ទម្រង់ថ្គាម និង ចង្កា អាចបង្ហាញពីបុគ្គលិកលក្ខណ: និង អនាគតរបស់អ្នកបាន!

ចង្កាស្រួចសម្គាល់មនុស្សដែលមានបុគ្គលិកលក្ខណ: និង មានភាពទាក់ទាញបំផុត ប៉ុន្តែជាមនុស្សខុសប្រក្រតី និង ពិបាកក្នុងការទស្សន៍ទាយ ។ មនុស្សចង្កាបាក់តែងតែទន់ខ្សោយ ឬ ឆាប់ស្រក់ទឹកភ្នែក ។

១. ចង្កា:

-ចង្កាមូល : មនុស្សនេះតែងតែចង់ដឹងចង់ឃើញ និង ស្រេកឃ្លានការសិក្សាបំផុត ។ ជួនកាលពេលបានឆ្ងល់ពីរឿងអ្វីមួយ ពួកគេសម្រេចចិត្តស្វែងរករហូតទាល់តែឃើញការពិត ។ ពួកគេចូលចិត្តភស្តុតាង ប៉ុន្តែមិនចូលចិត្តជឿទៅលើអបិយជំនឿឡើយ ។

-ចង្ការាងការ៉េ : មនុស្សចង្ការាងការ៉េជាមនុស្សស្មោះត្រង់, មានអ្វីនិយាយនោះ មិនព្យាយាមលាក់លៀមឡើយ ហើយត្រូវបានមនុស្សគ្រប់គ្នាស្រឡាញ់រាប់អានយ៉ាងខ្លាំង ។ នៅក្នុងជីវិត ពួកគេជួបសំណាងច្រើន ពិសេសគឺអំពីបញ្ហាប្រាក់កាស ។

-ចង្កាស្រួច : ជាមនុស្សកំពូលបុគ្គលិកលក្ខណ: និង ទាក់ទាញ ប៉ុន្តែក៏ជាមនុស្សខុសប្រក្រតី និង លំបាកទស្សន៍ទាយដែរ ។ ពួកគេឯករាជ្យ និង ច្បាស់លាស់, តែងតែស្រេកឃ្លានអំណាច និង តាមដានរហូតដល់ទីបញ្ចប់នូវអ្វីដែលខ្លួនបានជ្រើសរើស ។

-ចង្កាតូច, ចង្អៀត: មនុស្សនេះតែងតែមិនសម្ញែង ប៉ុន្តែកំណាញ់ និង មាន “អាត្មានិយម” កំពូលខ្ពស់ ។

-ចង្កាទូលាយ : ជាមនុស្សសប្បាយរីករាយ, ឥតកង្វល់ក្នុងការរស់នៅ, គួរឲ្យស្រឡាញ់ និង តែងតែត្រូវបានមនុស្សគ្រប់គ្នាស្រឡាញ់រាប់អាន ។ ពួកគេក៏ជួបភាពជោគជ័យនៅក្នុងជីវិតច្រើនណាស់ដែរ ប៉ុន្តែមិនមែនអាស្រ័យលើខ្លួនឯងទេ គឺអាស្រ័យលើសំណាង និង ការជួយ របស់មនុស្សគ្រប់គ្នា ។

-ចង្កាខ្លី : មនុស្សចង្កាខ្លីមានភាពឈ្លាសវៃបំផុត និង មានខួរក្បាលមានអំណោយទានខាងធ្វើអាជីវកម្ម ។ ពួកគេជួបសំណាងច្រើន និង ជួបជោគជ័យធំ ពេលចូលរួមក្នុងសកម្មភាពពាណិជ្ជកម្ម, វិនិយោគពាណិជ្ជកម្ម … ទាំងនៅវ័យក្មេង ។

-ចង្កាវែង : មនុស្សនេះក៏មាន “អាត្មានិយម” កំពូលខ្ពស់ដែរ ឬ ក្រអឺតក្រទម ឬ មិនសូវរីករាយ និង លំបាកផ្គាប់ចិត្ត ។

-ចង្កាបាក់ : តែងតែមានបុគ្គលិកលក្ខណ:ទន់ខ្សោយ, រំញោចអារម្មណ៍, ងាយរងគ្រោះ និង ឆាប់ស្រក់ទឹកភ្នែក ៕

២. ថ្គាម:

-ថ្គាមទូលាយ : មនុស្សមានថ្គាមទូលាយជាមនុស្សម៉ឺងម៉ាត់ និង វាយឫកបំផុត ប៉ុន្តែស្មោះត្រង់ និង គួរឲ្យទុកចិត្តបាន ។ ពួកគេមានសំណាងបានក្លាយជាមនុស្សមានសិទ្ធិអំណាចក្នុងពេលអនាគត។ ក្រៅពីនេះ ពួកគេក៏ជាមនុស្សរឹងរូស, តែងតែងជឿជាក់ទៅលើរឿងដែលខ្លួនបានជ្រើសរើស, លំបាករងឥទ្ធិពលដោយសារទស្សន: និង ឥទ្ធិពលនៅជុំវិញខ្លួនបំផុត ។

-ថ្គាមខ្លី : តែងតែជាមនុស្សមានអារម្មណ៍ស្ងប់ស្ងាត់, ខ្មាសអៀន និង មិនចូលចិត្តបង្ហាញពីខ្លួនឯង ។ ពួកគេចូលចិត្តធ្វើតាមអ្វីដែលត្រូវបានគេដឹកនាំ, រក្សាឲ្យខ្លួននូវអារម្មណ៍ទន់ភ្លន់ និង រាថយ ។