ប្រជ្រុយ ៤ ទីតាំងដែលមិនល្អចំពោះស្នេហា

ប្រជ្រុយនៅក្នុងផ្ទៃ ស របស់កែវភ្នែកជាសញ្ញានៃរឿងស្នេហាមានឧបសគ្គ ងាយមានអ្នកទីបីជ្រៀតជ្រែក, ងាយចែកផ្លូវគ្នា … ។

១. ប្រជ្រុយនៅចន្លោះចិញ្ចើមនិងភ្នែក

នៅក្នុងសិល្ប:សម្គាល់មនុស្សដោយទ្រង់ទ្រាយមុខ ផ្នែកចន្លោះរោមចិញ្ចើមនិងភ្នែក គឺជាខ្សែ ធ្នូរបង្ហាញពីជីវិតគ្រួសារ និង ទំនាក់ទំនងមនោសញ្ចេតនារបស់មនុស្ស ។ អ្នកមានប្រជ្រុយនៅ កន្លែងនេះ មនោសញ្ចេតនាមិនសុវត្ថិភាព និង ងាយកើតមានបញ្ហា ។

២. ប្រជ្រុយនៅក្នុងផ្ទៃសរបស់កែវភ្នែក

ភ្នែក គឺជាបង្អួចព្រលឹងរបស់មនុស្សម្នាក់ៗ ដែលមិនគួរមានរបស់អ្វីរារាំងឡើយ ហេតុនេះប្រសិនបើនៅក្នុងផ្ទៃសរបស់កែវភ្នែកមានប្រជ្រុយនោះ រឿងរ៉ាវស្នេហារបស់អ្នកនឹងមាន ឧបសគ្គយ៉ាងច្រើន, ងាយមានអ្នកទីបីចូលជ្រៀតជ្រែក, ពេលស្រឡាញ់គ្នាងាយចែកផ្លូវ និងពេលរៀបការហើយនោះលំបាកមានសុភមង្គលខ្លាំងណាស់ ។

៣. ប្រជ្រុយលើតួស្លឹកត្រចៀក

អ្នកដែលមានប្រជ្រុយនៅលើតួស្លឹកត្រចៀក គឺជាមនុស្សច្របូកច្របល់ ងាយផ្លាស់ប្តូរ និង ជំនួសគូស្នេហ៍យ៉ាងច្រើន ។

៤. ប្រជ្រុយនៅត្រង់ចង្អូរក្រោមច្រមុះ

អ្នកដែលមានប្រជ្រុយនៅត្រង់ចង្អូរក្រោមច្រមុះ ក្នុងរឿងស្នេហាស្រឡាញ់ងប់ងល់ និង មានចំណង់ខ្លាំង ។ ប្រសិនបើដៃគូស្នេហ៍មិនអាចបំពេញរឿងដែលចង់បាននោះ សេចក្តីស្នេហា របស់អ្នកទាំងពីរនឹងកើតបញ្ហាមិនខាន ៕

ប្រភពពី៖ CEN.com.kh