ក្នុងផ្ទះមានឆ្នាំ ជូត ឆ្លូវ មមែ ឬក៏ ច ទេ? នៅ ១០ ថ្ងៃក្រោយ នឹងមានរឿង......

បើក្នុងផ្ទះអ្នកមានឆ្នាំ ជូត ឆ្លូវ មមែ ឬក៏ ច ទេ អ្នកត្រូវស៊ែរយកហេងអោយគេមួយទៅ ព្រោះថា នៅរវាង ១០ ថ្ងៃក្រោយ គេនឹងមានរឿងល្អចូលហើយ...ព្រោះ...បើតាមក្បួនទស្សន៍ទាយ ចេញពីទំព័រហោរាសាស្រ្តចិន ក្នុងបណ្តាញសង្គមចិន Weibo បានប្រាប់អោយដឹងថា ពួកគេមានដួងរាសីល្អ ខាងលាភសំណាង ជាប្រាក់កាស ជាដំណឹងល្អ ជាភាពល្អូកល្អឺនក្នុងគ្រួសារ ជាពិសេស គឺមានបញ្ជាក់ពីទិស ដែលលាភសំណាងនោះត្រូវចូលមកថែមទៀតផង ។ ដើម្បីឲ្យកាន់តែជាក់ច្បាស់ សូមអានការទស្សន៍ទាយខាងក្រោមដូចតទៅ៖

១. ឆ្នាំជូត៖
អ្នកកើតឆ្នាំនេះ នៅអំឡុង ១០ ទៅ ១២ ថ្ងៃក្រោយ នឹងមានទទួលបានលាភសំណាង ចំនួនពីរយ៉ាង គឺ៖ លាភសំណាងខាងស្នេហា និង លាភសំណាងជាភោគទ្រព្យ ។

លាភសំណាងខាងស្នេហា គឺសំដៅដល់ គូស្នេហ៍នឹងមានភាពល្អូកល្អឺន ក្រុមគ្រួសារនឹងមានភាពរីករាយ យ៉ាងមានសុភមង្គល ហើយបើអ្នកនៅលីវ នឹងអាចទទួលបានវត្តមានគូគ្រង ចូលមកក្នុងជីវិតរស់នៅ របស់អ្នកជាក់ជាមិនខាន ។

រីឯលាភសំណាងជាភោគទ្រព្យវិញ គឺសំដៅដល់សេចក្តីសុខ សុភមង្គល ខាងផ្នែករកស៊ីជួញដូរប្រចាំថ្ងៃ នឹងមានការលូតលាស់ល្អឡើងៗ ដែលនឹងនាំមកអោយលោកអ្នកនូវ ប្រាក់កាស ជាច្រើនគួរឲ្យកត់សម្គាល់ជាសព្វមួយដង ហើយទន្ទឹមនឹងនោះ ក៏នឹងមានមនុស្សចាំជួយជ្រុមជ្រែងអ្នកឲ្យជោគជ័យក្នុងវិស័យរកស៊ីជួញដូរនេះ ផងដែរ ។

ចំពោះទិសសំណាងដែលនាំនូវលាភសំណាងនោះ ដល់រូបអ្នកគឺ៖ ទិសត្បូង ឬក៏ ទិសជើង ។

២. ឆ្នាំឆ្លូវ៖
អ្នកកើតឆ្នាំនេះ នៅអំឡុង ១០ ថ្ងៃក្រោយ នឹងមានទទួលបានលាភសំណាង ចំនួនបីយ៉ាង គឺ៖ លាភសំណាងខាងទ្រព្យចាស់ លាភសំណាងខាងទ្រព្យថ្មី និង លាភសំណាងខាងដំណឹងល្អ ។

លាភសំណាងខាងទ្រព្យចាស់ គឺសំដៅដល់ ទ្រព្យធនដែលអ្នកបានបាត់បង់កាលពីមុន ដូចជាប្រាក់ឲ្យគេខ្ចី ឬក៏ ប្រាក់ខាត់បង់ក្នុងបណ្តាក់ទុន នានា នឹងត្រូវបានគេប្រគល់មកអោយវិញ ក្នុងពេលឆាប់ៗនេះ ទោះជាមិនបានច្រើន ក៏បានខ្លះមកវិញដែរ ។

មួយវិញទៀត គឺលាភសំណាងខាងទ្រព្យថ្មី គឺសំដៅដល់ មុខរបររកស៊ី ធ្វើការ របស់អ្នករាល់ថ្ងៃនឹងលូតលាស់ទៅមុខយ៉ាងរលូន ហើយ ផ្តល់ជាផលផ្លែផ្កាយ៉ាងប្រពៃ ដល់រូបអ្នក ក៏ដូចជាក្រុមគ្រួសារ របស់អ្នកផងដែរ ។

រីឯសំណាងខាងដំណឹងល្អវីញ គឺសំដៅដល់ ដំណឹងពីគ្រប់រឿងរ៉ាវ ដែលនៅជុំវិញអ្នក នៅអំឡុង ប៉ុន្មានថ្ងៃខាងមុខនេះ គឺសុទ្ធសឹងតែជាដំណឹងល្អ ដែលនាំជីវិតអ្នកទៅរកភាពជោគជ័យ និង ល្អប្រសើរនាថ្ងៃមុខ ។

ចំពោះទិសសំណាងដែលនាំនូវលាភសំណាងនោះ ដល់រូបអ្នកគឺ៖ ទិសនីរតី ទិសត្បូង និង ទិសលិច ។

៣. ឆ្នាំមមែ៖
អ្នកកើតឆ្នាំនេះ នៅអំឡុង ១០ ថ្ងៃក្រោយ នឹងមានទទួលបានលាភសំណាង ចំនួនពីរយ៉ាង គឺ៖ លាភសំណាងជាលុយកាក់ និង លាភសំណាងជាដំណឹងមានជ័យ ។

លាភសំណាងជាលុយកាក់ គឺសំដៅដល់ ទ្រព្យធនដែលអ្នកនឹងបានកើតចេញ បុណ្យកុសលរបស់អ្នក និង ការខិតខំប្រឹងប្រែង របស់អ្នកកន្លងមក ពោលគឺជាប្រាក់ចំណូលច្រើន កើតចេញពីការរកស៊ី បណ្តាក់ទុន ឬក៏ មានអ្នកជិតស្និទ្ធិ យកមកអោយ ។

រីឯលាភសំណាងខាងដំណឹងមានជ័យវិញ គឺសំដៅដល់ ដំណឹងស្តីពី រឿងក្តីក្តាំ រឿងរកាំរកូស ឬក៏ បញ្ហានានា ដែលអ្នកកំពុងប្រឈមនោះ នឹងត្រូវឈានឆ្ពោះដល់កាលវេលាបញ្ចប់ ប្រកបដោយភាពជោគជ័យ មកដល់រូបអ្នកហើយ ។

ចំពោះទិសសំណាងដែលនាំនូវលាភសំណាងនោះ ដល់រូបអ្នកគឺ៖ ទិសជើង និង ទិសកើត ។

៤. ឆ្នាំច៖
អ្នកកើតឆ្នាំនេះ នៅអំឡុង ១០ ទៅ ១៥ ថ្ងៃក្រោយ នឹងមានទទួលបានលាភសំណាង ចំនួនពីរយ៉ាង គឺ៖ លាភសំណាងខាងលុយកាក់ និង លាភសំណាងខាងឈ្នះក្តី ។

លាភសំណាងខាងលុយកាក់ គឺសំដៅដល់ ទ្រព្យធនដែលអ្នកនឹងបានកើតចេញ ការខិតខំប្រឹងប្រែង និង ការបណ្តាក់ទុនរកស៊ីរបស់អ្នក កន្លងមក ពោលគឺជាប្រាក់ចំណូលភាគច្រើន កើតចេញពីអ្នកដទៃនាំមកអោយ ច្រើនជាងមនុស្សជិតស្និទ្ធិនៅក្បែរ ។

រីឯលាភសំណាងខាងឈ្នះក្តីវិញ គឺសំដៅដល់ រឿងជម្លោះទាស់ទែង រឿងវិវាទតូចធំ ឬក៏ បញ្ហាក្តៅក្រហាយទាំងឡាយ ដែលអ្នកកំពុងមាន នឹងត្រូវរលាយសាបសូន្យ វិនាសខ្ទេចខ្ទី គ្មានសល់ ព្រោះអ្នកមានរាសីខ្ពស់ជាងគូទំនាស់ ឬក៏ បញ្ហាទាំងអស់នោះ ។

ចំពោះទិសសំណាងដែលនាំនូវលាភសំណាងនោះ ដល់រូបអ្នកគឺ៖ ទិសឦសាន្ត និង ទិសកើត ។