ប៉ុន្មានថ្ងៃទៀតជាថ្ងៃពិសេស របស់ឆ្នាំ ថោះ រោង វក និង រកា តើពិសេសយ៉ាងម៉េចទៅ?

តាមការទស្សន៍ទាយ ក្នុងពេលឆាប់ៗនេះ ប្រមាណជាយ៉ាងយូរ ២ សប្តាហ៍ នឹងមានឆ្នាំបួន ដែលនឹងទទួលបានពរសិរី ពីអស់វត្ថុស័ក្ត ព្រៃព្រឹក្សា ព្រះគង្គារ ព្រះធរណី និង បារមីនានា ដើម្បីអោយគេមានជោគ មានសំណាង មានភាពរុងរឿងក្នុងជីវិតរស់នៅរបស់គេ ដូចខាងក្រោមនេះ ៖

១.ឆ្នាំថោះ៖
មិនយូរទៀតទេអ្នកនឹងទទួលបានលាភសំណាង រឿងល្អចូលក្នុងជីវិតរកស៊ី របស់អ្នកជាក់ជាមិនខាន មួយវិញទៀតអ្នកនឹងជួបមនុស្សស្រី ដែលមានចិត្តមេត្តា សណ្តោស និង មានចរិកមាយាទថ្លៃថ្នូរម្នាក់ចូលមកជាទីប្រឹក្សាក្នុងជីវិតរបស់អ្នក (ចំណាំគេគឺជាមិត្ត ឬក៏ ជំនួយការប៉ុណ្ណោះ) ។

២.ឆ្នាំរោង៖
យ៉ាងយូរ ២ សប្តាហ៍ក្រោយ អ្នកនឹងទទួលបានដំណឹងល្អ ២ គឺមួយទាក់ទងនឹង លុយកាក់ និង ពីរទាក់ទងនឹងមិត្តចាស់ ដែលបាត់ដំណឹង ឬក៏ គ្មានទំនាក់ទំនងជាយូរមកហើយ តែ ដោយសារតែ នា ប៉ុន្មានថ្ងៃខាងមុខនោះ អ្នកមានរាសីល្អ ដូច្នេះហើយ ដំណឹងអ្នកទាំង២ យ៉ាងនោះ សុទ្ធតែនាំមកនូវផលល្អដល់អ្នកជានិច្ច ។

៣.ឆ្នាំវក៖
សប្តាហ៍ក្រោយៗ រាប់ចាប់ពីចុងសប្តាហ៍ទី១ នៃខែកក្កដានេះ អ្នកនឹងទទួលបានរឿងល្អៗ ជាច្រើនចូលមកក្នុងជីវិតរស់នៅ និង រកស៊ី របស់អ្នកជាក់ជាមិនខាន ហើយទន្ទឹមនឹងនោះ អ្នកនឹងមានលាភចេញ ពីធរណី និង ខ្យល់ ដែលវាអាចជាចំណេញពីការប្រកបរបរពាក់ព័ន្ធនឹងដី ឬខ្យល់ជាដើម ។ តែមួយវិញទៀត នឹងមានមនុស្សប្រុសចំណាស់វ័យប្រហែលជាខ្ទង់ ៥០ឡើង នឹងនាំដំណឹងល្អដល់អ្នកផងដែរ ។

៤.ឆ្នាំរកា៖
នៅក្នុងសប្តាហ៍ទី ២ ឬក៏ ទី៣ នៃខែកក្កដានេះ អ្នកនឹងទទួលបានដំណឹងបណ្តាក់ទុនថ្មីៗ និងដំណឹងដែលនាំលោកអ្នកអោយទទួលជោគជ័យក្នុងរឿងអ្វីមួយ ដោយរឿងនោះ ពាក់ព័ន្ធ នឹងការងាររបស់អ្នក ឬក៏ក្រុមគ្រួសាររបស់អ្នក ដែលលោកអ្នកមិនបានចាប់អារម្មណ៍សូម្បីតែបន្តិច ហើយក្នុងនោះ អ្នកនឹងទទួលបានការកោតសរសើរពីមនុស្សនៅជុំវិញខ្លួនផងដែរ ។