ខាល និង រោង នឹងមានសំណាងល្អ និង ទ្រព្យហូរហៀរ ចាប់ពីថ្ងៃទី ១៨ ខែ ៨ នេះ!

ផ្អែកលើការទស្សន៍ទាយ ពី គេហទំព័រហោរាសាស្រ្តចិន Feng Shui China ដែល ប្រជាជនចិន ជឿទុកចិត្ត នោះ ចាប់ពីថ្ងៃ ១៨ ខែ ៨ ឆ្នាំ ២០១៧ នេះ ទៅ ៧ ថ្ងៃជាប់គ្នា គឺជាថ្ងៃល្អ ខែល្អ ពេលវេលាល្អ សម្រាប់ឆ្នាំខាល និង ឆ្នាំរោង ក្នុង ការធ្វើកិច្ចការងារមួយចំនួន ដើម្បីអោយជីវិត រស់នៅរបស់គេ មានភាពសុខស្រួល សម្បូណ៌ សប្បាយ មានលុយកាក់ចាយ គ្រប់គ្រាន់ និង មានញាតិមិត្តចោមរោម ស្រលាញ់រាប់អាន មិនចេះខ្វះ ពោលគឺចាប់ពី ថ្ងៃ១៨ ខែ ៨ នេះឈាន ចូលមកភ្លាម គេត្រូវតែ អនុវត្តដូចតទៅនេះ៖

១. ឆ្នាំខាល៖

- ស្ថិតចំចំណុច ស្តេចខ្លាត្រី ធាតុភ្លើងក្នុងកែវ មានបញ្ញាច្រើន មានមនុស្សស្រលាញ់ច្រើន ចិត្តបុណ្យ មានបុណ្យកុសល្យ មានព្រេងវាសនាខ្ពស់ ថ្ងៃអនាគតមានមនុស្សល្អៗចាំជួយជ្រោមជ្រែងការងារ ហើយនឹងបានយសស័ក្តធំដុំ ។

- អ្វីដែលត្រូវអនុវត្ត ដើម្បីនាំសំណាង ចាប់ពីថ្ងៃទី១៨ ខែ៨ ឆ្នាំ២០១៧ នេះទៅ៖ ក្រោកពីដំណេក មុនម៉ោង ៧:០០ ព្រឹក លាងបាតជើង ទន្រាំ ៣ ដង ហើយសឹម លុបមុខ ដើម្បីបណ្តេញចង្រៃ និង ទាញ លាភសំណាងចូល ក្នុងថ្ងៃថ្មី ។

- ចំណុចដែលត្រូវជៀសផុត គឺ គ្រោះថ្នាក់ ពាក្យនិយាយដើម និង ការបោកបញ្ឆោត ។

- ចំណុចសំណាងដែលត្រូវមាន គឺ មិត្តភ័ក្តរួមសុខទុក្ខ ទ្រព្យសម្បត្តិ ស្នេហា និង ការបណ្តាក់ទុនថ្មី ។

២. ឆ្នាំរោង៖

- ស្ថិតចំចំណុច នាគរាជក្នុងសមុទ្រ ធាតុមាសទឹកដប់ ចិត្តទន់ប្រកបដោយបុណ្យ នឹងបានជាធំមានធនធានច្រើន ទៅណាមកណាមានមនុស្សចោមរោមស្រលាញ់ លុះនិយាយការងារអ្វីនឹងបានសម្រេច នឹងឈ្នះគេទាំងពួង ហើយថ្ងៃអនាគតនឹងមានទ្រព្យហូរហៀរ មួយវិញទៀតបើមានរឿងរមែងមានមនុស្សចាំជួយជានិច្ច ។

- អ្វីដែលត្រូវអនុវត្ត ដើម្បីនាំសំណាង ចាប់ពីថ្ងៃទី១៨ ខែ៨ ឆ្នាំ២០១៧ នេះទៅ៖ ក្រោកពីដំណេក មុនម៉ោង ៧:៣០ ព្រឹក លុបមុខ បន្ទាប់មក យកទឹកដាក់បាតដៃ ទះលើទ្រូង ៣ ដង ដើម្បីហៅទ្រព្យសំណាងចូល ក្នុងថ្ងៃថ្មី។

- ចំណុចដែលត្រូវជៀសផុត គឺ ទុក្ខកង្វល់ ភាពម៉ងសៅ ក្តីខ្វះខាត និង ការភ័ន្តច្រឡំ ព្រមទាំងអំពើផិតក្បត់ទាំងពួង ។

- ចំណុចសំណាងដែលត្រូវមាន គឺ ទ្រព្យសម្បត្តិ ស្នេហា និង ដំណឹងល្អៗ ពីចម្ងាយ ។