Home / គតិបណ្ឌិត / ចំណេះដឹងថ្មីៗ / ស្នេហា / កំណាព្យ "ម៉ែ" ឆ្លុះបញ្ចាំងពីទឹកចិត្ត ដ៏ជ្រាលជ្រៅចំពោះកូនៗ

គតិបណ្ឌិត

កំណាព្យ "ម៉ែ" ឆ្លុះបញ្ចាំងពីទឹកចិត្ត ដ៏ជ្រាលជ្រៅចំពោះកូនៗ

May 21, 2017 គតិបណ្ឌិត , ចំណេះដឹងថ្មីៗ , ស្នេហា Edit

(សូមចំណាយពេល អានកំណាព្យនេះ បន្តិច បានទេ)

កំណាព្យ "ម៉ែ" ឆ្លុះបញ្ចាំងពីទឹកចិត្ត ដ៏ជ្រាលជ្រៅចំពោះកូនៗ

1-ម៉ែប្រាប់រឿងមួយចូរកូនចាំ

ពេលម៉ែរងកម្មពរពោះកូន

ចាញ់ខ្លិនអសោចស្ទើរស្លាប់សូន្យ

ព្រោះម៉ែចាញ់កូនណាបុត្រា។

2-ម៉ែមិនហ៊ានហូបម៉ែមិនហ៊ានជក់

ម៉ែមិនហ៊ានភ្លក់រស់អាហារ

ព្រោះតែម៉ែខ្លាចកូនមរណា

ក្នុងផ្ទៃមាតាខានឃើញភ័ក្រ្ត។

3-ម៉ែមិនហ៊ានផឹកម៉ែមិនហ៊ានរត់

ម៉ែដើរទប់ៗខ្លាចដួលទាក់

ទោះកូនខំរើកំរើកធាក់

ម៉ែឈឺព្រោះអ្នកណាបុត្រថ្លៃ។

4-ម៉ែគេងមិនស្កប់ភ្នែកខ្មៅរូង

ម៉ែឈឺញ័រទ្រូងខ្លាចកូនក្សៃ

ពីមុនម៉ែដើរមិនខ្លាចថ្ងៃ

ពេលមានបុត្រថ្លៃម៉ែខ្លាចគ្រប់។

5-ពេលម៉ែកើតអ្នកហូរធ្លាក់ឈាម

ម៉ែឈឺក្រំក្រៀមទាំងថ្ងៃយប់

តាំងពីព្រលឹមទល់ព្រលប់

ឈឺពេកសន្លប់បាត់ស្មារតី។

6-ពេលកូនប្រសូត្រឃើញលោកា

ម៉ែលើកហត្ថាការបុត្រថ្លៃ

មកផ្អិបនឹងទ្រូងម្តាយពិសី

បៅដោះម្តាយថ្លៃដោយមេត្តា។

7-ទឹកដោះម៉ែប្រែពីលោហិត

ផ្សើមមាត់មាសមិត្តជាអាហារ

ពេលកូនបិទភ្នែកមិនវាចារ

កើយទ្រូងមាតាដោយកក់ក្តៅ។

8-ពេលកូនធំឡើងចូរកូនចាំ

គ្រប់ពាក្យបណ្តាំម៉ែប្រដៅ

កុំសេពគ្រឿងញៀនឃ្លានល្ងង់ឃ្លៅ

រៀនយកសៀវភៅជាប្រឹក្សា។

9-រៀនរាប់មនុស្សល្អដោយចិត្តស្មោះ

រៀនធ្វើជាប្រុសកុំសាវ៉ា
រៀនធ្វើជាប្តីក្នុងគ្រួសារ

រៀនធ្វើជាប៉ាពេលមានបុត្រ។

10-រៀនរស់ឲ្យយល់ពីធម៌អា

រៀនទៅវត្តវ៉ាខែភ័ក្រ្តបុត្រ
រៀនធ្វើអ្នកមានកុំឲ្យខ្សត់

រៀនចិត្តអំណត់ពេលកូនខឹង។

11-ឥលូវម៉ែចាស់ភ្លេចភ្លាំងភ្លឹក

ភ្លេចបាយភ្លេចទឹកបាត់លំនឹង
ទាន់ភ្នែកម៉ែភ្លឺមានព្រលឹង

ឃើញកូនរឹងពឹងមុនម៉ែឃ្លាត។

12-ពេលម៉ែឃ្លាតទៅកូនកុំយំ

ព្រោះមនុស្សយើងផ្គុំពីបួនធាតុ
កើតចាស់ឈឺស្លាប់ប្រាប់គ្រប់ជាតិ

គ្រប់មនុស្សត្រូវឃ្លាតចាកលោកា៕

***ខាងក្រោមជារូបភាពតំណាង ម៉ែ!!

ប្រភពកំណាព្យពី៖ Khmerload

0 comments:

Post a Comment

Subscribe to: Post Comments ( Atom )