្យាធិ គ្រោះថ្នាក់ និង ការបោកបញ្ឆោត ។

- ចំណុចសំណាងដែលត្រូវមាន គឺ ទំនាក់ទំនងល្អៗ ទ្រព្យសម្បត្តិ ស្នេហា និង ការបណ្តាក់ទុនថ្មី ។

២. ឆ្នាំវក៖

- ស្ថិតចំចំណុច ស្តេចស្វា លើគិរី និន្រ្ទា មានសម្បត្តិច្រើនជាង ផ្ទះសេដ្ឋី ធាតុមាសទឹកដប់ ចិត្តទន់ប្រកបដោយបុណ្យ នឹងបានជាធំមានធនធានច្រើន ទៅណាមកណាមានមនុស្សចោមរោមស្រលាញ់ លុះនិយាយការងារអ្វីនឹងបានសម្រេច នឹងឈ្នះគេទាំងពួង ហើយថ្ងៃអនាគតនឹងមានទ្រព្យហូរហៀរ។

- អ្វីដែលត្រូវអនុវត្ត ដើម្បីនាំសំណាង ចាប់ពីថ្ងៃទី១៥ ខែកញ្ញា ឆ្នាំ២០១៧ នេះទៅ៖ ក្រោកពីដំណេក មុនម៉ោង ៦:៣0 ព្រឹក លុបមុខ បន្ទាប់មក យកទឹកដាក់បាតដៃ ទះលើទ្រូង ៣ ដង ដើម្បីហៅទ្រព្យសំណាងចូល ក្នុងថ្ងៃថ្មី និង ត្រូវសូត្រធម៌ នមោតស្ស ៣ ចប់ដើម្បី បង្កើនសិរី ទ្វេដង ។

- ចំណុចដែលត្រូវជៀសផុត គឺ ភាពមន្ទិលសង្ស័យ ភាពម៉ងសៅ ក្តីខ្វះខាត គ្រោះថ្នាក់ និង ការភ័ន្តច្រឡំ ។

- ចំណុចសំណាងដែលត្រូវមាន គឺ ទ្រព្យសម្បត្តិ ស្នេហា និង ដំណឹងល្អៗពីទីឆ្ងាយ ។